Սա գիտատեխնիկական մտքի հարստագույն պաշարի նկատմամբ տեղի ունեցող ցեղասպանություն է. կառավարության հերթական հակահայ որոշումը

Վերջերս չզեկուցվող նիստին որոշում կայացվեց գիտատեխնիկական գրադարանի լուծարման վերաբերյալ

Ս/թ մայիսի 2-ին գրադարանի աշխատակիցներին հայտարարվեց, որ ՀՀ կառավարության որոշմամբ գիտատեխնիկական գրադարանն իր տարածաշրջանային չորս մասնաճյուղերով` Գյումրի, Հրազդան, Վանաձոր և Կապան, այսուհետ լուծարվում են...(((
Հայաստանն այլևս չպիտի ունենա հանրապետությունում եզակի գիտատեխնիկական գրադարան...

1970թ. և -1980թ. Գրադարանի և գրապահոցի համար կառուցված շենքերը օտարման նպատակով վաճառքի է հանված...

Սա գիտատեխնիկական մտքի հարստագույն պաշարի նկատմամբ տեղի ունեցող ցեղասպանություն է ...

Գրադարանը հիմնվել է 1963 թ. ի սկզբանե հանրապետական կարգավիճակով, որին հետագայում միավորվեց 1957թ. ստեղծված առաջին տեխնիկական գրադարանը։ Առանձնանում է իր հատուկ ֆոնդերով մոտ 22 մլն փաստաթուղթ` արտոնագրեր, ԳՕՍՏ-եր, ճյուղային, հանրապետական և միջպետական ստանդարտներ, արտադրության տեխնոլոգիաներ, տեխնիկական պայմաններ ու անձնագրեր, արդյունաբերական կատալոգներ և այլատիպ գիտատեխնիկական բնույթի արտադրության, քաղաքաշինական , արդյունաբերական գործընթացները կանոնակարգող փաստաթղթեր, որոնք հատուկ մասնագիտացված տեխնիկական գրականության հարուստ ֆոնդեր են` ընդհանուր մոտ 22 մլն փաստաթուղթ։
Գրադարանն ի սկզբանե ստեղծվել է թիրախային և ճյուղային գիտական և տեխնիկական տեղեկատվությամբ սպասարկելու հանրապետության ողջ գիտաարտադրական, արդյունաբերական ծածկույթը և մշտապես ծառայել է իր առաքելությանը։
Մինչդեռ այսօր այն պիտի դադարի իր գոյությունը և տարիների փորձառությամբ և սպասարկման բարձր մասնագիտական որակներ ու ավանդույթներ ստեղծած անձնակազմը կուղարկվի տուն...
Կառավարությունը որոշել է տնտեսել և գտնում է, որ գրադարանին հատկացվող պետական միջոցները ավելորդ և չարդարացված վատնում են և այդ գումարի խնայողությամբ արդարացնում է գրադարանի ոչնչացումը, քանի որ ֆոնդերի մասնատումը հենց դրան էլ կբերի ժամանակի ընթացքում։
գրադարանի տեխնիկական հատուկ ֆոնդերը , որոնք երկրի տնտեսական, գիտական, արդյունաբերական ներուժի գործարկման և տեխնիկական վերազինման բաղկացուցիչն են, գիտատեխնիկական, արդյունաբերական , արտադրական բնույթի հանրապետական նշանակության ֆոնդեր, ռազմավարական նշանակության տեղեկատվական հարստություն, ազգային գիտական և տեխնիկական անվտանգության բաղկացուցիչ և վերջապես Հայաստանի Հանրապետության Ազգային գրադարանային հավաքածուի մաս...
Համեմատության համար նշեմ, որ Հայաստանի ազգային գրադարանի փաստաթղթերի հավաքածուն մոտ 7մլն է, գիտատեխնիկական գրադարանի փաստաթղթերի հավաքածուն մոտ 22մլն։

Ահազանգում է Մարգարիտա Մանուկյանը