Աննա Հակոբյանը եկել էր փայլելու իր շքեղ տեսքով, իր երեխայի թանկարժեք հագուստով. Մետաքսե Հակոբյան. video

«Հունիսի 1-ին մեր իշխանությունները փորձում էին տոնական, վառ միջավայր ստեղծել մանուկների համար առանց հաշվի առնելու, որ հազարավոր երեխաներ զրկվել են հայր ունենալու հնարավորությունից:  Եթե մենք փոքրուց երեխաների մեջ չենք արժեւորում այն, ինչը կարեւոր է, մենք դրանով կարցնում ենք մեր ազգային արժեհամակարգը, ինչին ձգտում են այս իշխանությունները: Երեկ ամբողջ ադրբեջանական մամուլը ճնշում գործադրեց աշխարհի վրա՝ ցույց տալով, որ ոչ միայն 44-օրյա պատերազմի արդյունքում երեխաներ են զոհվել, ոչ միայն տնավեր մարդիկ ունեն իրենք, որոնք իբր փողոցում են ապրում, այլ նաեւ 30 տարի առաջվա երեխաների նկարներն էր, թե ինչպես են անտուն մնացել, առանց ծնող մնացել: Որեւէ տոնական պաշտոնական հայտարարություն մենք չտեսանք, բայց մեր իշխանությունը երեկ չհիշեց Մարտունիում զոհված 8-ամյա փոքրիկին, քառօրյա պատերազմի ժամանակ զոհված 12-ամյա տղային, էլ չեմ ասում անտուն ու անհայր մնացած մեր երեխաների մասին»,- Հայելի ակումբում մամուլի ասուլիսի ժամանակ նշեց Արցախի ԱԺ «Արդարություն» խմբակցության անդամ Մետաքսե Հակոբյանը:

 ՀՀ վարչապետի պաշտոնակատարի կինը՝ Աննա Հակոբյանը եկել էր փայլելու իր շքեղ տեսքով, իր երեխայի թանկարժեք հագուստով այն ֆոնին, երբ կային երեխաներ, որ հագել էին իրենց զոհված հայրերի նկարներով շապիկներ ու եկել կանգնել էին հրապարակում,-ասաց նա: