ՍԴ-ի դատավորն ունի գործառութային անձեռնմխելիություն. նախարար
Արդարադատության նախարար Ռուստամ Բադասյանն այսօր հայտարարել է, որ իրեն մտահոգում է այն ճանապարհը, որով ՍԴ գործող նախագահն ընտրվել է որպես ՍԴ նախագահ:
Դիտարկմանը, որ ՀՔԾ-ում քրեական գործի հարուցումը Հրայր Թովմասյանի եւ մյուսների նկատմամբ նախորդել էր ՍԴ-ի կողմից ԱԺ-ի դիմումը մերժելուն, կասկածելի չէ այդ ամենը, Բադասյանը նշել է․ «Ես չեմ կարծում, որովհետեւ կար ԶԼՄ-ների հայտարարությունը որոշակի գույքի առկայության մասին, որը չհայտարարգրված է, իսկ նման արարքը համապատասխանում է ՔՕ-ի համապատասխան հոդվածին եւ այն ավելի վաղ էր հրապարակված, այսինքն՝ նյութերի նախապատրաստումն ավելի շուտ է սկսվել, իսկ ՀՔԾ-ի քրեական գործի մասին էլ եթե խոսենք՝ եղել է պատգամավորի կողմից հաղորդում հանցագործության մասին»։
Ինչ վերաբերում է հարցին՝ ինչպե՞ս կարելի է մեկնաբանել այն, որ Ազգային ժողովը դիմում է ուղարկում ՍԴ, որը ոչ լեգիտիմ է համարվում, նախարարը նշել է, որ ՍԴ-ն պետք է գործի, կայացնի որոշումներ, իսկ ԱԺ-ն Սահմանադրությամբ իրեն վերապահված լիազորությունների շրջանակներում ուղարկել է դիմում, որով փորձ է արվել լուծել խնդիրը:
Հարցին՝ Հրայր Թովմասյանը կարո՞ղ է որեւէ կարգավիճակ ստանալ, նախարարն պարզաբանել է․ «ՍԴ-ի դատավորն ունի գործառութային անձեռնմխելիություն, բայց չեմ կարծում, որ այդ հարցին հիմա պետք է անդրադառնալ, որովհետեւ որեւէ հիմք այս պահին չկա։ Սահմանադրական դատարանի մասին» օրենքով ՍԴ դատավորներն օգտվում են գործառութային անձեռնմխելիությունից, հետեւաբար տվյալ գործով իրավապահ մարմինը պետք է գնահատի՝ սա այն դեպքն է արդյոք, որ պետք է հաղթահարվի այդ անձեռմխելիությունը, թե այդ դեպքը չէ: Ինչպես նաև չեմ տեսնում որեւէ գործողություն, որը կարող է մեկնաբանվել Սահմանադրական դատարանի նախագահ Հրայր Թովմասյանի նկատմամաբ քաղաքական հետապնդման կոնտեքստում»։