Վահագն Ալեքսանյանը ՝ Գեղամ Մանուկյանի հայտարարության մասին
ՔՊ հանրային կապերի համակարգող Վահագն Ալեքսանյանը ֆեյսբուքյան իր էջում գրել է․
«Ժողովուրդ ջան, զինված ուժերի ստորաբաժանումները շարունակում են իրենց բնականոն ծառայությունը ՊՆ և կառավարության ենթակայության ներքո։
Փոքրիկ ստախոսների ելույթները բանի տեղ մի դրեք հատկապես այդ բեմից։
Եթե Գեղամ Մանուկյանին մի երկու բաժակ էլ հյուրասիրեք, կասի, որ իրենց է միացել նաև Աստղային նավատորմը՝ իր ջեդայներով։ Թե բա ՝ բոլոր ստորաբաժանումները ՝ իրենց անձնակազմերով։ Բա լավ էս մարդը չի ամաչելու՞ գլուխը բարձին դնելուց»։
Նշենք, որ ավելի վաղ ՀՅԴ անդամ Գեղամ Մանուկյանը Բաղրամյան պողոտայում հայտարարել է, թե ՀՀ զինված ուժերի ստորաբաժանումները իրենց հրամանատարներով ու անձնակազմերով միացել են Զինված ուժերի Գլխավոր շտաբի փետրվարի 25-ի հայտարարությանը։
«Մեզ հենց նոր տեղեկություն հասավ, որ ՀՀ զինված ուժերի ստորաբաժանումները իրենց հրամանատարներով ու անձնակազմերով միացել են Զինված ուժերի Գլխավոր շտաբի փետրվարի 25-ի հայտարարությանը՝ այդպիսով հավաստելով բանակի միասնականությունը եւ նվիրվածությունը մեր պետությանն ու ժողովրդին»,- հայտարարել է Մանուկյանը։