Դանակաhարություն՝ Գեղարքnւնիքnւմ․ բազմաթիվ վնաuվածքներnվ տղամարդ է hիվանդանnց տեղափոխվել

18:35 - 4/հունիսի/2024

SHAMSHYAN.com-ի տեղեկություններով՝ մայիսի 31-ին դանակահարություն է տեղի ունեցել Գեղարքունիքի մարզում։ Ժամը 20։10-ին սահմաններում ՀՀ Ներքին գործերի նախարարության ոստիկանության Վարդենիսի բաժին են զանգահարել Գեղարքունիքի կայազորային հոսպիտալից և հայտնել, որ «Ձախ ազդրի հետին մակերեսի վերին առաջնային շրջանի կտրած-ծակած վերքեր՝ արտաքին արյունահոսությունով, ձախ ծոծրակային շրջանի կտրած-ծակած վերք, հետանցքի շրջանի կտրած-ծակած վերք» ախտորոշմամբ իրենց մոտ բուժօգնության է դիմել մի քաղաքացի։

Ոստիկաններն ու պարեկները պարզել են, որ հիվանդանոց տեղափոխվածը Գեղարքունիքի մարզի բնակիչ 47-ամյա Գոռ Կ․-ն է:

Տուժածը ոստիկաններին հայտնել է, որ մարմնական վնասվածքները ստացել է կոտրված ապակիների կտորների վրա վայր ընկնելու հետևանքով:

Ոստիկանության Վարդենիսի բաժնի ծառայողների կողմից ձեռնարկված օպերատիվ-հետախուզական միջոցառումների արդյունքում օպերատիվ տեղեկություններ են ստացվել, որ նույն օրը ժամը 19։30-ի սահմաններում Վարդենիս քաղաքի Երևանյան փողոցում «Վարդենիս» ցուցանակի մոտակայքում, վիճաբանության ընթացքում, Գեղարքունիքի մարզի բնակիչ 62-ամյա Արմեն Մ․-ն սուր կտրող-ծակող գործիքով հարվածներ է հասցրել Գոռ Կ․-ին՝ պատճառելով վերը նշված վնավածքները:

Ոստիկանությունը ձեռնարկում է միջոցներ՝ Արմեն Մ․-ին և հանցագործության գործիքը հայտնաբերելու ուղղությամբ: