Փաշինյանը շատ գոհ է
Ռուսաստանի Դաշնության նախագահ Վլադիմիր Պուտինի հետ պայմանավորվածություն է ձեռք բերվել, որ Հայաստանը կստանա միլիոնից ավել «Սպուտնիկ V»-ի դեղաչափ՝ կորոնավիրուսի դեմ պատվաստումներ անելու համար։ Ինչպես փոխանցում է ՏԱՍՍ գործակալությունը, այդ մասին “Россия-1”-ով հեռարձակվող «Մոսկվա. Կրեմլ. Պուտին» հաղորդման ժամանակ հայտարարել է ՀՀ վարչապետ Նիկոլ Փաշինյանը։
«Մենք ՌԴ նախագահի հետ պայմանավորվել ենք, որ Հայաստանը կստանա «Սպուտնիկ V»։ Այսօր ամբողջ աշխարհում «Սպուտնիկ V» պատվաստանյութի վարկանիշը բարձրանում է. ՀՀ-ում նույնպես մեծ վստահությամբ են վերաբերվում այդ պատվաստանյութին»,- ասել է նա։
Փաշինյանը նաև հավելել է, որ շատ գոհ է Մոսկվայում ապրիլի 7-ին Պուտինի հետ անցկացրած բանակցություններից։