«Կրոկուս Սիթի Հոլլում» տեղի ունեցած ահաբեկչության հետևանքով երեք երեխա է մահացել
«Կրոկուս սիթի հոլ»-ում տեղի ունեցած ահաբեկչության հետեւանքով երեք երեխա է մահացել։ Այս մասին հաղորդում է ՌԴ առողջապահության նախարարությունը, գրում է Interfax-ը։
Նշվում է, որ տուժածների թիվը հասել է 121-ի։
Նշենք, որ մարտի 22-ին ԶԼՄ-ները հայտնել են, որ «Կրոկուս Սիթի Հոլլում», որտեղ պետք է տեղի ունենար «Պիկնիկ» խմբի համերգը, կրակոցներ են հնչել։ Առնվազն երեք մարդ կրակ է բացել։ Հայտնի է նաև, որ շենքում պայթյուն է տեղի ունեցել, և հրդեհ է բռնկվել։ Առողջապահության նախարար Միխայիլ Մուրաշկոն հայտնել է, որ հոսպիտալացվել է 115 մարդ, որոնցից 5-ը երեխաներ են, 60-ը՝ մեծահասակ, մեկ երեխա՝ ծանր վիճակում է։ ՌԴ Քննչական կոմիտեն քրեական գործ է հարուցել «Ահաբեկչական ակտ» հոդվածով։