Մոսկվայից ասում են՝ ՀՀ սահման չկա, ուրեմն՝ Հայաստան չկա. ո՞րն է «թավիշի» պատասխանը

Կեսգիշերից, Կապան-Ճակատեն ավտոճանապարհի ադրբեջանական վերահսկողության տակ գտնվող հատվածում սահմանային և մաքսային հսկողություն իրականացնելու նպատակով ադրբեջանական կողմը տեղակայել է ևս մեկ անցակետ, երեկ տեղեկացրեց Ազգային անվտանգության ծառայությունը: Նրանք նաև հայտնել են, որ համապատասխանաբար հայկական կողմը «հայելային եղանակով նշված ավտոճանապարհին նույնպես կտեղակայի սահմանային ու մաքսային հսկողության կետեր։ Իսկ տվյալ հատվածում այլընտրանքային ավտոճանապարհը պատրաստ կլինի մինչև սույն տարեվերջ»:

Հիշեցենք, որ երեք օր առաջ Հայաստանի իշխանությունը հայտարարեց, որ ադրբեջանական կողմը որոշել է Գորիս-Կապան ճանապարհի՝ իրենց կողմից վերահսկվող` Էյվազլիի հատվածում մաքսային ու անձնագրային հսկողություն իրականացնել նաև Հայաստանի քաղաքացիների և բեռների նկատմամբ։ Ադրբեջանում օգոստոսից ճանապարհի այդ հատվածում մաքսային տուրքեր է գանձում իրանցի վարորդներից։ Պաշտոնական Երևանը նաև հայտարարել է, որ մենք նույնպես ըստ անհրաժեշտության մաքսային, անձնագրային հսկողության կետեր կտեղադրենք, իսկ այդ հատվածով երթևեկող քաղաքացիներին վարչապետը հորդորում է օգտվել Կապան-Աղվանի-Տաթև-Հալիձոր-Շինուհայր Մ2 ճանապարհից, որը շահագործման է հանձնվել նախորդ շաբաթ։

ArmLur.am-ը զրուցել է ռուս վերլուծաբան Մոդեստ Կոլերովի հետ: Նրան հարց են ուղղել, որ հայ-ադրբեջանական սահմանին անցակետեր են տեղադրվել Ադրբեջանի կողմից և իրադրության սրման է գնում ադրբեջանական կողմը, ի՞նչ սպասել այս իրավիճակում: «Ադրբեջանը չի դադարեցրել և չի դադարեցնի Հայաստանի տարածքների փուլային էքսպասնսիան և զավթողական քաղաքականությունը: Այս պահին նրանց նպատակը Զանգեզուրն ու Նախիջևանի հետ տարածքային ամբողջականությունն է, որին էլ նրանք ցանկանում են հասնել»:

Ռուսական կողմի դիրքորոշումն այս հարցում ո՞րն է, հարցին, նա պատասխանում է. «Հայաստանի և Ադրբեջանի միջև այդ հատվածում պաշտոնական սահման չկա: Այդ պատճառով այդ սահմանների պաշտպանությունը Հայաստանի գործն է: ՌԴ-ն չի կարող պաշտպանել մի սահման, որը նույնիսկ ճանաչված չէ, դելիմիտացված ու դեմարկացված չէ: Միևնույն ժամանակ նկատենք, որ Ադրբեջանի նկրտումները երբեք չեն ավարտվի, նրանք պատերազմ ցանկանում են, սակայն Հայաստանը դրան պատրաստ չէ: Պետք է արագ իրականացնել դելիմիտացիայի և դեմարկացիայի գործընթաց»:

Ապա նա հավելում է. «Կամ պետք է երկկողմանի լինի այդ գործընթացը, կամ էլ միակողմանի հնարավոր է սեփական ուժերով կահավորել այդ հատվածը: Կարևոր է նաև Հայաստանի խորքում ճանապարհների կառուցումը, որոնք կարող են այլընտրանք լինել: Ինչ վերաբերում է դելիմիտացիային և դեմարկացիային, ապա նկատենք, որ Երևանն անգամ պաշտոնապես ասում է, որ սահմանի պաշտոնական որոշման գործընթացը դեռ չի սկսվել և չի ընթանում: Ինչ վերաբերում է «3+3» ֆորմատին, որի մասին շատ է խոսվում, դա ընդամենը ուտոպիա է: Պետք է ժամ առաջ սկսել սահմանագծման և սահմանազատման աշխատանքներ»:

Այսինքն, ինչ է ստացվում, ռուս մեկնաբանը ասում է՝ Ադրբեջանը շարունակելու է առաջանալ ՀՀ տարածքում, դա նորմալ է: Որպեսզի ավելի առաջ չգնան՝ պետք է սահմանները որոշեն:

Ինչ է տեղի ունեցել իրականում. Նոյեմբերի 9-ին եռակողմ հայտարարություն չստորագրվեց, Փաշինյան-Պուտին-Ալիև հանդիպում չկազմակերպվեց, քանի որ որոշվեց խնայել Փաշինյանին, գործել առանց ստորագրության:

Հիմա Ադրբեջանը ինչ է անում՝ ՀՀ տարածքում սահմանազատում է իրականացնում՝ Հայաստանին կանգնեցնելով փաստի առաջ:

Սա անսպասելի՞ է Փաշինյանի իշխանության համար... Իհարկե՝ ոչ: Եթե անգամ Փաշինյանը Պաշտպանության նախարար փոխի, իբր նա է պատասխանատուն տեղի ունեցածի՝ սա շարունակական գործընթաց է լինելու, Ադրբեջանն իր պատկերացրած սահմաններն է գծում, անկախ նրանից, թե ով է ՀՀ-ում պաշտպանության նախարար:

Ընդ որում, ռուս մեկնաբանը, ինչպես ԼՂ-ում պատերազմի դեպքում էին ասում, որ Լեռնային Ղարաբաղը ճանաչված չէ, հետևաբար Ռուսաստանը չէր կարող ներգրավել 44-օրյա պատերազմում, հիմա փաստորեն, ռուս մեկնաբանը ասում է Ռուսաստանը չի կարող օգնել Հայաստանին, քանի որ Հայաստան պետության սահմանները որոշված չեն:

Իսկ կարո՞ղ է Հայաստան պետություն էլ չկա՞...

Իսկ Ռուսաստանը ո՞ր Հայաստանի ռազմավարական դաշնակիցն է, որին համաձայնագրերով է պարտավոր պաշտպանել: Թե հիմա էլ ՀՀ պաշպանության համար սահմաններն են պակասում...

Բայց այս ամենում իհարկե, կարևոր է, թե Հայաստանի ներքաղաքական դաշտի արձագանքը ո՞րը պետք է լինի: Լինելո՞ւ է համախմբում ընդդեմ Հայաստանի պետության տարածքների օտարման: Փաշինյանի իշխանությունների պլանները ձախողող լինելո՞ւ է, քաղաքական դաշտը համախմբվելո՞ւ է, թե՞ ոչ:

Մետաքսյա Շալունց

դիտվել է 5034 անգամ
Լրահոս
Ինքը մի մեծ բանդա ունի, որոնք թիրախավորված աշխատում են, բողոքում այս կամ այն ալիքի ու էջի դեմ․ Անժելա Թովմասյան Տրամաբանական է, որ Փաշինյանը Հայելու մեջ իրեն տեսնելով պիտի ընկներ ցնցումների մեջ և փորձեր ճնշումների ենթարկել Ավերողին թողել, ավերմունքի դեմ խոսողին են ուզում բռնել` խելքի աշեցեք Դատարանը վարույթ է ընդունել Սորոսի հայաստանյան հիմնադրամի լուծարման պահանջով հայցադիմումը. ՀՀ ԱՆ-ն ներգրավված է որպես երրորդ անձ Նոր քրեական դատավարության օրենսգրքով անընդհատ երկարացվող 2-ամսյա ժամկետի ռեժիմը չի գործում. Ռուբեն Մելիքյան Թրքասեր Արսե'ն, հետաքրքիր է, եղբորդ կամ որդուդ, եթե թուրքը մորթի, կրկին նույն թրքամետ զառանցանքներով հանդես կգա՞ս... Թուրքիայի ԱԳՆ-ն` Սերդար Քըլըչի և Ռուբեն Ռուբինյանի չորրորդ հանդիպման մասին Հուլիսի 4-ին՝ 10:30-ին հավաքվենք Բաղրամյան-Դեմիրճյան խաչմերուկի այգում. Արամ Վարդեւանյան Պատրաստակամությունս եմ հայտնում թե՛ իրավական, թե՛ քաղաքական իմաստով աջակցել Անժելա Թովմասյանին Կեցցե՛ս, Անժելա... Վերջապես նիկոլականների համույթն էլ սկսեց գնահատել քեզ... Տեղապտույտը հենց ձեր «խաղաղության» օրակարգն է Չի հաջողվելու, հետ կանգնեք այդ կործանարար գործողություններից Այս թրքահաճո, ադրբեջանամետ, ստահոտ, անգրագետ և հակահայկական հայտարարության հետքերով ԱՆՊԱՅՄԱՆ պետք է «գնան» համապատասխան ծառայությունները. Արման Աբովյան էրդոհան-ալիև-փաշինյան տրիոն Հայաստանում թիրախավորել է բոլոր այն անհատներին, ովքեր փորձում են ըմբոստանալ իրենց Հայաստանակործան ծրագրերին Վթար Երևան-Գյումրի ավտոճանապարհին Արտամարմնային բեղմնավորմամբ չօգտագործված սաղմերը կարող են տրամադրվել կարիքն ունեցող զույգերին.Ռոբերտ Հայրապետյան Իվետա Տոնոյանը նշանակվել է ԲՀԿ աշխատակազմի ղեկավար Պետական դավաճանության գործը կարճվեց Ովքեր են Ալեքսանյանի դստեր հարսանիքի հյուրերը Էշով տղան ազատ է արձակվել «Տեսնես ո՞ւր մնացին»․ Սուրեն Սարգսյանը՝ Հայաստան չժամանած կոնգրեսականների մասին Տեղապտույտը հենց ձեր «խաղաղության» օրակարգն է․ Արսեն Բաբայան Բայրամովն առաջիկա օրերին կայցելի Իրան Նիկոլը ցույց է տալիս աշխարհին, որ իբրև թե հայ ժողովրդի համար դավաճանությունը «նորմալ երևույթ» է. Զաքարյան Սպասվում է անձրև և ամպրոպ. օդի ջերմաստիճանը կնվազի
Ամենաընթերցվածները
Շուտով
Հուլիսի 1-ին, ժամը 16:30-ին Հայելի ակումբի հյուրն է մանկավարժ Գյուլնարա Ալեքսանյանը: Հուլիսի 1-ին, ժամը 16:00-ին Հայելի ակումբի հյուրն է ՍԴ աշխատակազմի նախկին ղեկավար էդգար Ղազարյանը Հուլիսի 1-ին, ժամը 14:00-ին Հայելի ակումբի հյուրն է ԱԺ նախկին պատգամավոր Գևորգ Պետրոսյանը: Հուլիսի 1-ին, ժամը 13:00-ին Հայելի ակումբի հյուրն է Ադրբեջանի հարցերով փորձագետ Գառնիկ Դավթյանը: Հուլիսի 1-ին, ժամը 11:00-ին Հայելի ակումբի հյուրն է զոհված զինծառայողի մայր Լիդա Առուշանյանը: Հունիսի 29-ին, ժամը 15:30-ին Հայելի ակումբի հյուրերն են զոհվածների հարազատները Հունիսի 29-ին, ժամը 11:00-ին Հայելի ակումբի հյուրն է Ազգային օրակարգ կուսակցությունից Հայկ Փայտյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 15:00-ին Հայելի ակումբի հյուրն է Արա Զոհրաբյանը։ Թեմա՝ Ջհանգիրյանի և Վարդազարյանի հայտնի ձայնագրությունը, Նիկոլ Փաշինյանի ասուլիսն ու լրատվամիջոցնեորի բոյկոտը Հունիսի 29-ին, ժամը 14:00-ին Հայելի ակումբի հյուրն է հեռուստամեկնաբան Լիլիթ Մելքոնյանը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում Հունիսի 29-ին, ժամը 13:00-ին Հայելի ակումբի հյուրն է մուլտիպլիկատոր Դավիթ Սահակյանցը։ Թեմա՝ Լարսի վիճակը, արտահանողների առջև ծառացած խնդիրները, ինչ է սպասվում գյուղմթերքի շուկայում
Հետևեք մեզ Facebook-ում https://www.facebook.com/hayeliclub