Ինչի՞ է պատրաստ Փաշինյանը՝ ռուսների «թիկունքում»

Երեկվանից Ադրբեջանի պաշտպանության նախարար Զաքիր Հասանովը և նրա տեղակալ՝ ռազմա-օդային ուժերի հրամանատար Ռամիզ Թաիրովը Թուրքիայում են: Նրանց այցը կազմակերպվեց Թուրքիայի պաշտպանության նախարար Հուլուսի Աքարի հրավերով։

Հասանովը և Թաիրովը հանդիպումներ են ունեցել Թուրքիայի ռազմական ղեկավարության հետ, ինչպես նաև ներկա են գտնվել թուրքական Կոնյա քաղաքի մերձակայքում անցկացվող «Բազե ԹուրԱզ-2021» թռիչքա-մարտավարական համատեղ զորավարժությունների միջոցառումներին։ Հիշեցնենք, որ երկու օր առաջ Թուրքիա էր մեկնել Ադրբեջանի զինված ուժերի գլխավոր շտաբի պետ Քերիմ Վելիևը։

Թուրքիայի նախագահ Ռեջեփ Թայիփ Էրդողանն ընդունել է Ադրբեջանի պաշտպանության նախարար գեներալ-գնդապետ Զաքիր Հասանովին և պաշտպանության նախարարի առաջին տեղակալ-Գլխավոր շտաբի պետ, գեներալ-լեյտենանտ Քերիմ Վելիևին: Ըստ ադրբեջանական կայքի տեղեկությունների` հանդիպմանը ներկա է եղել նաև Թուրքիայի ազգային պաշտպանության նախարար Հուլուսի Աքարը:

Թուրք-ադրբեջանական ռազմական շփումները սկսում են ավելի ու ավելի ինտենսիվանալ, ու այս ամենից լավ հոտ չի գալիս: Անցյալ տարի 44-օրյա պատերազմից առաջ, երբ Ադրբեջանի պաշտոնյաներն էին մեկնում Թուրքիա, ապա Թուրքայի ռազմական ոլորտի պատասխանատուների պատվիրակությունը մեկնեց Բաքու՝ Հուլուսի Աքարի գլխավորությամբ, մի քանի շաբաթ անց պատերազմ սկսվեց Արցախում:
Հիմա, երբ ակնհայտ է, որ Բաքուն որոշակի դժգոհություններ է արտահայտում Ռուսաստանի խաղաղապահ առաքելության վերաբերյալ, թվում է, թե ինչ-որ մոտալուտ փոթորիկի հոտ է գալիս այս ամենից:

Գումարած այս ամենին՝ Անկարան սկսել է Երևանից դժգոհություններ արտահայտել, ինչը նշանակում է, որ Թուրքիան ու Ադրբեջանը կազմակերպված հող են նախապատրաստում ինչ-որ գործողությունների իրականացման համար:

Էսքիշեհիրի նահանգապետարանում հասարակական մի շարք կազմակերպությունների հետ հանդիպման ժամանակ Թուրքիայի արտգործնախարար Մևլութ Չավուշօղլուն, ի թիվս այլ թեմաների, անդրադարձել է նաև հայ-ադրբեջանական հարցերին: Ըստ «Արմենպրես»-ի՝ նկատելով, որ կոշտ ուժ կիրառում են այն ժամանակ, երբ դիվանագիտական ճանապարհով հնարավոր չի լինում լուծում գտնել՝ Չավուշօղլուն, որպես օրինակ բերել է Թուրքիայի գործողությունները Սիրիայում, Լիբիայում, Արևելյան Միջերկրականում: Ընդ որում, նա բերել է նաև Ադրբեջանի օրինակը և միևնույն ժամանակ Հայաստանին մեղադրել հարևան երկրների տարածքների նկատմամբ նկրտումներ ունենալու համար։

Շարունակելով օրինակների շարքը՝ նա անդրադարձել է Կովկասում Ադրբեջանի քայլերին։ «Ադրբեջանը 30 տարի սպասեց, դիվանագիտական ճանապարհով լուծում չեղավ։ Մինսկի եռյակը կամ Մինսկի խումբը, որի անդամ ենք նաև մենք չգործեց։ Ի՞նչ եղավ, կարճ ժամանակում՝ 43 օրում, մեր եղբայր Ադրբեջանը ետ վերցրեց իր հողերը, և հիմա դիվանագիտության հնարավորություն կա»,- ասել է նա։

Չավուշօղլուն նշել է, թե անհրաժեշտ է, որ խոսքից գործի վերածվեն Հայաստանի և Թուրքիայի կողմից միմյանց հղվող դրական ուղերձները։ «Մենք տալիս ենք դրական ուղերձներ, որոշ դրական ուղերձներ գալիս են Հայաստանից, բայց այդ դրական ուղերձները չպետք է լինեն միայն բառեր»,- հավելել է Չավուշօղլուն։

Այնուհետև, բանը հասել է նրան, որ Անկարան Հայաստանին է մեղադրել այլ երկրների տարածքների վրա աչք ունենալու մեջ: Շարունակելով խոսքը՝ Թուրքիայի արտգործնախարարը Հայաստանին մեղադրել է հարևան երկրների տարածքների վրա «աչք դնելու» համար. «Եթե Հայաստանը դասեր քաղի տեղի ունեցածից, ապա պետք է հասկանա, որ ոչնչի չի հասնի հարևան երկրի հողեր ներխուժելով կամ իր հարևանների հողերի վրա աչք դնելով»։

Նա խոսել է նաև Ադրբեջանի կողմից առաջարկվող խաղաղության համաձայնագրի վերաբերյալ։ «Ադրբեջանը հանդես է եկել նաև խաղաղության համապարփակ համաձայնագրի շուրջ բանակցելու առաջարկով: Ընտրությունները ավարտվել են, կառավարությունը ձևավորվել է, և հուսով եմ Հայաստանն էլ դրական պատասխան կտա»,- եզրափակել է Թուրքիայի արտգործնախարարը։

Անկարան ու Բաքուն մտել են Հայաստանին մեղադրելու ակտիվ փուլ, ինչը նշանակում է, որ նրան կարող են սադրանքներ կազմակերպել Հայաստանի ու Արցախի ուղղությամբ: Նպատակը մեկն է՝ սադրանքների արդյունքում ռուս խաղաղապահներին հանել տարածաշրջանից:

Այս հարցում նրանք նույնիսկ պատրաստ կլինեն համաձայնությունների գալ Փաշինյանի հետ: Մնում է հասկանալ՝ կգնա՞ դրան Փաշինյանը, ռուսների «թիկունքում» նա պատրաստ է գործարքի գնալ թուրք-ադրբեջանական տանդեմի հետ:

Մետաքսյա Շալունց

դիտվել է 2525 անգամ
Լրահոս
Հայտնի է Սյունիքում 4 մարդու կյանք խլած ավտովթար-հրդեհի զոհերի ինքնությունը. Վարորդը ոստիկանության աշխատակից էր Միշել Տեր-Զաքարյան․ Թքած ունեմ՝ Մբապեն կմնա, թե կհեռանա ՀՀ բանկերի մեծ մասը մարտի 30-ից կդադարեցնի «Միր» քարտերի ընդունումը. «ՎՏԲ Հայաստան» Իջևանցիներին պետք է փրկել իջևանցիներից Խեղկատակի խաղալիքից Սևանա լիճը կտրած և հեռացված է ՀՀ տարածքից Գեղարոտ-Ծիլքար ճանապարհին մեքենան դուրս է եկել երթևեկելի հատվածից և արգելափակվել ձյան շերտում «Ո՞նց ենք իրենց զորքն անցնելու, գնալու, մեր հողերը մշակենք»․ տավուշցիները՝ Փաշինյանի հանդիպումից հետո Կենտրոնի թաղապետի ենթակաների կաշառքի գործով վկային դատարան են բերել պատգարակով 33-ամյա վարորդը «ՎԱԶ 2107»-ով, մի քանի պտույտ շրջվելով, բախվել է քարերին․ կա վիրավոր Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով «Ներքին գործերի նախարարությունը 89 հատ թանկարժեք ժամացույց է գնել Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում «Ելույթներ կան, որոնք տոն են, ու հենց դրանք են մասնագիտական կյանքդ հաջողված դարձնում» Թևերի տակ դրված եվրա... բարձ «Կառավարության յուրաքանչյուր որոշում կարծես ուղղված լինի ինչ-որ մեկի գրպանը լցնելուն, ոչ թե հանրային խնդիր լուծելուն» Համայնքային սեփականություն հանդիսացող հողերը կընդունվեն որպես նվիրատվություն Հայաստանի Հանրապետությանը Բնակիչների հետ հանդիպում, որպես այդպիսին, չի եղել. ի՞նչ են ասել Փաշինյանին Նոյեմբերյանում «Արևմուտքի հետ հույս կապելու կամ աշխարհաքաղաքական վեկտորի փոփոխություն անելու որոշումն ադեկվատ չէ» Արսենյանը ճանաչում է՞ իր գրասենյակի մոտ պայթուցիկ տեղադրելու գործով կալանավորվածներին․ մանրամասներ Ո՞րն է «դարակազմիկ» նախագծի առանցքային նպատակը Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am