Թրքաբարո թափթփուկը Իտալիայի որոշումը համարել է պոպուլիզմ. Զոհրաբյանը՝ Թուրքիայի հայ պատգամավորի մասին
ԱԺ «Բարգավաճ Հայաստան» կուսակցության պատգամավոր Նաիրա Զոհրաբյանը ֆեյսբուքյան էջում անդրադարձել է Թուրքիայի «Արդարություն և զարգացում» կուսակցության հայազգի պատգամավոր Մարգար Եսայանի` Իտալիայի պատգամավորների պալատի ընդունած որոշումը քննադատելուն.
«1915 թ. հայ մտավորականների ցուցակը կազմած և երիտթուրքերին հանձնած Վահե Իհսանի դավաճան ժառանգ Մարգար Եսայանը կրկին ակտիվացել է
Էրդողանի իշխող՝ «Արդարություն և զարգացում» կուսակցության հայազգի պատգամավոր, հայտնի թափթփուկ Մարգար Եսայանը նորից ակտիվացել է: Վերջինս քննադատել է Իտալիայի պատգամավորների պալատին՝ Հայոց Ցեղասպանության բանաձևի ընդունման համար: Թրքաբարո թափթփուկը Իտալիայի խորհրդարանականների որոշումը համարել է պոպուլիզմ և հայտարարել է, որ ինքը ՝ որպես Թուրքիայում ապրող ազգությամբ հայ և Թուրքիայի քաղաքացի, դեմ է նման որոշումներին: Ժամանակին, երբ որ Եվրոպայի Խորհրդի Խորհրդարանական Վեհաժողովում ես, գուցեև ցենզուրայից դուրս, իր տեսակին խիստ բնորոշիչ բառ ասեցի այս կենդանուն, իմ հարցը Թուրքիայի պատվիրակության կողմից հասցվեց մինչև էթիկայի հանձնաժողով, որ ես անարգել եմ թուրքական պատվիրակության հայ անդամին:
Հիմա մեկ անգամ ևս վերահաստատում եմ իմ այն բառերը, որ ԵԽ դահլիճում ասել եմ Մարգար Եսայան թափթփուկին, և կոչ եմ անում Թուրքիայի հայ համայնքին անհապաղ և հստակ քայլեր ձեռնարկել, որպեսզի նման կենդանիները իրավունք չունենան խոսելու Թուրքիայի հայ համայնքի անունից:
Ի դեպ, հիշեցնեմ, որ Մարգար Եսայանը 1915 թվականին հայ մտավորականների ցուցակը կազմած և թուրք իշխանություններին հանձնած հայ դավաճան Վահէ Իհսանի (Եսայանի) ժառանգներից է»:
Հետևեք մեզ Viber-ում
