Սարսափելի բան է կատարվել, ու դրա մեղավորները մեզ ուզում են բանտ նստեցնել. Յուրի Խաչատուրով
Սահմանադրական կարգի ենթադրյալ տապալման գործով հերթական նիստի ժամանակ ՀԱՊԿ նախկին քարտուղար Յուրի Խաչատուրովը՝ դատարանին ներկայացնելով դատախազ Գևորգ Բաղդասարյանին Շուշին հանձնողներից մեկն անվանելու պատճառը, հայտարարեց, որ չի հասկանում՝ ինչո՞ւմ է մեղավոր:
«Ինձ այդպիսի հոդված են գրել 10-15 տարի անց: Ես մարտ ամսին ոչ մի հանցավոր հրաման չեմ տվել: Միակ բանը, որ ես կարող էի անել՝ բանակն այդ պահին այդ ամենից հեռու պահելն էր, որ բանակը միանար ցուցարարներին, որոնք կային այդտեղ՝ բողոքող, կիսախմած»,- ելույթում ասաց Յուրի Խաչատուրովը:
«Եվ հիմա դեռ շարունակվում է այս դատը, և ամենահետաքրքիրն այն է, որ մեզ դատում են այդ հոդվածով, Աստված իրենց հետ:
Այն, ինչ կատարվեց սեպտեմբերին, հոկտեմբերին ու մինչև նոյեմբերի 10-ը, հասկանո՞ւմ եք, կատարվել է սարսափելին: Եվ ամենահետաքրքիրն այն է, որ ով մեղավոր է դրանում՝ նա և նրանք, ասել են մեր դիմաց նստածներին, որ նրանք մեզ նստեցնեն բանտ: Եվ ինչպե՞ս կարող է դա չվրդովվեցնել: Հարգելի կամ ոչ հարգելի դատախազներ, դուք դավաճանի աջակիցներն եք»,- շարունակեց Խաչատուրովը: