Փաստաբաններին անասելի հարկերով ծանրաբեռնելը դիտում են սոսկ պարգևավճարի աղբյուր, և թքած թե համակարգային ասպեկտով դա ինչ հետևանքների կհանգեցնի․ Դանիելյան

Պրակտիկայում հաճախ եմ հանդիպում մի իրավիճակի, երբ բավարարվում են «օրենքը հստակ է ձևակերպել» արտահայտությամբ: Սա անչափ վտանգավոր պրիմիտիվիզմ է, սա հիմնովին բացառում է իրավական համակարգային մտածողությունը, ուստի պատահական չէ, որ հենց այդ համատեքստում են հնչում՝ «Ամեն ինչ պարզ է գրված, անգամ չենք էլ պատրաստվում քննարկել» արտահայտությունը: Այս մասին ֆեյսբուքյան իր էջում գրել է իրավագիտության դոկտոր Գևորգ Դանիելյանը։

«Պատկերացրեք, որ այս պարզունակ իրավամտածողությամբ ԱՄՆ-ի դատարանները փորձեին մեկնաբանել, թե Սահմանադրությամբ ինչ իմաստ ունի «ընտանիք» եզրույթը: Նախապես ասեմ, որ ԱՄՆ Սահմանադրության մեջ «ընտանիք» տերմինն անգամ չկա, բայց դա չի խանգարում, որ դատարանները բացահայտեն, թե Սահմանադրությամբ ամրագրված արժեքների համատեքստում դա ինչ իմաստ կունենար:

Հ.Գ. Ոմանց դուր է գալիս կացնով «մտածելը», ուստի օրինակ՝ փաստաբաններին անասելի հարկերով ծանրաբեռնելը դիտում են սոսկ պարգևավճարի աղբյուր, և թքած թե համակարգային ասպեկտով դա ինչ հետևանքների կհանգեցնի, այդ թվում՝ մի օր էլ կհարվածի իրենց ազնիվ ճակատին ....»,- գրել է Դանիելյանը։