ԱԺ-ի նկատմամբ ամենամեծ անարգանքն է դա. Արամ Վարդևանյան
Քանի որ խոսք գնաց պետական մարմնի, համակարգի նկատմամաբ հարգանքի մասին, չեմ կարող չասել, որ ամենամեծ անարգանքը ԱԺ-ի նկատմամբ երբևէ որևէ գումարման մասով, դա այն է, որ այսօր երեք պատգամավոր կալանավորված է, ի դեպ, երդումներ տված պատգամավորներ։
Այսօր՝ դեկտեմբերի 7-ին, ԱԺ արտահերթ նիստին ելույթի ժամանակ ասաց «Հայաստան» խմբակցության պատգամավոր Արամ Վարդևանյանը։ «Ամենամեծ անարգանքը նաև այն է, որ երբ օրինակ՝ հենց այդ նույն կալանավորված պատգամավորի խափանման միջոցի վերաբերյալ նիստ պետք է լինի, ժամեր առաջ պարզվում է, որ դատավորը վատառողջ է, այ դա է անարգանք։ Անարգանք է նաև այն իմաստով, որ այդ երեք պատգամավորները, որոնք այսօր ոչ թե Ազգային ժողովի նիստերի դահլիճում են, գործուղման են, կամ մի ուրիշ վայրում, այլ ուղղակի «Վարդաշեն» ՔԿՀ-ում են, դա անարգանք է նույնիսկ Սահմանադրության նկատմամբ»։