Վերջին օրերին շատացել են Instagram, Facebook կոտրելու դեպքերը. Սամվել Մարտիրոսյան. video

Վերջին օրերին շատացել են Instagram, Facebook կոտրելու դեպքերը, որոնք կատարվում են տեղացի հմուտ «թաթիկների» միջոցով։ Այս մասին ֆեյսբուքում գրել է Տեղեկատվական անվտանգության հարցերով փորձագետ Սամվել Մարտիրոսյանը՝ նշելով, որ էջերը գողանում են, հետո սպառնում նամակագրությունները հրապարակել, ու գումար պահանջում։

«Ինչեւէ, կրկնենք մի քանի կարեւոր կանոն․

ա․ Սոցցանցերի անունից եկած էլեկտրոնային նամակներում ոչ մի հղումների մի կտացրեք։ Կարեւոր բաները ձեզ կգան նաեւ որպես ծանուցում հենց սոցցանցում։

բ․ Սոցցանցերում եւ էլեկտրոնային փոստում գաղտնաբառերը պետք է լինեն ունիկալ, չկրկնվեն մեկ այլ հարթակի գաղտնաբառի հետ

գ․ Եթե գլուխ հանում եք, ապա միացրեք երկփուլային վավերացումը։ Միացնելուց հետո չմոռանաք նաեւ բեքափ կոդերը արտագրել ու պահել պարտադիր։ Ավելի մանրամասն մի հատ հին տեսանյութ ունեմ ֊ բայց մեջինը հիմա էլ է ակտուալ ֊ https://www.youtube.com/watch?v=lUr6Yq-Ji9k

դ․ Եթե արդեն ձեզ լոմել են ֊ ապա ինստագրամում օգտվեք վերականգնելու համար այս հղմամբ https://help.instagram.com/149494825257596...
իսկ ֆեյսբուքում ֊ այս հղմամբ https://www.facebook.com/hacked

ե․ Միշտ մի բան անելուց երկու անգամ խորը շունչ քաշեք, մի շտապեք։

Շնորհակալություն ուշադրության համար»