Իրենց ողորմելիության վրա եմ զարմանում, իրենց մանրության, փոքրության, փոքրհոգության. արքիեպիսկոպոս Աջապահյան

Էժանագին շանտաժիստի կերպարի մեջ է մի ամբողջ կուսակցություն։ Այս մասին այսօր՝ հունիսի մեկին, լրագրողների հետ զրույցի ժամանակ Գյումրիում հայտարարել է Շիրակի թեմի առաջնորդ, Միքայել արքիեպիսկոպոս Աջապահյանը՝ պատասխանելով Եկեղեցին հարկելու վերաբերյալ իշխանությունների հայտարության մասին հարցին։

«Իրենց ողորմելիության վրա եմ զարմանում, իրենց մանրության, փոքրության, փոքրհոգության։ Եթե դրանով իրենք կարծում են, որ պետք է ահաբեկեն եկեղեցուն, ուղղակի իրենք Եկեղեցուն չեն ճանաչում եւ ցույց են տալիս, որ իրենք էդ եկեղեցուց չեն, էդ եկեղեցու անդամ չեն․․․ Ոնց որ ընտանիքում երեխաները մտածեն, որ մայրը իրենց հարկ չի վճարում եւ մորը հարկեն։ Կլինի՞»,- նշել է արքիեպիսկոպոսը։