«Գլխի ընկան», որ հզոր բանակ է պետք. Դաշնակիցը՝ խաղաղապահ է

Իրադրությունը Հայաստան-Ադրբեջան շփման գծում ակնհայտորեն նախապատերազմական է՝ չնայած այն հանգամանքին, որ չորս կողմից զսպվածության, բանակցելու կոչեր են հնչում, անգամ ՌԴ-ից վստահեցնում են, թե կան Հայաստան-Ադրբեջան շփումներ:

Իրադրությունն իսկապես վտանգավոր է, հատկապես, երբ Հայաստանից նոր են սկսել «գլխի ընկնել» ու հայտարարել, որ Հայաստանը պետք է ինքը պաշտպանի իրեն՝ հզոր, զինված բանակով և հույսը չպետք է դնի այլոց վրա, կամ սպասի՝ Ռուսաստանի պաշտպանությանը:

Փաստ է, որ Ռուսաստանը հանդես է գալիս որպես խաղաղապահ, և փորձում է հնարավորինս չեզոք դիրքում մնալ, հակառակ դեպքում Բաքվից կհնչեն ռուս խաղաղապահներին դուրս հրավիրելու կոչեր, ինչից սարսափում է Ռուսաստանը:

Այսպես, երեկ ԱԳ նախարարի պարտականությունները կատարող Արմեն Գրիգորյանը հեռախոսազրույց է ունեցել ԱՄՆ պետքարտուղարի եվրոպական և եվրասիական հարցերով տեղակալի պաշտոնակատար Ֆիլիպ Ռիքերի հետ: Արմեն Գրիգորյանը, ըստ ԱԳՆ հաղորդագրության՝ դատապարտել է հուլիսի 28-ին Հայաստանի Հանրապետության Գեղարքունիքի մարզում տեղակայված հայկական դիրքերի վրա իրականացված ադրբեջանական զինված ուժերի հարձակումը, որը նա որակեց որպես Հայաստանի ինքնիշխանության և տարածքային ամբողջականության դեմ ուղղված բացահայտ ոտնձգություն։ «Ընդգծվեց, որ մայիսի 12-ից սկսած Ադրբեջանի կողմից Հայաստանի ինքնիշխան տարածք ներթափանցման և շարունակական սադրիչ գործողությունների հետևանքով ստեղծվել է լարված իրավիճակ, որը հնարավոր կլինի հաղթահարել ադրբեջանական զինված ուժերի՝ ելման դիրքեր վերադարձից հետո: Այս առնչությամբ ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարն ընդգծեց հայ-ադրբեջանական սահմանին ստեղծված իրավիճակի կարգավորման և այս ուղղությամբ դեէսկալացիայի կարևորությունը»:

Զրույցի ընթացքում կարևորվել է ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության խաղաղ կարգավորման գործընթացի վերսկսումը, որն ուղղված կլինի ղարաբաղյան հիմնահարցի համապարփակ կարգավորմանը և տարածաշրջանում կայուն խաղաղության հաստատմանը։ «Արմեն Գրիգորյանը դատապարտելի համարեց հայ ռազմագերիների և քաղաքացիական անձանց հանդեպ կեղծ մեղադրանքներով քրեական գործերի հարուցումը՝ դրանք որակելով որպես Ադրբեջանի կողմից ստանձնված պարտավորությունների և միջազգային մարդասիրական իրավունքի կոպիտ խախտում»։ Ի դեպ, հաղորդագրությունում նաև նշվում էր, որ Արմեն Գրիգորյանը և Ֆիլիպ Ռիքերը քննարկեցին նաև՝ «ՀՀ-ԱՄՆ ռազմավարական երկխոսության» շրջանակներում համագործակցության հետագա ծավալման հեռանկարները:

Երեկ նաև ԵԱՀԿ Մինսկի խմբի համանախագահները հայտարարություն տարածեցին: ԵԱՀԿ Մինսկի խմբի համանախագահներ Իգոր Խովաևը (Ռուսաստան), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) մտահոգությամբ հետևում են հայ-ադրբեջանական սահմանի երկայնքով տեղի ունեցած վերջին միջադեպերին, մարդկային զոհերի մասին հաղորդումներին: Համանախագահները կոչ են անում Հայաստանին և Ադրբեջանին անհապաղ հանդարտեցնել իրավիճակը, ձեռնպահ մնալ սադրիչ հռետորաբանությունից և գործողություններից, ամբողջությամբ կատարել նոյեմբերի 9-ի եռակողմ հայտարարության և հրադադարի համաձայնեցման այլ պայմանավորվածությունները:

Նրանք վերահաստատել են հակամարտության բոլոր հիմնական հարցերը բանակցված, համապարփակ և կայուն կարգավորմամբ լուծելու անհրաժեշտությունը և կողմերին կոչ են անում հնարավորինս շուտ վերադառնալ բանակցություններին իրենց հովանու ներքո: «Նրանք կրկնում են իրենց հովանու ներքո ուղիղ երկկողմ խորհրդակցություններ կազմակերպելու առաջարկը, որպեսզի կողմերը վերանայեն և համատեղ համաձայնեցնեն կառուցվածքային օրակարգը` արտացոլելով իրենց առաջնահերթությունները` առանց նախապայմանների», - ասված է հայտարարության մեջ: Համանախագահները վերահաստատում են ամուր աջակցությունը ԵԱՀԿ գործող նախագահի անձնական ներկայացուցչի և նրա թիմի շարունակական ջանքերին:

Ինչպիսին է իրադրությունը... Ռուսաստանի խաղաղապահ զորքերի հրամանատարության միջնորդությամբ ձեռք է բերվել պայմանավորվածություն հյուսիս-արևելյան ուղղությամբ հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ։ Հուլիսի 28-ի ժամը 10։40-ից հաստատվել է հրադադար։ Այդուհանդերձ, Հայաստանի պաշտպանության նախարարությունը հաղորդում է ադրբեջանական կողմից հրադադարի խախտումների մասին, որոնց հետևանքով վիրավորվել է հայ զինծառայող։

Միջազգային հանրության կողմից հնչում են զսպվածության կոչեր:

Հայ - ադրբեջանական սահմանին տիրող իրավիճակն են քննարկել Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը և Ադրբեջանի արտգործնախարար Ջեյհուն Բայրամովը երեկ կայացած հեռախոսազրույցում: «Կողմերը մտքեր փոխանակեցին եռակողմ հայտարարությունների և տարածաշրջանում առկա իրավիճակին վերաբերող հարցերի շուրջ: ԵՄ հատուկ ներկայացուցիչը մտահոգություն հայտնեց երկու պետությունների սահմանին լարվածության վերաբերյալ», - ասված է Ադրբեջանի արտաքին քաղաքական գերատեսչության հաղորդագրությունում: Բայրամովը զրուցակցին վստահեցրել է, թե ադրբեջանական բանակը պատասխանում է հայկական կողմի «ռազմական սադրանքներին, Ադրբեջանը պաշտպանում է իր միջազգային սահմանները»: «Ընդգծվեց, որ Հայաստանը պետք է վերջ տա նման անպատասխանատու վարքագծին և կատարի իր պարտավորությունները: Նախարարը նշեց, որ Ադրբեջանը շահագրգռված չէ սահմանին լարվածությամբ և այդ խնդիրները դիվանագիտական ճանապարհով լուծելու կողմնակից է», - ասվում է Ադրբեջանի արտգործնախարարության հաղորդագրությունում:
Երեկ ի դեպ, կայացել է Արմեն Գրիգորյանի և Տոյվո Կլաարի հեռախոսազրույցը, ըստ ԱԳՆ-ի՝ քննարկվել է Հայաստանի ինքնիշխան տարածքի դեմ Ադրբեջանի ոտնձգությունների արդյունքում ստեղծված իրավիճակը: Արմեն Գրիգորյանը ներկայացրել է վերջին օրերին ՀՀ Գեղարքունիքի մարզում տեղակայված հայկական դիրքերի ուղղությամբ ադրբեջանական զինված ուժերի կողմից հարձակողական գործողությունների հետևանքները։ «Շեշտվեց, որ սադրիչ ռազմական գործողություններին զուգահեռ Ադրբեջանը առաջ է քաշում Հայաստանի հանդեպ տարածքային և պատմական կեղծ պահանջներ, որոնք միտված են տարածաշրջանային անվտանգության և խաղաղության խաթարմանը։ Երկուստեք ընդգծվեց անհրաժեշտ բոլոր ջանքերի գործադրման կարևորությունը՝ իրավիճակի դեէսկալացիայի ապահովման համար։ Այս համատեքստում, Արմեն Գրիգորյանը շեշտեց Հայաստանի Հանրապետության ինքնիշխան տարածքից Ադրբեջանի զինված ուժերի՝ մայիսի 12-ի դրությամբ ելման դիրքեր անհապաղ և անվերապահ դուրս բերելու անհրաժեշտությունը»։ Նրանք շեշտել են ԵԱՀԿ Մինսկի խմբի համանախագահության շրջանակներում խաղաղ բանակցությունների միջոցով ղարաբաղյան հակամարտության տևական և արդար հանգուցալուծման անհրաժեշտությունը։

Տեղեկությունները հայ-ադրբեջանական սահմանին կրկնվող միջադեպերի մասին անհանգստություն են առաջացնում, իր հերթին թվիթերյան իր էջում գրել է ԵԱՀԿ գործող նախագահ Անն Լինդեն։ «Կոչ եմ անում կողմերին զարգացնել վերջին մարդասիրական քայլերը և ամբողջապես կատարել նոյեմբերի 9-ի հայտարարությունները՝ հանուն այն բանի, որ չլուծված հարցերը կարգավորվեն խաղաղությամբ»,-նշել է ԵԱՀԿ նախագահը։

Մետաքսյա Շալունց

դիտվել է 1607 անգամ
Լրահոս
Դանակներն առնենք, իրար մորթե՞նք, մեր խաղողը փչանում ա. վեճ խաղողագործների եւ փոխնախարարի միջեւ (video) Աննա’, Էրատո լացի նոր ձև՞ ես սովորե’լ. քաղաքացի (video) Ինչ է, կարծում եք, որ Անվտանգության Խորհրդի անդաները, ԱԱԾ կամ ՊՆ բարձրաստիճան պաշտոնյաները կգան կերդվե՞ն՝ ասել միայն ճշմարտությունը Սյունիքի մարզպետի՝ հետախուզման մեջ գտնվող որդին ինքնակամ ներկայացել է. մա տեղափոխվել է «Արմավիր» ՔԿՀ Իրանը Ադրբեջանի հետ սահման է տեղափոխել հիմնականում հարձակողական բնույթի զինտեխնիկա և մարդկային ուժ. Իրանագետ Թուրքիան ոչ միայն շարունակում է նախապայմանների լեզվով խոսել Հայաստանի հետ, այլ ընդլայնել է դրա շրջանակը ԱՄՆ Կոնգրեսն ընդունել է Ադրբեջանում պահվող հայ ռազմագերիներին ազատ արձակելու մասին օրինագիծը Պետությունն արշավ է սկսել լրատվամիջոցների դեմ. ԱՆԻՖ-ը դատի է տվել Բա որ գրում են, թե սեպտեմբերի 21-ի տոնակատարությունը լավ է, որ սութի հայրենասիրական երգերով չէր ու մեսիջ էր աշխարհին, որ մենք աբորիգեն չենք Իրան-Ադրբեջան քարոզչական փոխհրաձգությունը ոչ միայն շարունակվում է, այլև նոր երանգավորում է ստանում Էրդողանը ՄԱԿ -ում հայտարարեց վրացական, հունական և սիրիական տարածքների նկատմամբ Թուրքիայի իրավունքի մասին. video Երկու տարի անց ամբաստանյալը գրավով ազատության մեջ է Սև լճի տարածքում` ադրբեջանական բլոկ-պոստում ադրբեջանցի զինվոր է ինքնասպան եղել Թուրքիան անազատ ինտերնետ ունեցող երկրներից է․ Freedom House Երիտասարդները երկաթյա առարկայով հարվածներ են հասցրել 57-ամյա տղամարդուն և նրա 32-ամյա որդուն… «Պատկերացնում եք չէ, թե ի՞նչ կարող է լինել …». Սոֆյա Հովսեփյան «Թուրքական Բայրաքթարների դեմ կարող են պատժամիջոցներ կիրառվել». Նաիրա Զոհրաբյան Այսօր աշնանային գիշերահավասարի օրն է Փաշինյանը գլխատում է վտանգավոր պլաններից առաջ Հայաստան դաշինքի կտրուկ քայլը եւ իշխանական հիստերիան Նման հարևանի հետ ո՞ր խելապակասը հարևանություն կանի…Վա՚յ Նիքոլ, Նիքոլ… Մեծ հարված Բաքվին. Ալիևի «ոտքը» կապեցին բանակցային սեղանից Հավանաբար, Գնել Սանոսյանը մտածում է՝ «վարչապետն ով է, որ ես նրա որոշումները կատարեմ». Էդգար Ղազարյան Որոշում կկայացվի՝ թողնե՞լ Փաշինյանին Էրդողանի ազդեցության գոտում Իշխանությունը նպատակ է դրել առաջիկա 3 ամիսներին մարզերը բոլոր համայնքներով վերցնել իր վերահսկողության տակ
Ամենաընթերցվածները
Շուտով
Սեպտեմբերի 23-ին, ժամը 16:00-ին Հայելի ակումբի հյուրն է ՀՀ նախկին վարչապետ Հրանտ Բագրատյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 23-ին, ժամը 15:00-ին Հայելի ակումբի հյուրն է ազատամարտիկ Շահե Աճեմյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 23-ին, ժամը 14:00-ին Հայելի ակումբի հյուրն է Հանրապետական կուսակցությունից Գագիկ Մինասյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 23-ին, ժամը 13:00-ին Հայելի ակումբի հյուրն է Հայաստանի դեմոկրատական կուսակցության առաջնորդ Արամ Սարգսյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 23-ին, ժամը 12:00-ին Հայելի ակումբի հյուրն է ԱԺ պատգամավոր Արմենուհի Կյուրեղյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 22-ին, ժամը 14:00-ին Հայելի ակումբի հյուրն է հոգեբան Միհրդատ Մադաթյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 22-ին, ժամը 10:30-ին Հայելի ակումբի հյուրն է Արևմտահայոց հարցերի ուսումնասիրության կենտրոնի ղեկավար Հայկազուն Ալվրցյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին Սեպտեմբերի 22-ին, ժամը 13:30-ին Հայելի ակումբի հյուրն է Երկիր Ծիրանի կուսակցության առաջնորդ Զարուհի Փոստանջյանը: Թեմա՝ Անկախության օրվա տոնակատարություն, ծնողների և հասարակական գործիչների ակցիան Եռաբլուրում, քաշքշուկ ոստիկանների և ակցիայի մասնակիցների միջև, որի թիրախում էր նաև Զարուհի Փոստանջյանը: Սեպտեմբերի 22-ին, ժամը 11:00-ին Հայելի ակումբի հյուրն է հասարակական գործիչ Սոնա Աղեկյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, քաշքշուկ ոստիկանների և ակցիայի մասնակկիցների միջև : Սեպտեմբերի 22-ին, ժամը 12:00-ին Հայելի ակումբի հյուրն է պահեստազորի սպա Վոլոդյա Հովհաննիսյանը: Թեմա՝ Անկախության օրվա տոնակատարություն, ծնողների ակցիան Եռաբլուրում, վարչապետի հայտարարությունները՝ Էրդողանի հետ բանակցություններ սկսելու ցանկության մասին
Հետևեք մեզ Facebook-ում https://www.facebook.com/hayeliclub