2,5 տարի է փորձում են դատել Շուշիի ազատագրողներին, Քելբաջարը ազատագրողներին . դա ուղիղ նպաստել է այն ամեն ինչին, ինչ կատարվեց հիմա՝ 2 ամիս առաջ. Ռոբերտ Քոչարյան
Արդեն տեղեկացրել ենք, որ ՀՀ երկրորդ նախագահ Ռոբերտ Քոչարյանի գործով նիստի ժամանակ, երբ դատախազ Գևորգ Բաղդասարյանը նշեց, թե ինքը Շուշին հանձնողներին չի պաշտպանում, ասաց, թե դատախազ Գևորգ Բաղդասարյանը Շուշին հանձնողներից մեկն է:
«Երբ 2,5 տարի է՝ փորձում են դատել Շուշիի ազատագրողներին, Քելբաջարը ազատագրողներին, և այլն, և այլն, դա ուղիղ նպաստել է այն ամեն ինչին, ինչ կատարվեց հիմա՝ 2 ամիս առաջ: Ուղիղ նպաստեց՝ վարկաբեկելով բանակը, վարլաբեկելով 3 գեներալ-գնդապետ: Եվ ընդհանրապես մի ասացվածք կա՝ երբ ազգը չի մեծարում իր հերոսներին, մնում է առանց հերոսների:
Իմ ասածն ընդամենը սա է նշանակում: Եթե մարդիկ նպաստում էին այն պաշտոնյաներին, որոնք ուղղակի պատասխանատու են այս ամենի համար՝ և՛ հողերի կորստի համար, և՛ զոհերի համար, և՛ անհետ կորածների համար, կամա թե ակամա, մտածելով, չարամտությամբ, թե չմտածելով հետևանքների մասին, նպաստել են այդ ամեն ինչին:
Սա իմ համոզմունքն է, և այդ համոզմունքն արտահայտելու եմ ամեն տեղ՝ ներառյալ այս դատական նիստին»,- նիստի ընմիջումից հետո դատարանին պարզաբանելով հնչեցրածը նշեց Ռոբերտ Քոչարյանը: