Սուտ են ասում, ինձ բերման ենթարկեցին Ոստիկանություն.Արթուր Խաչատրյան
«Սուտ են ասում, սուտ են ասում, ինձ բերման ենթարկեցին ոստիկանություն»,- «Փաստինֆո»-ի հետ զրույցում պնդել է ՀՀ ԱԺ պատգամավոր Արթուր Խաչատրյանը։
Ինչպես հայտնել ենք՝ Երեւան-Սեւան մայրուղու վրա տեղի ունեցած անհնազանդության ակցիայի ժամանակ տեսախցիկները ֆիքսել էին, թե ինչպես են ոսիկանները քաշքշում ԱԺ պատգամավոր Արթուր Խաչատրյանին ու տանում դեպի ոստիկանության մեքենան։
«Փաստինֆո»-ի հարցին ի պատասխան՝ ոստիկանությունից պնդել էին, որ ակցիայի ժամանակ բերման է ենթարկվել 3 անձ ,որոնց մեջ Խաչատրյանը չի եղել՝ երաշխավորել, թե նա ոստիկանությունում չէ։ Մինչդեռ՝ Արթուր Խաչատրյանը պնդեց, որ իրեն բերման են ենթարկել։
«Ինձ բերման ենթարկեցին ոստիկանություն, իմ կամքին հակառակ նստեցրեցին մեքենան, ոստիկանական մեքենայով տարան ոստիկանություն, բարձրացրեցին երրորդ հարկ, հետո անմիջապես իջեցրեցին»,- նշեց Խաչատրյանը։
Նա նշեց, որ հիմա դուռը փակ է, ուզում է նորից ներս մտնել՝ նախ պարզելու, թե ի՞նչ հիմքով են իրեն բերման ենթարկել ու ծանոթանա նաեւ մյուս քաղաքացիների պահման պայմաններին։ «Այս պահին Կոտայքի մարզի Հրազդանի քաղաքային բաժանմունքում եմ»,- «Փաստինֆո»-ին ասաց ՀՀ ԱԺ «Հայաստան» խմբակցության պատգամավոր Արթուր Խաչատրյանը։