Ինչո՞վ են զբաղված Սիսիանի ՏԻՄ թեկնածուները՝ ընտրություններից 3 օր առաջ

«Հրապարակ» թերթը գրում է. «Սեպտեմբերի 25-ին Հայաստանում կկայանան տեղական ինքնակառավարման մարմինների ընտրություններ, սակայն սեպտեմբերի 13-ին Ադրբեջանի կողմից Հայաստանի նկատմամբ սանձազերծված ռազմական գործողությունները նոր օրակարգ են թելադրել եւ խառնել բոլորի պլանները: Երբ պատերազմ է, ՏԻՄ ընտրությունները մղվում են երկրորդ պլան, եւ շատ համայնքներում թեկնածու ուժերը հայտարարություններ են արել, որ դադարեցնում են նախընտրական քարոզարշավը, մինչեւ իրավիճակը հանդարտվի:

Սակայն ընտրությունների օրը հստակ նշանակված է` այն հնարավոր չէ չեղարկել կամ հետաձգել, իսկ քարոզարշավի համար նախատեսված ժամկետն ավարտվում է։ Մենք փորձեցինք հասկանալ, թե ինչ է կատարվում համայնքներում, ինչպես են ընթանալու սեպտեմբերի 25-ի ՏԻՄ ընտրությունները: Ռազմական գործողությունների հետեւանքով հատկապես տուժած Սյունիքի մարզի երկու համայնքում՝ Քաջարանում եւ Սիսիանում, առաջիկա կիրակի նույնպես համամասնական ընտրակարգով ավագանու անդամի եւ համայնքապետի ընտրություններ են կայանալու։ Բոլոր ուժերը հայտարարել են քարոզարշավը դադարեցնելու մասին։ Չնայած սրան, այնուամենայնիվ, թեկնածուները սոցցանցերում հայտարարություններ ու գրառումներ են անում։


«Քաղաքացիական պայմանագիր» կուսակցության ընտրացուցակը գլխավորող, Սիսիան համայնքի ղեկավարի պաշտոնակատար Արմեն Հակոբջանյանն այսպիսի գրառում է արել. «Արդեն քանի օր է՝ գտնվում ենք համապատասխան վայրերում, խոսում ծառայող տղերքի, ինչպես նաեւ բնակավայրերի բնակիչների հետ: Բարոյահոգեբանական վիճակն ու մարտական ոգին բարձր են տղաների մոտ: Կխնդրեի որոշ խմբերի՝ ապատեղեկատվություն չտարածել բանակում, ոչ մի դեպքում չընկճել զինվորի ոգին: Տեսակցել ենք վիրավորում ստացած մեր զինվորներին, օգնել առաջին անհրաժեշտության նյութերով, նրանցից շատերը նույնիսկ ցանկություն են հայտնել վերադառնալ սահման»:

Նաեւ ինքնագովազդ է արել ու շեշտել․ «Իմ համեստ ու խիստ զուսպ տեսակը թույլ չի տալիս առավել մանրամասնելու իմ սրտացավ ու նվիրումով մոտեցումը»։ Չնայած, թեկնածուի կարծիքով, «ինքնափիառվելու ժամանակը չէ», ու «ամեն արած չէ, որ կարելի է բարձրաձայնել, այն էլ՝ այս իրավիճակում»: Հաշված օրեր են մնացել ՏԻՄ ընտրություններին, հասկանալի պատճառներով՝ քարոզարշավ տեղի չի ունեցել, իսկ ինչո՞վ են զբաղված այժմ կուսակցություններն ու համայնքապետի թեկնածուները:

ՔՊ-ական Արմեն Հակոբջանյանը «Հրապարակի» հետ զրույցում նշեց, որ քարոզարշավ տեղի չի ունեցել, որովհետեւ երկրում ծանր իրավիճակ է: «Ամսի 14-ից այս կողմ որեւէ քարոզարշավ չի իրականացվել, եղել են հանդիպումներ քաղաքացիների հետ` ի պաշտոնե: Ես համայնքի ղեկավար եմ եւ անհանգստացած եմ իմ բնակիչների համար, զուտ հարցրել եմ՝ ոնց եք, ոնց չեք»,- նշեց նա:

Հարցին, թե ինչ բնույթի հանդիպումներ են եղել, ինչ է քննարկվել, եւ, վերջապես, այդ հանդիպումները որտեղ են եղել, Հակոբջանյանը նշեց. «Ի՞նչ նկատի ունես, ես հասկանում եմ՝ Ձեր հարցերն ուր են տանում, բայց ընտրության հետ կապված՝ ոչ մի հարց չի քննարկվել», եւ վրդովված անջատեց հեռախոսը: Սիսիանում ընտրություններին մասնակցում է նաեւ «Զարգացող համայնք» դաշինքը, որի ընտրացուցակը գլխավորող Մհեր Ազոյանը «Հրապարակի» հետ զրույցում նշեց, որ թիմը դեռ երկու տարի առաջ հիմնադրել է «ՈՄԱ Սիսիան» հասարակական կազմակերպությունը եւ պատերազմական այս օրերին զբաղվել է հենց դրանով: ՈՄԱ-ն` Ողջ մնալու արվեստը, հասարակական, ռազմահայրենասիրական կազմակերպություն է, որի նախաձեռնողը հետախույզ Վովա Վարդանովն է` ընկերների հետ:

« Քարոզարշավ անելու , բուկլետներ բաժանելու փ ոխարեն ՀԿ-ն համայնքներում առաջին օգնության եւ մարտական պատրաստվածության դասընթացներ անցկացրեց այս օրերին: Հարցնողներ եղան, թե այդ դասընթացները քաղաքակա՞ ն են արդյոք, թե՞ ոչ։ Ես, հարկադրված, չգնացի այդ հանդիպումներին, որպեսզի մարդիկ այն չքաղաքականացնեն, եւ արդեն վերջին մի քանի օրերին տարբեր համայնքներից իրենք էին զանգում ինձ եւ առաջարկում, որ մասնակցեմ դասընթացներին: Որպեսզի գործընթացը պատկերավոր լինի, ասեմ, որ այդ դասընթացները տեւում էին չորս ժամ եւ ավելի»,- նշեց համայնքապետի թեկնածուն: Այլ հանդիպումներ, քննարկումներ քաղաքացիների հետ չե՞ն ունեցել։

«Ոչ մի այլ հանդիպում քաղաքացիների հետ չի եղել: Էնտեղ պատերազմ էր, գնայիր ասեիր` ես եկել եմ, որ ինձ ընտրե՞ք։ Պատկերացնո՞ւմ եք` ինչ տեղի կունենար»,- պատմում է Ազոյանը: Մենք նաեւ հետաքրքրվեցինք, թե արդյոք հնարավո՞ր է, պատերազմական իրավիճակով պայմանավորված, մարդիկ այս տարի պասիվ գտնվեն եւ ընտրություններին չմասնակցեն։

«Մենք քաղաքականությամբ չենք զբաղվել բացարձակապես, եւ նման վերլուծություններ, թե հասարակությունը երբ կարող է առավել ակտիվ լինել, ասել չեմ կարող: Ամեն դեպքում, պատերազմից հետո շատերը Սիսիանից դուրս են եկել, եւ հիմա չեմ կարող հստակ ասել, թե ինչ թվով մասնակցություն կլինի»,- ասաց նա:

Նրա խոսքով` պայքարը, ըստ էության, մարել է. «Ակտիվություն այնքան էլ չկա, սակայն երբ հրադադար եղավ, մեկ-երկուսն արեցին փորձեր, կար կուսակցություն, որ անգամ ջոկատ էր կազմել, ինչեւէ, ամեն մեկը մի բան անում էր: Պատերազմը բոլորիս համար հավասար է եղել, այն քաղաքացին, որ չէր ուզում ընտրությունների մասին լսել, ոչ թե ինձ չէր ուզում լսել կոնկրետ, այլ առհասարակ ընտրությունների մասին լսել չէր ցանկանում: Տեսականորեն, դաշտը հավասար հարթության վրա է: Որոշ խոշոր գյուղերում հանդիպումներ իրականացնել չկարողացանք, բայց դե ինչ արած»:

Առավել մանրամասն՝ թերթի այսօրվա համարում

դիտվել է 121 անգամ
Լրահոս
Բախում՝ Դանիել Իոաննիսյանի և ՔՊ-ական պատգամավոր Կարեն Համբարձումյանի միջև Նախնական տվյալներով՝ Բերդում ձայների 52 տոկոսով հաղթեց «Զորավոր համայնք» դաշինքը Բյուրեղավանի թիվ 28/10 ընտրատեղամասում առաջատարը «Միասնություն» դաշինքն է Մոտ 17 կիլոմետր հերթ է գոյացել. ռուս տղամարդիկ ոտքով հատում են սահմանը. Ինչ է կատարվում Վերին Լարսում Արձանագրվել է ընտրողներին ուղղորդելու 16 դեպք, 5 վիճաբանություն կամ ծեծկռտուք Ալագյազ խոշորացված համայնքում ՔՊ թեկնածուն 30 տոկոսից էլ քիչ ձայն է հավաքել Իշխանասար համայնքում առաջատար է «Քաղաքացիական պայմանագիր» կուսակցությունը Տաշիրում «Քաղաքացիական պայմանագիրը» պարտություն է կրում Շղթայական ավտովթար` Երևանում Գյուլագարակի 22/01 ընտրատեղամասում եղել են կուտակումներ, տեղի է ունեցել վիճաբանություն․ «Անկախ դիտորդ» Ճամբարակ համայնքում քվեարկել է ընտրողների ընդհանուր թվի 49,65 տոկոսը Անի համայնքնում ընտրությունների ավարտից մեկ ժամ առաջ արձանագրվել է մասնակցության 39 տոկոս ցուցանիշ 19-ամյա Վոլոդյա Աբրահամյանը հրամանատարին միայնակ չի թողել ու նրա հետ գնացել է Իշխանասար Թալինում, նախնական տվյալներով, հաղթել է «Քաղաքացիական պայմանագիր» կուսակցության թեկնածուն Ողբերգական ավտովթար Սյունիքի մարզում․ բախվել են BMW-ն ու Mercedes-ը Արմեն Գրիգորյանը մեկնում է ԱՄՆ Զոհված 19–ամյա Ռուսլան Թովմասյանը ընկերոջ հետ կրակն իրենց վրա են վերցրել, որ մյուսները նահանջեն Ի սեր Աստծո, մնա Նյու-Յորքում ու մի արի Հայաստան, Նիկոլ. Շարմազանով Պարզվել է երեկ Մալաթիայի ոսկու շուկայի հետնամասում կրակոցների հետևանքով տեղում մահացածի և այսօր հիվանդանոցում մահացածի ինքնությունները Բերդ համայնքի ընտրատեղամասերում ծառայություն են իրականացնում նաև սև բերետավորները 10 ամսում մոտ կես միլիոն դոլար՝ 20 մեքենա գնելու համար ՄԻԵԴ-ը դեռևս չի պատասխանել ԱԱԾ–ն՝ ազգությամբ քուրդ Աթիլլա Չիչեքին և Հուսեյին Յըլդրըմին Թուրքիային արտահանձնելու մասին Նոյեմբերի 9-ի համաձայնագրում Ադրբեջան-Նախիջեւան երթուղու մասին ոչինչ չկա Հանդիպման մասնակիցներից մեկը առաջարկել է համաձայնել կապիտուլյացիային
Ամենաընթերցվածները
Շուտով
Սեպտեմբերի 26-ին, ժամը 14:30-ին Հայելի ակումբի հյուրն է Հայելի ակումբի հյուրն է Հայրենիք կուսակցությունից Բաբկեն Հարությունյանը։ Սեպտեմբերի 26-ին, ժամը 14:00-ին Հայելի ակումբի հյուրն է հոգեբան Կարինե Նալչաջյանը։ Սեպտեմբերի 26-ին, ժամը 13:00-ին Հայելի ակումբի հյուրն է ՀՀԿ-ական Էդուարդ Շարմազանովը։ Սեպտեմբերի 26-ին, ժամը 12։00-ին Հայելի ակումբի հյուրն է Էդգար Ղազարյանը։ Սեպտեմբերի 24-ին, ժամը 12:00-ին Հայելի ակումբի հյուրն է Հայաստան համահայկական հիմնադրամի նախկին ղեկավար Արա Վարդանյանը։ Սեպտեմբերի 24-ին, ժամը 12:00-ին Հայելի ակումբի հյուրն է հասարակական գործիչ Աշոտ Անդրեասյանը: Սեպտեմբերի 24-ին, ժամը 13:00-ին Հայելի ակումբի հյուրն է ազատամարտիկ Տիգրան Չոբանյանը։ Սեպտեմբերի 23-ին, ժամը 13:00-ին Հայելի ակումբի հյուրն է ՀՀԿ ԵԿ ղեկավար Հենրիխ Դանիելյանը: Սեպտեմբերի 23-ին, ժամը 13:30-ին Հայելի ակումբի հյուրն է ոստիկանության գնդապետ Թաթուլ Պետրոսյանը։ Սեպտեմբերի 23-ին, ժամը 15:00-ին Հայելի ակումբի հյուրն է Արմինե Գրիգորյանը:
Հետևեք մեզ Facebook-ում https://www.facebook.com/hayeliclub