Հայաստանի հուղարկավորության թափորը փորձ անելու ( репетиция) ընթացքը

Երեկվա իմ հոդվածոնում ասացի, որ Փաշինյանը մարտի 1–ին Հանրապետության հրապարակում ի ցույց կդնի մեր դժբախտությունը՝ ներկայացնելով մեր ներքին մարդու փչացածության անողոք պատկերը, մարդիկ, ովքեր չեն հարցնի հանրահավաքի կառավարներին, թե ու՞ր է Արցախի 75 տոկոսը և ի՞նչ ճակատագիր է սպասվում մնացյալ հատվածին, թե ինչու՞ մենք տվեցինք այդքան զոհեր, ինչու՞ գերիները չվերադարձան, իսկ հողերը շռնդալից արագությամբ հանձնվեցին՝ մարդկանց համար իրենց իրերը դուրս բերելու հնարավորություն չթողնելով, ինչու՞ Հայաստանի Հանրապետության հողերն անցնում են թշնամուն և էլի նման դառն ինչուներ. չեն հարցնի, դրա փոխարեն կվանկարկեն «Նիկոլ վարչապետ»:

Երեկ նաև առաջարկեցի հիմնականում պետության զգացողություն չունեցողների, հանրահավաքի քշվողների թիվը, որը կտեսնեք մարտի 1–ի երեկոյան, բազմապատկեք 10–ով, 20–ով:

Հիմա ձեզ առաջարկում եմ անել այդ բազմապատկումը:
Մի սարսռեք, բազմապատկեք:

Արեցի՞ք:

Դե հիմա տեսեք ամբողջական պատկերը մեր ժողովրդի օխլոսացման:
Տեսա՞ք:

Ուրեմն իմացեք՝ կամ մենք հնար ենք գտնում նրանց մտածողությհունը փոխելու և դարձնելու Հայրենիքի քաղաքացի, կամ նրանք անգիտորեն կործանում են երկիրը:
ՀԳ Լուսանկարում՝ Հայաստանի հուղարկավորության թափորը փորձ անելու ( репетиция) ընթացքում:
Արծրուն Պեպանյանի ֆեյսբուքյան էջից