«Համաներման մասին» օրինագիծը ձգձգվում է. Փաշինյանը չի ուզում այս փուլում թեման այդքան «տաքացնել»

Oct 16, 2018 Comments Off on «Համաներման մասին» օրինագիծը ձգձգվում է. Փաշինյանը չի ուզում այս փուլում թեման այդքան «տաքացնել»

«Իրավունք» թերթը գրում է. «Չնայած կառավարությունից ասում են, որ շատ շուտով «Համաներման մասին» օրենքի նախագիծը կհանձնվի Ազգային ժողովի դատին, բայց ինչ-ինչ պատճառներով այն ձգձգվում է:

Այսօր ԱԺ պետաիրավական եւ մարդու իրավունքների հարցերի մշտական հանձնաժողովի հերթական նիստում, թեպետ բազմաթիվ հարցեր են ընդգրկված, սակայն ոչ մի խոսք չկա «Համաներման մասին» օրենքի նախագծի վերաբերյալ:

Ճիշտ է, արդարադատության նախարար Արտակ Զեյնալյանը շտապեց փակագծերը բացել, որ այս համաներումն ամենածավալունն է լինելու ՀՀ եւ Երեւանի հիմնադրման պատմությունից ի վեր, սակայն գործադիրում այդքան էլ հակված չեն այս փուլում թեման այդքան «տաքացնել»:

Գործարդիրին մոտ կանգնած մեր աղբյուրների համաձայն՝ հիմա, երբ ՀՀ վարչապետ Նիկոլ Փաշինյանի հրաժարականի հարցն է դրված, նպատակահարմար չէ «Համաներման մասին» օրենքի նախագիծը կյանքի կոչելու գործընթացն արագացնել:

Այս թեման կթեժացվի արտահերթ խորհրդարանական ընտրություններին ավելի մոտ ժամանակ, որպեսզի դրական եւ էֆեկտիվ ազդեցություն ունենա Նիկոլ Փաշինյանի իշխանության պահպանման համար»:

Առավել մանրամասն՝ թերթի այսօրվա համարում

Գլխավոր Թողարկում, Մամուլ
Մեկնաբանությունները փակ են: