Աղքատության աճը դառնում է անխուսափելի

 Համաշխարհային բանկի կանխատեսմամբ՝ Հայաստանի տնտեսությունը նախակովիդյան մակարդակին կվերադառնա մինչև 2022 թ․ կեսը, եթե նոր սահմանափակումներ ու համավարակի դեպեքերի աճ չլինեն, ինչպես նաև տարածաշրջանում հնարավոր լինի բացառել անկայունությունը։ 2020 թ․-ին համավարակի և պատերազմի հետևանքով Հայաստանի տնտեսությունը կտրուկ կրճատվել է, անկումը կազմել է 7,4%։

Համաշխարհային բանկի փորձագետները Հայաստանի տնտեսության վերականգնումը կապում են ոչ թե կառուցվածքային փոփոխությունների (արդյունաբերության աճի, նոր գործարանների բացման և այլն), այլ մասնավոր սպառման վերականգնման, պղնձի համաշխարհային գների աճի, զբոսաշրջիկների հոսքի վերականգնման, ինչպես նաև բյուջեի միջոցներով կապիտալ շինարարության ակտիվացման հետ: Կանխատեսվում է, որ 2022թ. տարածաշրջանային աճի տեմպը կդառնա չափավոր և արտաքին ու ներքին պահանջարկի կայունացման, համավարակի առնչությամբ տրամադրվող աջակցության դադարեցման պայմաններում կկազմի 3.4%:

Միջազգային հեղինակավոր ֆինանսական կառույցի այս կանխատեսումը բավականին դիտարժան է, հատկապես եթե հաշվի առնենք, որ 2022 թվականի բյուջեի նախագծով ՀՀ կառավարությունը պլանավորել է 7 տոկոս ՀՆԱ-ի աճ ունենալ, այսինքն՝ մոտ կրկնակի ավել, քան կանխատեսել է ՀԲ-ն տարածաշրջանի համար։ Համաշխարհային բանկը (ՀԲ) բարելավել է Հայաստանի տնտեսական աճի կանխատեսումը՝ վերագնահատելով ՀՆԱ-ի աճի տեմպը 2021 թվականի համար մինչև 6․1%՝ այս տարվա ապրիլին կանխատեսված 3.4%-ի դիմաց։

Ինչպես նշված է ՀԲ Եվրոպայի և Կենտրոնական Ասիայի (ԵԿԱ) տարածաշրջանի տնտեսական զարգացումների զեկույցում (աշուն, 2021թ․), վերագնահատումը պայմանավորված է 2021թ․ առաջին կիսամյակում Հայաստանում տնտեսական աճի սպասվածից արագ վերականգնմամբ։ «Այս տարվա առաջին կիսամյակում արձանագրված զարմանալիորեն ուժեղ վերականգնումը խթանեց տնտեսական ակտիվությունը Եվրոպայի և Կենտրոնական Ասիայի տարածաշրջանի նոր ձևավորվող շուկաներ ու զարգացող տնտեսություն ունեցող երկրներում, և կանխատեսումների համաձայն՝ 2021թ տարածաշրջանային տնտեսության աճը կլինի սպասվածից բարձր, այն է՝ 5.5%»,- ասված է զեկույցում։

2021թ. վերականգնումն ավելի արագ է ընթանում, քան սպասվում էր (առաջին կիսամյակում 4,9 տոկոսով), և 2022 թ. կեսին տնտեսության ծավալները կարող են վերադառնալ նախաճգնաժամային ցուցանիշներին: Այնուամենայնիվ, Համաշխարհային բանկի մասնագետները զարգացած երկրների համեմատ՝ ցածր են համարում պատվաստումների տեմպերը: Համաճարակային և աշխարհաքաղաքական ռիսկերը կարող են ազդել տնտեսության վերականգնման վրա, ասվում է զեկույցում։
Պետությունը ձեռնարկությունների և կարիքավոր ընտանիքների աջակցության 25 ծրագիր է իրականացրել, որոնց արդյունքում պետական պարտքը հասել է ՀՆԱ-ի 67%-ին։ Սրան զուգահեռ՝ Հայաստանի սպառողական շուկայում 12-ամսյա գնաճը սպասվածից բարձր է եղել՝ 2021թ. սեպտեմբերը 2020թ. սեպտեմբերի նկատմամբ կազմելով 8.9%։

ՀՀ վիճակագրական կոմիտեի կողմից հրապարակված տվյալների համաձայն՝ 2021թ. սեպտեմբերին, 2020թ. սեպտեմբերի համեմատ, հանրապետությունում արձանագրվել է սննդամթերքի և ոչ ալկոհոլային խմիչքի 15.4% գնաճ։ Բանջարեղենի ապրանքախմբում 2021թ. սեպտեմբերին, 2020թ. սեպտեմբերի համեմատ, արձանագրվել է 64.5% գնաճ: Համեմատաբար նվազել է մրգի գինը․ այս ապրանքախմբում 2021թ. սեպտեմբերին, 2020թ. սեպտեմբերի համեմատ, արձանագրվել է 3.0% գնանկում:

2021թ. սեպտեմբերին, 2020թ. սեպտեմբերի համեմատ, կաթնամթերք, պանիր և ձու ապրանքախմբում գրանցվել է 10.0%, իսկ 2021թ. օգոստոսի համեմատ՝ 2.0% գնաճ: Հացաբուլկեղենի և ձավարեղենի ապրանքախմբում 2021թ. սեպտեմբերին, 2020թ. սեպտեմբերի համեմատ, գրանցվել է 9.5%, իսկ 2021թ. օգոստոսի համեմատ՝ 0.8% գնաճ:

2021թ. սեպտեմբերին, 2020թ. սեպտեմբերի համեմատ, մսամթերքի ապրանքախմբում գրանցվել է 9.0% գնաճ: Ձկան և ծովամթերքի ապրանքախմբում 2021թ. սեպտեմբերին, 2020թ. սեպտեմբերի համեմատ, արձանագրվել է 27.7% գնաճ: Յուղերի և ճարպերի ապրանքախմբում 2021թ. սեպտեմբերին, 2020թ. սեպտեմբերի համեմատ, արձանագրվել է 27.1% գնաճ։ Շաքարի և շաքարավազի ապրանքախմբում 2021թ. սեպտեմբերին, 2020թ. սեպտեմբերի համեմատ, գրանցվել է 31.1%, իսկ 2021թ. օգոստոսի համեմատ՝ 5.5% գնաճ:

2021թ. սեպտեմբերին, 2020թ. սեպտեմբերի համեմատ, ոչ պարենային ապրանքների շուկայում գրանցվել է 9.9% գնաճ: Ինչպես տեսնում ենք, գները բոլոր ուղղություններով միայն բարձրանում են։ Սա էլ իր հերթին նշանակում է, որ աղքատության աճը դառնում է անխուսափելի։ Բայց կարևորը Նիկոլ Փաշինյանը ստացել է պողպատե մանդատ, իսկ նախկինները հետ չեն եկել։

 

Հայկ Դավթյան

 

դիտվել է 1728 անգամ
Լրահոս
Փաշինյանը վերահաստատեց իր խոսքը. Հայաստանը տարածքներ նվաճելու մտադրություն չունի (video) Քարեր են նետել Երևան-Գյումրի երթուղին սպասարկող մարդատար էլեկտրագնացքի վրա՝ կոտրելով պատուհանի ապակին Արմավիրում «Volkswagen»-ը բախվել է կայանված «Nissan»-ին, վերջինս՝ եգիպտացորենով լի «06»-ին 1.25 տոննա մարդասիրական օգնություն են փոխանցել ԼՂ մանկապարտեզներին եւ դպրոցներին Տաթև-Աղվանի ճանապարհահատվածի շահագործման մասին Տղամարդն ասել է, որ կանեփն ինքն էր ցանել, աճեցրել, չորացրել՝ իր անձնական օգտագործման համար. video Ձյուն գա գլխիդ Մեր նպատակը ցանկացած նոր զիջում ամեն գնով կանխելն է. Իշխան Սաղաթելյան Նիկոլ Փաշինյանն այցելել է Վանո Սիրադեղյանի ընտանիքին Փակեք ուսումնական հաստատությունները, հայտարարեք մեկշաբաթյա լոքդաուն՝ վճարելով քաղաքացիներին Թուրքը գլխներիս նստած, արոտը չկա, խոտհարքը չկա, անասունը չկա, նստեն այստեղ, ի՞նչ անեն. Կութի գյուղապետ Մահացել է Արմեն Աշոտյանի մայրը «Մուրճն էլ ա ձեր ձեռքը, մեխն էլ», բա ո՞ւմ եք սպասում Մահվան ելքով վրաերթ Երևանում «Ինչի՞ համար է վարձատրվում և ինչու՞ չի դատվում այս մարդը…». Գևորգ Պետրոսյան Հակառակորդը խախտել է սահմանը. Հայ-ռուսական միացյալ խմբավորման զորավարժությունները Սյունիքում Երկրաշարժը զգացվել է ՀՀ մի քանի մարզերում Բա վեթինգից ի՞նչ կա Ախպեր, կարա՞ք մի բան էլ դուք արեք. Նարեկ Սամսոնյան Նոյեմբերի 9-ին եւ 10-ին նախատեսվում է հանրահավաք. Իշխան Սաղաթելյան ԿԸՀ-ն հրապարակել է ՀՅԴ-ի՝ Իջևանի ՏԻՄ ընտրություններին մասնակցողների ցուցակը Դատվողների թվում որդիս էլ է. Գեղամ Մանուկյան
Ամենաընթերցվածները
Շուտով
Հոկտեմբերի 25-ին, ժամը 16:00-ին Հայելի ակումբի հյուրն է ռեժիսոր Արմեն Գրիգորյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 15:00-ին Հայելի ակումբի հյուրն է քաղաքական գործիչ Հովհաննես Շահինյան։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 14:00-ին Հայելի ակումբի հյուրն է Արևմտահայոց հարցերի ուսումնասիրման կենտրոնի տնօրեն Հայկազուն Ալվրցյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 13:00-ին Հայելի ակումբի հյուրն է դոկտոր- պրոֆեսոր, քաղաքական մեկնաբան Ալ. Մանասյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 11:00-ին Հայելի ակումբի հյուրն է ազմագետ Վան Համբարձումյանը։ Թեմա՝ ինչ ձենքեր, սպառազինություն է ձեռք բերել Ադրբեջանը, ինչ նպատակներ ունի: Նոյեմբերին սպասվել Պուտին-Փաշինյան-Ալիև հանդիպում Հոկտեմբերի 25-ին՝ ժամը 12:00-ին, «Հենարան» մամուլի ակումբում կհյուրընկալվեն ՀՀԿ անդամներ Տիգրան Վարդանյանը և Հայկ Դերզյանը: ԹԵՄԱ՝ ՀՀ և Արցախի սահմանների անվնատգությունը. արցախյան պատերազմից մեկ տարի անց. ներքաղաքական օրակարգ: Հոկտեմբերի 22-ին, ժամը 11:30-ին Հայելի ակումբի հյուրն է Հայաստան խմբակցության պատգամավոր Քրիստինե Վարդանյանը: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները Հոկտեմբերի 22-ին, ժամը 16:00-ին Հայելի ակումբում Hayeli.am-ի գլխավոր խմբագիր Անժելա Թովմասյանը և Politik.am կայքի գլխավոր խմբագիր Բորիս Մուրազին կամփոփեն անցնող շաբաթը, կքննարկեն կարևոր իրադարձությունները Հոկտեմբերի 22-ին, ժամը 15:00-ին Հայելի ակումբի հյուրն է ՊՆ պահեստազորի փոխգնդապետ, «Հայոց ազգային գվարդիայի» հրամանատար Տիգրան Չոբանյանը: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները Հոկտեմբերի 22-ին, ժամը 13:00-ին Հայելի ակումբի հյուրն է գնդապետ Սայաթ Շիրինյան: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները
Հետևեք մեզ Facebook-ում https://www.facebook.com/hayeliclub