Պուտինը ստորագրել է

Ռուսաստանի նախագահ Վլադիմիր Պուտինը օրենք է ստորագրել Ղրղզստանի հետ ՀՕՊ միասնական տարածաշրջանային համակարգի ստեղծման համաձայնագրի վավերացման մասին։ Համաձայնագիրը ստորագրվել է Մոսկվայում 2022 թվականի օգոստոսի 16-ին, գրում է Коммерсант-ը։

Համաձայնագրի գործողության ժամկետի ընթացքում Ղրղզստանը Ռուսաստանին է հանձնում 5 հեկտար տարածք։ Պետդուման օրենքը ընդունել է մայիսի 23-ին, Դաշնության խորհուրդը հաստատել է 2023 թվականի մայիսի 24-ին։

ԱՊՀ-ի ՀՕՊ միասնական համակարգը ստեղծվել է 1995 թվականին։ Մինչև 2022 թվականը ակտիվ մասնակիցներ են մնացել Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը։ ԱՊՀ-ի հակաօդային պաշտպանության մասին համաձայնագրի ժամկետը սահմանափակված չէ: