ՌԴ-ն ավելի մատչելի և որակով ԱԷԿ կարող է կառուցել․ Պեսկով
Մոսկվան հույս ունի շարունակել համագործակցությունը Երևանի հետ ինտեգրացիոն նախագծերի, մասնավորապես՝ Եվրասիական տնտեսական միության (ԵԱՏՄ) շրջանակներում։
Այս մասին լրագրողների հարցին ի պատասխան հայտարարել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ փոխնախագահ Ջեյ Դի Վենսի Հարավային Կովկաս կատարած այցը և խոշորածավալ համատեղ նախագծերի ծրագրերի մասին հայտարարությունները։
Պեսկովի խոսքով՝ որպես միջուկային ոլորտում աշխարհի ամենաառաջադեմ երկիր, Ռուսաստանը կարող է դիմակայել միջազգային մրցակցության ամենաբարձր մակարդակին, եթե նման մրցակցություն պահանջվի իր գործընկերների կողմից։
«Ինչ վերաբերում է ատոմային էներգիայի ոլորտում Հայաստան-ԱՄՆ համագործակցությանը, այնտեղ կան հին խորհրդային օբյեկտներ, որոնք, իհարկե, խորհրդային և ռուսական նախագծմամբ են։ Այստեղ Ռուսաստանն անկասկած ունի ավելի մեծ կոմպետենցիա և ավելի մեծ մրցունակություն։ Եվ, որպես այս ոլորտում աշխարհի ամենաառաջադեմ երկիրը, Ռուսաստանը կարող է դիմակայել միջազգային մրցակցության ամենաբարձր մակարդակին, եթե նման մրցակցություն պահանջեն իր գործընկերները։ Այլ կերպ ասած, Ռուսաստանը կարող է ապահովել ավելի լավ որակ երկար տարիներ շարունակ՝ ավելի ցածր գնով», - ասել է Կրեմլի խոսնակը։
Հետևեք մեզ Viber-ում
