«Հ2»-ը զրկվեց եթերից, «TV5»-ը և «Արմնյուզ»-ը կդիտեն միայն Երևանում
Հեռուստատեսության եւ ռադիոյի հանձնաժողովի անդամները փակ եւ գաղտնի ռեժիմով բաշխեցին հանրապետական եւ մայրաքաղաքային սփռման սլոթերի համար դիմած հեռուստաընկերությունների միավորները:
«Հանրապետական ծածկույթի համար հայտարարվել էր 6 սլոթ, իսկ մայրաքաղաքային ծածկույթի համար՝ 9 սլոթ: Սական դեկտեմբերի 30-ին կնքվեց միջկառավարական պայմանագիրՀայաստանի եւ Ռուսաստանի միջեւ, որի համաձայն ռուսական մեկ հեռուստաալիք ստանում է հանրապետական, եւս երկուսը՝ մայրաքաղաքային ծածկույթի արտոնագիր, առանց լիցենզիայի: Դա նշանակում է, որ հանրապետական լսոթերը դառնում են 5, իսկ մայրաքաղաքային սլոթերը՝ 7»,- ասաց ՀՌՀ նախագահ Տիգրան Հակոբյանը:
«Հանրապետական լսոթերի համար հայտ էին ներկայացրել 12 ընկերություն, որից երեքը դիմել էին միայն հանրապետական սփռման մրցույթի համար, իսկ մնացած 9-ը նաեւ մայրաքաղաքային: Միայն մայրաքաղաքային սփռման մրցույթի համար ներկայացվել էր 4 հայտ: Սակայն հունվարի 8-ին «Սկիզբ մեդիա» հեռուստաընկերությունը, իսկ հունվարի 13-ին «Հայաստանի հանրային հեռուստաընկերություն» ՓԲԸ ընկերությունները ներկայացրեցին իրենց դիմումները, որով նրանք հետ կանչեցին իրենց հայտերը, ուստի չեն մասնակցում այս մրցույթին»,-ասաց նա:
Հանրապետական սլոթերի համար մրցույթին մասնակցած հեռուստաընկերությունների ստացած միավորները.
«Արմնյուզ» ՓԲԸ – 613 միավոր,
«Հայկական երկրորդ հեռուստաալիք» ՍՊԸ-ն - 626 միավոր,
«Շարք» ՍՊԸ-ն (5-րդ ալիք) – 657 միավոր,
«Մուլտիմեդիա կենտրոն TV» ՍՊԸ-ն – 663 միավոր,
«Արմենիա TV» ՓԲԸ-ն – 723 միավոր,
ATV ՍՊԸ-ն – 670 միավոր,
Freenews ՍՊԸ-ն – 531 միավոր,
«Մելտեքս» ՍՊԸ-ն (Ա1+) – 545 միավոր,
«Հուսաբեր» ՓԲԸ-ն (Երկիր Մեդիա) – 688 միավոր
«Շանթ» ՍՊԸ-ն – 680 միավոր:
Միայն Մայրաքաղաքային ծածկույթի համար հայտ ներկայացրած ընկերությունները ստացել են հետեւյալ միավորները.
«Դար 21» հեռուստաընկերությունը – 492 միավոր,
«ՄՈ TV մեդիահոլդինգ» ՓԲԸ-ն – 463 միավոր,
«Արփի մեդիա» ՍՊԸ-ն – 542 միավոր,
«Շանթ սպորտ» ՍՊԸ-ն – 216 միավոր:
«Ամենաբարձր միավորներ ստացած ընկերությունները լրացնում են հանրապետական մուլտիպլեքսը: Այն հեռուստաընկերությունները, որոնք ավելի քիչ թվանշաններ են հավաքել, տեղ են զբաղեցնում մայրաքաղաքային մուլտիպլեքսում, եթե դիմել էին մայրաքաղաքային սլոթերի համար»,-ասաց Տիգրան Հակոբյանը:
Ըստ այդմ, հանրապետական սփռման 5 սլոթերի համար առաջին առավելագույն միավոր հավաքած ընկերություններն են.
«Արմենիա TV»-ն, «Հուսաբեր» ՓԲԸ-ն (Երկիր մեդիա), «Շանթ» ՍՊԸ-ն, ATV-ն, եւ «Մուլիտիմեդիա կենտրոն TV»-ն:
Հետեւաբար, «Արմնյուզ» ՓԲԸ-ն եւ «Շարք» ՍՊԸ-ն (5-րդ ալիք) չեն ստացել հանրապետական սփռման հնարավորություն, նրանք կշարունակեն հեռարձակվել միայն մայրաքաղաքում: «Հայկական երկրորդ հեռուստաալիքը» չէր դիմել մայրաքաղաքային սլոթի մրցույթի համար, հետեւաբար զրկվեց եթերից:
Մայրաքաղաքային սփռման հնարավորություն ստացավ Freenews ՍՊԸ-ն, իսկ ահա «Մելտեքս» ՍՊԸ-ն (Ա1+), թեեւ բարձր միավորներ էր ստացել, սակայն չէր դիմել մայրաքաղաքային հեռարձակման համար, հետեւաբար եթեր չի ստանա:
Մայրաքաղաքային սփռման եթեր ստացան նաեւ «Դար 21» հեռուստաընկերությունը, «ՄՈ TV մեդիահոլդինգ» ՓԲԸ-ն եւ «Արփի մեդիա» ՍՊԸ-ն: Իսկ «Շանթ սպորտ» ՍՊԸ-ն դուրս մնաց, քանի որ չէր հաղթահարել միավորների նվազագույն շեմը՝ 280:
Հետևեք մեզ Viber-ում
