Այսօր կայացել է «Առաջ» կուսակցության հիմնադիր համագումարը. կուսակցությունը կապ չունի Ռոբերտ Քոչարյանի հետ․ Նարեկ Մանթաշյան
Այսօր տեղի է ունեցել «Առաջ» կուսակցության հիմնադիր համագումարը:
Tert.am-ի հետ զրույցում որոշ մանրամասներ հայտնեց հասարակական-քաղաքական գործիչ Նարեկ Մանթաշյանը։
«Կուսակցության հետ կապ ունեն այստեղ գտնվող անձինք, Ռոբերտ Քոչարյանը կապ չունի, մամուլի հրապարակումներին չեմ հետևել»,- նշեց մեր զրուցակիցը։
Մանթաշյանը փոխանցեց, որ «Երիտասարդի ձայն» ՀԿ-ի նախագահ Հովհաննես Հարությունյանը ընտրվել է կուսակցության Կենտրոնական Գործադիր Կոմիտեի նախագահ։
Կուսակցության շարքերում է նաև փաստաբան Ալեքսանդր Կոչուբաևը։
«Իհարկե մենք աջակցում ենք Բագրատ Սրբազանին և վաղը առավոտյան ժամը 8-ին լինելու ենք Սուրբ Աննա եկեղեցու բակում»,- հայտնեց Նարեկ Մանթաշյանը։
Հետևեք մեզ Viber-ում
