Ինչու է Նիկոլ Փաշինյանը Էրդողանի հետ շփման միջնորդ ընտրել Ղարիբաշվիշուն․ ինչ զիջում է պահանջում Էրդողանը

Նիկոլ Փաշինյանի խոսնակը արձագանքել է Թուրքիայի նախագահ Էրդողանի հայտարարությանը, թե Հայաստանի վարչապետը Վրաստանի վարչապետ Ղարիբաշվիլու միջոցով իրենից հանդիպում է խնդրել։

<<Վարչապետ Փաշինյանն իր բոլոր միջազգային շփումներում գործընկերներին ներկայացնում է կառավարության ծրագրում արձանագրված՝ Հայաստանի եւ տարածաշրջանի համար խաղաղ զարգացման դարաշրջան բացելու տեսլականը եւ արտահայտում է այդ ուղղությամբ ջանքեր գործադրելու Հայաստանի կառավարության պատրաստակամությունը: Թուրքիայի հետ խոսակցության մեկնարկի իր պատկերացումների մասին վարչապետը խոսել է ԱԺ-կառավարություն վերջին հարցուպատասխանի ընթացքում, ասելով, որ կարծում է, որ բարձր մակարդակի շփումներին պետք է նախորդեն աշխատանքային քննարկումներ, եւ միջազգային գործընկերներին նույնպես այս պատկերացումն է ներկայացնում: Այս պահի դրությամբ Հայաստանի եւ Թուրքիայի պաշտոնյաների միջեւ որեւէ շփում տեղի չի ունեցել, չնայած Հայաստանի կառավարությունը պատրաստ է նման շփումների: Այսպիսի արդյունավետ աշխատանքի պարագայում՝ Հայաստանը պատրաստ կլինի նաեւ բարձր եւ բարձրագույն մակարդակով հանդիպումների>>,- հայտարարել է Մանե Գևորգյանը և հավելել, որ կոմունիկացիաների բացումը բացառիկ կարեւոր նշանակություն ունի տարածաշրջանում երկարատեւ խաղաղություն ու կայունություն հաստատելու, տարածաշրջանում ցավալիորեն առկա թշնամանքի մթնոլորտը հաղթահարելու համար եւ Հայաստանը վճռական է այդ ուղղությամբ առաջ շարժվել։

Այսպիսով՝ վարչապետն իր խոսնակի միջոցով հաստատում է, որ փորձեր է անում Էրդողանի հետ քննարկել կոմունիկացիաների հարցը։ Ըստ նրա՝ «Հայաստանը կարևորում է նոյեմբերի 9-ի և հունվարի 11-ի հայտարարությունների պայմանավորվածությունների իրագործումը», այդ թվում՝ կոմունիկացիաների բացումը, նշել է Գևորգյանը՝ ավելացնելով սակայն, որ «որոշ հայտարարություններում կոմունիկացիաների վերաբացման թեման վերափոխվում է և ստանում տարածաշրջանային մեկուսացման պահպանման տրամաբանություն: Միջանցքների մասին խոսակցությունը հենց այսպիսին է և հակասում է տարածաշրջանում խաղաղություն ու կայունություն հաստատելու, թշնամանքի մթնոլորտը հաղթահարելու տրամաբանությանը», հաղորդել է խոսնակը։

Էրդողանն իր հայտարարության մեջ, որպես նախապայման, ասել է, որ ինքը Հայաստանից դրական ազդակների է սպասում՝ նկատի ունենալով մասնավորապես Նախիջևանի միջանցքի բացումը։ Հատկանշական է, որ Էրդողանի հայտարարությունից անմիջապես հետո ՌԴ փոխվարչապետը հայտարարել է, թե ՀՀ տարածքով միջանցքի մասին բանակցություններ չկան՝ շատ պարզ հասկացնելով, որ Նախիջևանի միջանցքի բացումն Էրդողանի նախապայմանն է, որը ռուսական կողմի հետաքրքրությունների շրջանակում չէ։ Թերևա հենց այս պատճառով էլ Փաշինյանը Էրդողանի հետ երկխոսության միջնորդ է ընտրել Վրաստանի վարչապետին, որը վերջին պատերազմի ընթացքում հայամետ վարքագծով աչքի չընկավ։ Նոյեմբերի 9-ի և հունվարի 11-ի հայտարարությունների պայմանավորվածությունները ձեռք են բերվել ռուսական կողմի և Պուտինի ուղղակի միջամտությամբ։ Եթե ի կատարումն այդ ակտերի, Փաշինյանն այժմ ուզում է ուղղակի երկխոսություն սկսել Թուրքայի հետ, առնվազն տարօրինակ է, որ նա դա անում է Վրաստանի վարչապետի միջնորդությամբ։

Ի դեպ, Մանե Գևորգյանը չի մեկնաբանել համացանցում հայտնված տեղեկությունները, թե Վրաստան կատարած այցի ընթացքում Բաթումի քաղաքում Նիկոլ Փաշինյանը մի քանի ժամով անհետացել է։ Նրա գտնվելու տեղն անհայտ է եղել անգամ վարչապետի արարողակարգի աշխատակիցների համար։ Նշվում է, թե նա այդ ընթացքում հանդիպում է ունեցել Թուրքիայի նախագահի հատուկ ներկայացուցիչների հետ։ Փաշինյանի խոսնակն այս առնչությամբ ոչինչ չի ասել։ Հայաստանի վարչապետի պաշտոնական տեղեկատվական խողովակները որևէ բառ չէին հայտնել նաև Փաշինյանի՝ Էրդողանի հետ հանդիպում փնտրելու նախաձեռնության մասին։ Եթե Էրդողանն այդ մասին չհայտարարեր, հայ հանրությունը կարող էր այդ մասին պաշտոնական տեղեկատվություն չստանալ։ Տեսականորեն, եթե առաջիկայում Թուրքայի պաշտոնական շրջանակները հաստատեն նաև Բաթումիում տեղի ունեցած հանդիպման փաստը, ըստ ամենայնի ականատես կլինենք նոր մեկնաբանության՝ տարածաշրջանային երկարատև խաղաղության հասնելու Նիկոլ Փաշինյանի անձնուրաց ջանքերի մասին։

Իրականությունն այն է, որ Նիկոլ Փաշինյանը թաքուն բանակցային գործընթացների մեջ է մտել Թուրքիայի հետ և ՀՀ հպարտ քաղաքացիները, որոնք Փաշինյանին պողպատե մանդատ են տվել, այդ գաղտնի բանակցությունների մասին իմանում են Էրդողանից։

Թուրքիայի նախագահը  Էրդողանը, ընդգծելով, որ գործընթացը պետք է առաջ գնա փոխզիջումների միջոցով, նշել է․

«Երբ գործի է դրվում դիվանագիտությունը, ինչ-որ բան տալիս ես, ինչ-որ բան՝ ստանում։ Հույս եմ հայտնում, որ այս հարցում ոչ թե բացասական, այլ դրական մոտեցումները կգերակշռեն, և այսպիսով Ադրբեջանի և Հայաստանի միջև խնդիրը կհաղթահարվի միջանցքների բացման շնորհիվ»։ Ինչ նոր զիջում է պահանջում Թուրքիայի առաջնորդը՝ Փաշինյանից և Հայաստանից, թերևս կարելի է պատկերացնել։ Դիվանագիտական հարաբերություններ սկսելու և հայ-թուրքական սահմանը բացելու գինն ըստ ամենայնի Զանգեզուրն է, որի մասին  նրանք խոսում են բացում տեքստով։

 

Հայկ Դավթյան

դիտվել է 1807 անգամ
Լրահոս
Մենք տարածքներ նվաճելու մտադրություն չունենք. Նիկոլ Փաշինյան Կդադարեցվի Երևանի, Հրազդանի և Վանաձորի մի շարք հասցեների գազամատակարարումը Այլեւս ո՛չ մի ազգակործան ստորագրություն՝ նոյեմբերի 1-ին, կառավարության դիմաց. Տաթեւ Արցախ Տասը օրում ազգ-բանակ կառուցելու ծրագիր. Արմեն Այվազյան ՈՒում վրա է Փաշինյանի հույսը Միջադեպ. օրենքը խախտող՝ դիմակ չկրող ոստիկանը վարորդին տուգանում է դիմակ չկրելու համար (video) Թուրքերը տարբեր պատրվակներով գալու են, լցվեն Հայաստան․ Սեյրան Օհանյան. video Փաշինյանը վերահաստատեց իր խոսքը. Հայաստանը տարածքներ նվաճելու մտադրություն չունի (video) Քարեր են նետել Երևան-Գյումրի երթուղին սպասարկող մարդատար էլեկտրագնացքի վրա՝ կոտրելով պատուհանի ապակին Արմավիրում «Volkswagen»-ը բախվել է կայանված «Nissan»-ին, վերջինս՝ եգիպտացորենով լի «06»-ին 1.25 տոննա մարդասիրական օգնություն են փոխանցել ԼՂ մանկապարտեզներին եւ դպրոցներին Տաթև-Աղվանի ճանապարհահատվածի շահագործման մասին Տղամարդն ասել է, որ կանեփն ինքն էր ցանել, աճեցրել, չորացրել՝ իր անձնական օգտագործման համար. video Ձյուն գա գլխիդ Մեր նպատակը ցանկացած նոր զիջում ամեն գնով կանխելն է. Իշխան Սաղաթելյան Նիկոլ Փաշինյանն այցելել է Վանո Սիրադեղյանի ընտանիքին Փակեք ուսումնական հաստատությունները, հայտարարեք մեկշաբաթյա լոքդաուն՝ վճարելով քաղաքացիներին Թուրքը գլխներիս նստած, արոտը չկա, խոտհարքը չկա, անասունը չկա, նստեն այստեղ, ի՞նչ անեն. Կութի գյուղապետ Մահացել է Արմեն Աշոտյանի մայրը «Մուրճն էլ ա ձեր ձեռքը, մեխն էլ», բա ո՞ւմ եք սպասում Մահվան ելքով վրաերթ Երևանում «Ինչի՞ համար է վարձատրվում և ինչու՞ չի դատվում այս մարդը…». Գևորգ Պետրոսյան Հակառակորդը խախտել է սահմանը. Հայ-ռուսական միացյալ խմբավորման զորավարժությունները Սյունիքում Երկրաշարժը զգացվել է ՀՀ մի քանի մարզերում Բա վեթինգից ի՞նչ կա
Ամենաընթերցվածները
Շուտով
Հոկտեմբերի 25-ին, ժամը 16:00-ին Հայելի ակումբի հյուրն է ռեժիսոր Արմեն Գրիգորյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 15:00-ին Հայելի ակումբի հյուրն է քաղաքական գործիչ Հովհաննես Շահինյան։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 14:00-ին Հայելի ակումբի հյուրն է Արևմտահայոց հարցերի ուսումնասիրման կենտրոնի տնօրեն Հայկազուն Ալվրցյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 13:00-ին Հայելի ակումբի հյուրն է դոկտոր- պրոֆեսոր, քաղաքական մեկնաբան Ալ. Մանասյանը։ Թեմա՝ Նոյեմբերին սպասվելիք Պուտին-Փաշինյան-Ալիև հանդիպում, քարտեզների հանձնու, նոր փաստաթղթերի ստորագրում Հոկտեմբերի 25-ին, ժամը 11:00-ին Հայելի ակումբի հյուրն է ազմագետ Վան Համբարձումյանը։ Թեմա՝ ինչ ձենքեր, սպառազինություն է ձեռք բերել Ադրբեջանը, ինչ նպատակներ ունի: Նոյեմբերին սպասվել Պուտին-Փաշինյան-Ալիև հանդիպում Հոկտեմբերի 25-ին՝ ժամը 12:00-ին, «Հենարան» մամուլի ակումբում կհյուրընկալվեն ՀՀԿ անդամներ Տիգրան Վարդանյանը և Հայկ Դերզյանը: ԹԵՄԱ՝ ՀՀ և Արցախի սահմանների անվնատգությունը. արցախյան պատերազմից մեկ տարի անց. ներքաղաքական օրակարգ: Հոկտեմբերի 22-ին, ժամը 11:30-ին Հայելի ակումբի հյուրն է Հայաստան խմբակցության պատգամավոր Քրիստինե Վարդանյանը: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները Հոկտեմբերի 22-ին, ժամը 16:00-ին Հայելի ակումբում Hayeli.am-ի գլխավոր խմբագիր Անժելա Թովմասյանը և Politik.am կայքի գլխավոր խմբագիր Բորիս Մուրազին կամփոփեն անցնող շաբաթը, կքննարկեն կարևոր իրադարձությունները Հոկտեմբերի 22-ին, ժամը 15:00-ին Հայելի ակումբի հյուրն է ՊՆ պահեստազորի փոխգնդապետ, «Հայոց ազգային գվարդիայի» հրամանատար Տիգրան Չոբանյանը: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները Հոկտեմբերի 22-ին, ժամը 13:00-ին Հայելի ակումբի հյուրն է գնդապետ Սայաթ Շիրինյան: Թեմա՝ Փելա սարում դիրքային փոփոխություն, Ադրբեջանից եկող սպառնալիքներ, ՀՀ և Արցախի սահմանների անվտանգությունը. նոր պատերազմի ռիսկերը. Ալիևի հայտարարությունները. թշնամու սպառնալիքները
Հետևեք մեզ Facebook-ում https://www.facebook.com/hayeliclub