Նիկոլ Փաշինյանի բլեֆը. պողոսները հիասթափվելու են

 Կառավարության պահուստային ֆոնդից 3 մլրդ 447 մլն դրամ է հատկացվել ապրիլի 5-ին կայանալիք Սահմանադրության փոփոխությունների հանրաքվեի նախապատրաստման և անցկացման ծախսերը ֆինանսավորելու համար:

Ինչպես նշել է Ֆինանսների նախարար Ատոմ Ջանջուղազյանը, նախատեսվող գումարից 2 մլրդ 553 մլն դրամը կհատկացվի ՀՀ կենտրոնական ընտրական հանձնաժողովին՝ հանրաքվեի կազմակերպման համար, 660 մլն դրամը՝ հանրաքվեի քվեարկության ժամանակ 1500 տեղամասերից քվեարկության ընթացքի և քվեարկության արդյունքների ամփոփման գործընթացի տեսանկարահանման և միաժամանակյա համացանցային հեռարձակման գործընթացն ապահովելու նպատակով, 234 մլն դրամը կհատկացվի ՀՀ ոստիկանությանը՝ ընտրողների ծանուցման գործընթացն ապահովելու համար։ Իսկ գումարի հիմնական մասը` 80-85 տոկոսը, նախատեսվում է, որ կօգտագործվի աշխատավարձերի, տեղամասերում զբաղվածներին վարձատրելու համար։

Անդրադառնալով ընդունված որոշմանը՝ Նիկոլ Փաշինյանը նշել է, որ այս թեմայով շահարկումներն անտեղի են, քանի որ ծախսվող գումարները վերադարձվելու են. «Ծախսվող գումարն էլ է ներհոսելու տնտեսություն, որովհետև այդ գումարով, ի վերջո, տնտեսական գործարքներ են տեղի ունենալու: Եվ երկրորդը՝ ժողովրդի կամարտահայտությունը, ազատ կամարտահայտությունն ապահովելու համար, այո՛, պետք է ծախսվեն գումարներ: Արտահերթ խորհրդարանական ընտրությունները, որ անցած տարի տեղի ունեցան Հայաստանում, նույնպես որոշակի գումար արժեցան, և բոլոր ընտրությունները, որոնք տեղի են ունենում որոշակի գումար են արժենում: Եվ ընդհանրապես, ժողովրդավարությունը և ոչ միայն ժողովրդավարությունը, ցանկացած պետական կառավարում ենթադրում է պետական ծախսեր: Այնպես որ, այստեղ քննարկումները և շահարկումները տեղին չեն: Ես կարծում եմ՝ պետք է արձանագրենք, որ նախորդ 1,5 տարվա ընթացքում Հայաստանի պետական բյուջեի եկամուտներն ավելացել են ավելի քան 1 միլիարդ դոլարով: Եվ ես կարծում եմ, որ այս և այս կարգի որոշումների արդյունքում մենք նոր թափ ենք տալու այդ գործընթացին»:
Այնուհետև վարչապետը պնդել է, որ այդ հանրաքվեից հետո ավելի շատ գումարներ կվերադարձվեն պետական բյուջե: Որպես ասվածի վկայություն նա հիշատակել է 2018 թվականի նախընտրական գործընթացները և իր խոստումները, թե առաջիկա 5 տարիների ընթացքում մենք պետք է 2,5 միլիարդի հավելյալ միջոցներ ծախսենք մեր անվտանգության կարիքների համար, մասնավորապես՝ զինված ուժերի մարտունակության և սպառազինության մակարդակը բարձրացնելու համար: <<Եվ այդ 2,5 միլիարդից 1,5-ը պետք է գոյանա հակակոռուպցիոն արդյունավետ պայքարի միջոցով, այդ թվում՝ գողացված միջոցների հետբերման գործընթացի միջոցով։ Հիմա հարց՝ արդյո՞ք այս պահի դրությամբ ինձ գոհացնում և բավարարում են այն ծավալները և մասշտաբները, որոնցով մենք այս խնդիրը լուծել ենք: Այո՛, աննախադեպ հաջողություններ ունենք: Մասնավորապես, այս տարի Հատուկ քննչական ծառայությունը վերականգնել է 7 անգամ ավելի շատ գումար, միայն այս տարի, քան Հատուկ քննչական ծառայության գոյության ողջ ընթացքում է վերականգնվել: Իսկ Հատուկ քննչական ծառայությունը գոյություն ունի արդեն 11 տարի»,- նշել է Նիկոլ Փաշինյանը:

Թե իրականում որքան գումար է կազմում այդ 7 անգամ շատ գումարը, Փաշինյանն իհարկե չի ասել: Բայց որպեսզի հասարակությունը համոզվի, որ ՀՔԾ-ի վերադարձրած գումարները համեմատելի են հանրաքվեի վրա ծախսվող գումարների հետ, պարտավոր է անհապաղ թվեր հրապարակել: Այլապես անհասկանալի է դառնում, թե Փաշինյանը ինչ իրավունքով է ՀՀ հարկատուների հաշվին մոտ 3,5 մլրդ գումար ծախսում` ընդամենը ՍԴ 7 դատավորի պաշտոնանկ անելու համար: Ընդհանրապես միջազգային պրակտիկայում, որտեղ կա նման նախադեպ, երբ 7 մարդու գործից հանելու համար պետությունը նման ահռելի գումարներ ծախսի: Եվ սա այն դեպքում, երբ սրանով սահմանադրական փոփոխությունների խնդիրը դեռ վերջնական չի լուծվում, քանի որ Փաշինյանը զուգահեռ ստեղծել է Սահմանադրական բարեփոխումների հանձնաժողով, որը պատրաստվում է մշակել Սահմանադրության փոփոխության կամ նոր Սահմանադրության նախագիծ: Այսինքն` ապրիլի 5-ի հանրաքվեն ընդամենը լուծում է տեխնիկական հարց` աշխատանքից ազատում է Հրայր Թովմասյանին և ՍԴ 6 դատավորների, բուն փոփոխությունների հարաքվեն ավելի ուշ է լինելու: Թեպետ եթե ՍԴ դատավորները լինեն յուրայիններ, Փաշինյանը կհրաժարվի սահմանադրական փոփոխություններից ընդհանրապես: Պարզապես նա այդ մասին հիմա լռում է, կխոսի ապրիլի 5-ից հետո: Պողոսների հիասթափությունն անխուսափելի է:

Հայկ Դավթյան

 

դիտվել է 5015 անգամ
Լրահոս
«Ո՞նց ենք իրենց զորքն անցնելու, գնալու, մեր հողերը մշակենք»․ տավուշցիները՝ Փաշինյանի հանդիպումից հետո Կենտրոնի թաղապետի ենթակաների կաշառքի գործով վկային դատարան են բերել պատգարակով 33-ամյա վարորդը «ՎԱԶ 2107»-ով, մի քանի պտույտ շրջվելով, բախվել է քարերին․ կա վիրավոր Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով «Ներքին գործերի նախարարությունը 89 հատ թանկարժեք ժամացույց է գնել Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում «Ելույթներ կան, որոնք տոն են, ու հենց դրանք են մասնագիտական կյանքդ հաջողված դարձնում» Թևերի տակ դրված եվրա... բարձ «Կառավարության յուրաքանչյուր որոշում կարծես ուղղված լինի ինչ-որ մեկի գրպանը լցնելուն, ոչ թե հանրային խնդիր լուծելուն» Համայնքային սեփականություն հանդիսացող հողերը կընդունվեն որպես նվիրատվություն Հայաստանի Հանրապետությանը Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում «Արևմուտքի հետ հույս կապելու կամ աշխարհաքաղաքական վեկտորի փոփոխություն անելու որոշումն ադեկվատ չէ» Արսենյանը ճանաչում է՞ իր գրասենյակի մոտ պայթուցիկ տեղադրելու գործով կալանավորվածներին․ մանրամասներ Ո՞րն է «դարակազմիկ» նախագծի առանցքային նպատակը Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am