«Կրոկուսում» տեղի ունեցած ահաբեկչության տուժածների թիվը հասել է 382-ի
«Կրոկուս Սիթի Հոլլում» տեղի ունեցած ահաբեկչության տուժածների թիվը հասել է 382-ի, հայտնում է ТАСС գործակալությունը։
«Ըստ թարմացված տվյալների՝ տուժել է 382 մարդ, այդ թվում՝ ինը երեխա։ Մեծամասնությունը՝ 217 տուժած, ստացել է ամբուլատոր բուժօգնություն։ Նախկինում հոսպիտալացվել էր 165 մարդ, որոնցից 96-ն արդեն դուրս է գրվել»,- ասել է գործակալության աղբյուրը։
Մահացածների թիվը, վերջին տվյալներով, 143 մարդ է։