«Արի, տես` ինչ հզոր եմ ու գնա տուն». Հարրիի նախկին ընկերուհին ծաղրի առարկա է դարձրել

May 21, 2018 Comments Off on «Արի, տես` ինչ հզոր եմ ու գնա տուն». Հարրիի նախկին ընկերուհին ծաղրի առարկա է դարձրել

Մեծ Բրիտանիայի արքայազն Հարրիի և Մեգան Մարքլի հարսանեկան արարողությանը հրավիրված էր նաև Հարիի նախկին ընտրյալ Չելսի Դևին։ Պսակադրության ժամանակ նրա դեմքի արտահայտությունը նոր մեմ է դարձել սոցցանցերում։Այս մասին գրում է armeniasputnik.am-ը:

  Բրիտանիայի արքայազն Հարրիի նախկին ընկերուհին` Չելսի Դևին, որը հարսանիքի հյուրերից էր, ծաղրի առարկա է դարձել պսակադրության արարողության ժամանակ դեմքի ոչ պատշաճ արտահայտության համար։ Արարողության ընթացքում աղջկա դեմքն այլայլվել է, ինչն անմիջապես կատակների առիթ է տվել։

«Դեմքդ, երբ նախկին փեսացուդ ամուսնանում է և դու ներկա ես այդ հարսանիքին», – կատակում են համացանցի օգտատերերը։

Թագավորական ընտանիքի երկրպագուները պարզել են, որ Չելսի Դևիին պսակադրությունից հետո տեղի ունեցած երեկույթին չեն հրավիրել։

«Հարրիի նախկին ընկերուհուն հրավիրել են հարսանիքի, և չեն հրավիրել երեկույթի՞ն։ Կարծես, այդ տղան ասում է. «Արի՛, տես, թե ինչ հզոր եմ, հետո գնա տուն»», – գրում է Thor Odinson–ը։

Խոսակցության առարկա է դարձել նաև արքայազնի նախկին ընկերուհու հագուկապ, նա հարսանիքին ներկայացել էր սև զգեստով։

«Չելսի Դևին սև զգեստ է հագել։ Երբ հարցրին, արդյո՞ք ներկաներից որևէ մեկը դեմ է այս ամուսնությանը, հոգու խորքում հույս ունեի, որ նա կկանգնի և աշխուժություն կմտցնի արարողության մեջ», – խոստովանում է mirabela-ն։

Որոշ օգտատերերը սկսել են պաշտպանել աղջկան։

Ալեքսիս Օհանյանը կնոջ հետ

«Նրանք հարյուր տարի առաջ էին հանդիպում, և եթե լավ հարաբերությունների մեջ չլինեին, աղջիկը չէր գա։ Չելսին մտահոգ կամ ձանձրացած տեսք ունի, և դա զարմանալի չէ, որովհետև բոլոր հարսանիքներն էլ ձանձրալի են», – կարծում է Rebecca Tokdemir-ը։

«Համարձակ քայլ է արել, որ եկել է։ Գիտենք, որ նա չի սիրում ուշադրության կենտրոնում լինել։ Սակայն ընդունել է հրավերը և ցույց է տվել, որ իր համար դա դժվար չէ։ Ամենայն հավանականությամբ, նա տխուր դեմք ունի անհարմար գլխարկի պատճառով», – եզրակացնում է Desiree Valenzuela-ն։

Չելսի Դևին և արքայազն Հարին հանդիպում էին մոտ 5 տարի, նրանք բաժանվել են 2010 թվականին։ Աղջիկը 2011 թվականին ներկա է եղել նաև արքայազն Ուիլյամի հարսանիքին։ Արքայազն Հարրիի և Մեգան Մարքլի պսակադրությունը տեղի է ունեցել շաբաթ օրը Լոնդոնի Սուրբ Գեորգի մատուռում։

Արարողությանը ներկա էին զույգի հարազատներն ու ընկերները, Եվրոպայի արքայական ընտանիքի անդամները, ինչպես նաև պաշտոնական անձինք։

 

Գլխավոր Թողարկում
Մեկնաբանությունները փակ են: