Իրավապահները շարժվում են գուշակ Վարսիկի թելադրանքով ու օգնությամբ. Yerevan Today-ի խմբագիր
Yerevan Today կայքի գլխավոր խմբագիր Սևակ Հակոբյանը՝ անդրադառնալով խմբագրությունում կրականացված խուզարկությանն ասաց,որ Հայաստանի քննչական ծառայությունների աշխատանքի տրամաբանությունը դժվար է հասկանալ, իրենք շարժվում են գուշակ Վարսիկի թելադրանքով ու օգնությամբ: “ Երկրորդ նախագահ Ռոբերտ Քոչարյանը կապ չունի Yerevan Tօday կայքի հետ:2014 թվականից Yerevan Tօday-ը բացելուց ի վեր մեզ կապել են բազմաթիվ մարդկանց հետ: Առաջին, մեզ կապել են Հրանուշ Հակոբյանի հետ, որովհետև մենք գտնվում ենք նույն հարկում, որտեղ Սփյուռքի նախարարությունն է: Հետո կապել են ինչ-որ հայտնի ընկերության հետ, քանի որ մեր լոգոյի գույներն ու իրենցը նույնն էր: Դրանից հետո մեզ կապել են քաղաքական գործիչ Ռուբեն Հակոբյանի հետ, քանի որ իմ հորեղբայրն է: Հետո կապել են Ռոբերտ Քոչարյանի հետ, քանի որ մեր ու իր գրասենյակները գտնվում են նույն շենքում: Yerevan Today կայքի սեփականատերը հանդիսանում է Վարդան Հովնանյանը, Ռոբերտ Քոչարյանը մեր կայքի հետ կապ չունի: Ոնց որ մենք էինք տարբեր կառույցների նամակ գրում ու պատասխան հրապարակում, թե ինչ բիզնեսների հետ կապ ունի Ռոբերտ Քոչարյանը, գուցե մի անգամ էլ դուք մեզ պաշտոնապես գրեք, պատասխանենք”,- ասաց Սևակ Հակոբյանը: Նա հավելեց, որ 2014 թվականից ի վեր Yerevan Tօday-ն ընդամենը երկու հարցազրույց է հրապարակել Ռոբերտ Քոչարյանի հետ: