Թուրքիայում ձերբակալում են «Hero» գրությամբ շապիկ հագնող անձանց

Jul 31, 2017 Comments Off on Թուրքիայում ձերբակալում են «Hero» գրությամբ շապիկ հագնող անձանց

Թուրքիայում «Hero» գրությամբ շապիկ կրող քաղաքացիներին ձերբակալելուց հետո այժմ էլ հերթը հասել «Part Time Hero»-ին: Նախօրեին Թուրքիայի Չանաքքալե նահանգի Լափսեքի գավառում մեկ քաղաքացի է ձերբակալվել, ում շապիկի վրա անգլերեն տառերով գրված է եղել «Part Time Hero»: Այս մասին հայտնում է «Ermenihaber.am»-ը:

Ըստ թուրքական «Demokrathaber.org» լրատվական կայքի՝ աշխատանքի նպատակով Չանաքքալեում գտնվող ուսանող ՈՒ.Ա.-ին ձերբակալել են ժանդարմերիայի աշխատակիցները՝ դատախազության ցուցումով:

Երկրում «Hero» գրությամբ շապիկներ հագնող մարդկանց սկսել են ձերբակալել այն բանից հետո, երբ Թուրքիայի նախագահ Ռեջեփ Թայիփ Էրդողանի դեմ մահափորձի գործով դատավարության ժամանակ կասկածյալներից մեկը ներկայացել էր նույն գրությամբ շապիկ հագած:

Այդ դեպքից հետո Թուրքիայում կասեցվել էր նաև «DeFacto» ընկերության կողմից արտադրվող «Hero» գրությամբ շապիկների վաճառքը: Սակայն շապիկն ավելի վաղ ձեռքբերած բազմաթիվ քաղաքացիներ առ այսօր դեռևս փողոցում կանգնեցվում ու ձերբակալվում են:

Գլխավոր Թողարկում, Լուրեր
Մեկնաբանությունները փակ են: