Ալիևը Ֆրանսիային մեղադրել է մուսուլմանների նկատմամբ խտրական քաղաքականության մեջ
Ադրբեջանի նախագահ Իլհամ Ալիևը Բաքվում ընթացող «բազմազանության պաշտպանություն.պայքար իսլամաֆոբիայի դեմ 2024 թվականին» թեմայով միջազգային համաժողովի մասնակիցներին ուղղված իր ուղերձում Ֆրանսիային մեղադրել է մուսուլմանների նկատմամբ բացահայտ խտրական քաղաքականություն վարելու մեջ։
«Ֆրանսիան, նեոգաղութատիրության իր ավանդական քաղաքականության հետ մեկտեղ, բացահայտորեն վարում է մուսուլմանների նկատմամբ ճնշումների և խտրական քաղաքականություն, կազմակերպում է իսլամաֆոբական տարբեր արշավներ»,- ասել է նա: