Հեգնանք ու ցինիզմ Բաքվից՝ խաղաղություն մուրացող ՀՀ ԱԱԽ-ին

Պաշտոնական Բաքուն պատրաստ է ձեռնարկել կոնկրետ քայլեր խաղաղության պայմանագիր ստորագրելու համար, եթե դրան իսկապես պատրաստ է Հայաստանը, երեկ այս մասին հայտարարեց Ադրբեջանի ԱԳՆ-ն՝ ի պատասխան Հայաստանի Անվտանգության խորհրդի հայտարարության: «Եթե հայկական կողմը դիտարկում է խաղաղության պայմանագրի հարցը ոչ որպես հանրությանը տեղեկացնելու ակցիա, այլ լուրջ քայլ, ապա ժամանակն է ձեռնարկել կոնկրետ քայլեր: Ցանկանում ենք ևս մեկ անգամ ընդգծել, որ Ադրբեջանը պատրաստ է դրան»,- ասվում է ԱԳՆ հայտարարության մեջ:

Ադրբեջանի ԱԳՆ-ում նշել են, որ Բաքուն դեռ մեկ տարի առաջ ամենաբարձր մակարդակով հանդես է եկել նման առաջարկով, իսկ մեկ ամիս առաջ հնչեցրել է հստակ սկզբունքներ, որոնք պետք է ընկած լինեն այդ համաձայնագրի հիմքում:

Ու ի՞նչն է ուշագրավ, Բաքուն իր հայտարարության մեջ հերթական անգամ մեղադրել է Հայաստանին, թե Արցախում էսկալացիայի պատճառը Հայաստանի՝ իր պարտավորությունները չկատարելն է: «Հենց Հայաստանի կողմից եռակողմ հռչակագրի դրույթների խախտումն է, որ ուժեղացնում է լարվածությունը տարածաշրջանում և խաթարում է խաղաղության հաստատման ջանքերը»,- ասվում է հայտարարության մեջ:

Ինչ վերաբերում է զսպման միջազգային մեխանիզմների ներդրմանը, Ադրբեջանի ԱԳՆ-ն ասել է, որ դրա լավագույն միջոցը միջազգային իրավունքն է: Ըստ հայտարարության տեքստի, այնպիսի պետություն, ինչպիսին Հայաստանն է, որը «կոպտորեն խախտում է միջազգային իրավունքը, չի կարող խոսել միջազգային զսպման մեխանիզմի մասին: «Եթե Հայաստանի ԱԽ անդամները մինչ այժմ չգիտեն՝ որն է լավագույն միջազգային զսպման մեխանիզմը,մենք կրկին հիշեցնում ենք միջազգային իրավունքի հիմնարար սկզբունքները, այդ թվում պետությունների միջազգայնորեն ընդունված սահմանների և ինքնիշխանության նկատմամբ հարգանք, ներքին գործերին միջամտության բացակայություն և միջազգային պարտավորությունների պահպանումում»,- ասվում է հայտարարության մեջ, որը, ըստ էության՝ հեգնանք է Փաշինյանի իշխանությանը, որը օրեր առաջ Ազգային Անվտանգության խորհրդի մակարդակով խաղաղություն էր կարծես մուրում Ադրբեջանին:

Հիմա այս պայմաններում՝ Բաքուն հեգնելով ՀՀ ԱԱԽ-ին՝ հայտնում է, թե մտադիր է խաղաղության համաձայնագիր կնքել, եթե՝ «Երևանը պատրաստ է լուրջ քայլերի...»: Այսինքն, դարձյալ Երևանից է Ալիևն ինչ-որ քայլեր սպասում:

Իր հերթին երեկ Մոսկվան մի քանի մակարդակով հասկացնել տվեց, որ Հայաստանից ու Վրաստանից ակնկալում են խաղաղության համաձայնագրի ստորագրում:

Ռուսաստանի նախագահի խոսնակը հայտարարել է, թե Պետդումայի պատգամավոր Դելյագինի խոսքերը՝ Ադրբեջանի նավթային ենթակառուցվածքներին հարվածելու վերաբերյալ, պետության պաշտոնական դիրքորոշման հետ որևէ կապ չունեն։ «Մենք, անշուշտ, խորհուրդ կտայինք զսպել զգացմունքները և զերծ մնալ նման հայտարարություններից, առավել ևս՝ մեր դաշնակիցների նկատմամբ։ Իսկ Ադրբեջանը մեր գործընկեր-պետությունների շարքում է», -ասել է Դմիտրի Պեսկովը, հավելելով, որ «Ռուսաստանը հիմա շատ ակտիվ ջանքեր է գործադրում Ղարաբաղի շրջանում խաղաղություն պահպանելու և ստանձնած պարտավորությունները կատարելու ուղղությամբ՝ բոլորի կողմից»։

Ի դեպ, Ղարաբաղում վերջին օրերին սրված իրավիճակի ֆոնին Պետդումայի պատգամավոր Միխայիլ Դելյագինը հնարավոր էր համարել հարվածներ հասցնել Ադրբեջանի նավթագազային ենթակառուցվածքների ուղղությամբ:

Ռուսաստանի ԱԳՆ պաշտոնական ներկայացուցիչ Մարիա Զախարովան երեկ ամենշաբաթյա ասուլիսում վստահեցրել է, որ Մոսկվան եռանդուն ջանքեր է գործադրում ԼՂ-ում իրավիճակը ապաէսկալացնելու ուղղությամբ: «ՌԴ ՊՆ-ն և ռուս խաղաղապահ զորամիավորման հրամանատարությունը եռանդուն գործողություններ են ձեռնարկում իրավիճակը ապաէսկալացնելու ուղղությամբ, ընդ որում խաղաղապահները գործում են երեք երկրների առաջնորդների՝ վերը նշված հայտարարության դրույթներով:

Ռուսաստանի ԱԳՆ խողովակներով մենք գտնվում ենք մշտական կապի մեջ Բաքվի ու Երևանի հետ, իսկ տեղում օպերատիվ իրավիճակի մասին ակտուալ տեղեկությունը հրապարակվում է Ռուսաստանի ԱԳՆ տեղեկանքներում»,- ասել է Զախարովան: Նա նաև նշել է, որ շարունակվում են ջանքերը Հայաստանի և Ադրբեջանի միջև հարաբերությունների կարգավորման ուղղությամբ՝ «հենվելով երեք երկրների միջև եղած պայմանավորվածությունների վրա, այդ թվում հայ-ադրբեջանական սահմանի սահմանազատում և սահմանագծում և տնտեսական և տրանսպորտային ապաշրջափակում տարածաշրջանում»: «Մենք ակտիվորեն կնպաստենք Երևանի և Բաքվի միջև խաղաղության պայմանագրի կնքմանը»,- ասել է նա։ 

Ինչպես նկատում ենք, Մոսկվան ոչ մի խոսք չի ասում ԵԱՀԿ Մինսկի խմբի ձևաչափի վերականգնման առումով: Մինչդեռ ՄԱԿ-ը երեկ ակնարկել է այդ մասին: Լեռնային Ղարաբաղում լարվածության աճի մասին հաղորդումները մտահոգիչ են, և ՄԱԿ-ը ողջունում է լարվածությունը նվազեցնելու ջանքերը ինչպես եռակողմ, այնպես էլ ԵԱՀԿ Մինսկի խմբի ձևաչափում, այսօր հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը։ «Մենք անհանգստացած ենք Լեռնային Ղարաբաղում և դրա շուրջ լարվածությունից։ Մենք ողջունում ենք ապաէսկալացիսյի ջանքերը եռակողմ ձևաչափում և ԵԱՀԿ Մինսկի խմբի համանախագահների կողմից»,- ասել է նա։

Մետաքսյա Շալունց

դիտվել է 2782 անգամ
Լրահոս
Ո՞վքեր էին ներկա «Մայր Հայաստան» շարժման հավաքին և ի՞նչ քայլեր են սպասվում.video «Մայր Հայաստան» ժողովրդական շարժման նախաձեռնող խմբի անդամների ելույթները՝ մեկ տեսանյութով. video Վարչապետը հայտարարել է խորհրդարանն արձակելու և արտահերթ ընտրությունների մասին Ալիևն Արցախին արդեն «հորդորեց» կամովին հանձնվել. Պատասխանող չկա «Հիմա մենք շատ ավելի վատ վիճակում ենք, քան 2020 թ. նոյեմբերի 9֊ի գիշերը»․ Տաթևիկ Հայրապետյան Ալիևի հոխորտանքը կանխատեսելի էր, բայց Ֆեյսբուքի տեղական «քաջ ստատուչիների» լռությունը մտածելու տեղիք տվեց․ ԱՀ ԱԺ պատգամավոր Ինչպե՞ս կարող է ողջամիտ մեկը հավատալ, որ Ադրբեջանը կարող է իրավունքներ և անվտանգություն ապահովել. ԱՀ ՄԻՊ Երկու հայ զինծառայողների առևանգման փաստով Հայաստանը դիմել է ՄԻԵԴ՝ միջանկյալ միջոց կիրառելու պահանջով Արցախի օկուպացված տարածքներում ամրաշինական կառույցների ինժեներական աշխատանքներ չեն կատարվել. ՊԲ Ստեփանակերտում վիճաբանության ժամանակ քաղաքացիները հայհոյել են միմյանց, օդ կրակել․ ԱՀ դատախազություն Ցեղասպանության թանգարան-ինստիտուտում անհետացել է շատ կարևոր փաստաթուղթ․ Դեմոյան Ալեն, ազզզզզ, Օմար Խայամ ցիտելուց առաջ պատասխանի թիմակից ընկերոջդ` Վահագն անունով մեծ գլխով այն "կենդանուն", ով քեզ ասել էր "մարմնավաճառ"... Մինչ վարորդները ջանասիրաբար «մաքրում» են մեքենաների ապակիների «պլյոնկաները», իշխանությունները որոշում են փոխում․ ArmLur.am «Հայաստանի շնորհավորանքը չի փոխելու Թուրքիայի վերաբերմունքը մեր հանդեպ» Լեռնային Ղարաբաղը Ադրբեջանի կազմում ճանաչելը ողբերգություն է. Արձինբա․ «Ալիք Մեդիա» Ալիևը ոչ թե հակասում է Բրյուսելի պայմանավորվածություններին, այլ զարգացնում է դրանք «Այդ հայտարարությունները ցավոտ եմ ընդունում, դավաճանական քայլեր են կատարվում՝ ուղղակի սթափվեք, սթափվեք, սթափվեք». Հին Շենի գյուղապետ Արցախի խորհրդարանը միջազգային հանրությանը կոչ է արել՝ կանխել Ադրբեջանի հնարավոր ագրեսիան Հունիսի 7-9-ը Մոսկվայում տեղի կունենա Հայաստանի և Ռուսաստանի վարչապետների հանդիպումը Հարևանների վեճն ավարտվել էր դանակահարությամբ Պուտինը ստորագրել է Ռուբեն Վարդանյանը՝ Սամվել Բաբայանի հետ հնարավոր համագործակցության մասին
Ամենաընթերցվածները
Շուտով
Մայիսի 30-ին, ժամը 12:00-ին, Հայելի ակումբի հյուրն է Գառնիկ Դավթյանը Մայիսի 30-ին, ժամը 14:30-ին, Հայելի ակումբի հյուրն է Թաթուլ Պետրոսյանը Մայիսի 30-ին, ժամը 16:00-ին, Հայելի ակումբի հյուրն է Խաչիկ Մանուկյանը Մայիսի 30-ին, ժամը 15:00-ին, Հայելի ակումբի հյուրն է Անահիտ Մութաֆյանը Մայիսի 30-ին, ժամը 15:30-ին, Հայելի ակումբի հյուրն է երգչուհի Արմինե Գրիգորյանը։ Մայիսի 30-ին, ժամը 11:30-ին, Հայելի ակումբի հյուրն է Սոնա Աղեկյանը Մայիսի 30-ին, ժամը 11:00-ին Հայելի ակումի հյուրն է քաղաքագետ Արման Ղուկասյանը Մայիսի 29-ին, ժամը 14:00-ին, Հայելի ակումբի հյուրն է Նաիրա Մելիքյանը Մայիսի 29-ին, ժամը 12:00-ին, Հայելի ակումբի հյուրն է Վոլոդյա Հովհաննիսյանը Մայիսի 29-ին, ժամը 13:00-ին, Հայելի ակումբի հյուրն է Լարիսա Ալավերդյանը
Հետևեք մեզ Telegram-ում https://t.me/hayeli_am
Hayeli.am