Շատ մի հրճվեք, թուրքերին այլ պատճառով են պատժում

Վաշինգտոնը պատժամիջոցներ սահմանեց Թուրքիայի նկատմամբ՝ ռուսական արտադրության C-400 (S-400) հակահրթիռային համակարգերի ձեռքբերման պատճառով։ Միացյալ Նահանգների ֆինանսների նախարարությունն այս մասին հայտարարեց, ընդգծելով, որ պատժամիջոցներն անհատական բնույթ են կրում։ Դրանց թիրախում են Թուրքիայի Պաշտպանական արդյունաբերության վարչության տնօրեն Իսմայիլ Դեմիրը և նրա երեք ենթակաները։

Պատժամիջոցների կիրառման առթիվ Twitter-ում արած գրառման մեջ Միացյալ Նահանգների պետքարտուղար Մայք Փոմփեոն անցած գիշեր նշում էր․ - «Չնայած մեր նախազգուշացումներին` Թուրքիան Ռուսաստանից գնեց և փորձարկեց C-400 համակարգերը։ Մենք չենք կարող հանդուրժել որևէ մեծածավալ ձեռքբերում, որ կատարվել է Ռուսաստանի ռազմարդյունաբերական համալիրից»։ Դրա հետ մեկտեղ, պետքարտուղարը հատուկ ընդգծել է, որ Միացյալ Նահանգները հակված է շարունակել ռազմատեխնիկական համագործակցությունը Անկարայի հետ։

Թուրքիայի դեմ ամերիկյան պատժամիջոցների անխուսափելիության մասին հայտնի դարձավ անցած շաբաթ։ Reuters գործակալությանն այդ մասին տեղեկացրել էին ամերիկյան կառավարությանը մոտ կանգնած միանգամից չորս աղբյուրներ։ Ռուսական արտադրության C-400 համակարգերի ձեռքբերման դեմ պաշտոնական Վաշինգտոնը պայքարում էր տարիներ շարունակ։ Ամերիկյան իշխանություններն ու ՆԱՏՕ-ի ղեկավարությունը մտավախություն ունեին, որ դաշինքի՝ մեծությամբ երկրորդ բանակի կողմից ռուսական արտադրության նորագույն հակահրթիռային համակարգերի կիրառումը կարող է արևմտյան ռազմական գաղտնիքների մի մասը հասանելի դարձնել Մոսկվայի համար։ «C-400 համակարգերի ձեռքբերումը վտանգում է թե՛ ամերիկյան ռազմական տեխնոլոգիաները և թե՛ ամերիկացի զինվորականներին», - անցած գիշեր նշում էր Մայք Փոմփեոն։

Հայաստանյան համացանցային դաշտում որոշակի գոհունակ մթնոլորտ է տիրում ԱՄՆ-ի կողմից Թուրքիայի նկատմամբ պատժամիջոցների առիթով, սակայն չպետք է մոռանալ, որ Վաշինգտոնի քայլը պայմանավորված է ռուս-թուրքական փոխհարաբերությունների խորությամբ, և այստեղ Արցախում Թուրքիայի ներգրավվածության հարց առհասարակ գոյություն չունի:

Պաշտոնական Անկարան բավականին արագ արձագանքեց պատժամիջոցների կիրառման մասին տեղեկություններին։ Թուրքիայի ԱԳՆ-ի հատուկ այս առթիվ տարածած հայտարարության մեջ նշում էր, թե պատժամիջոցների սահմանումը «լուրջ սխալ է Վաշինգտոնի կողմից»։ Թուրքական դիվանագիտական գերատեսչության պնդմամբ՝ Անկարան անհրաժեշտության դեպքում կարող է հանդես գալ պատասխան պատժամիջոցների կիրառման նախաձեռնությամբ։

Անկարայի դեմ սահմանված պատժամիջոցների մասին երկուշաբթի երեկոյան խոսեց նաև Թուրքիայի նախագահ Ռեջեփ Թայիփ Էրդողանը։ Նրա խոսքով՝ Անկարայում Միացյալ Նահանգներից միանգամայն այլ սպասելիքներ ունեին։ «ՆԱՏՕ-ում մեր դաշնակից ԱՄՆ-ից մեր ակնկալիքը ոչ թե պատժամիջոցներն են, այլ աջակցությունը՝ նախևառաջ տարածաշրջանն ապակայունացնող ահաբեկչական կառույցների դեմ պայքարում», - հայտարարել է Էրդողանը։

Երկու օր առաջ Էրդողանն ասաց, որ Եվրամիության «գիտակից անդամները» այս շաբաթ անցկացված գագաթաժողովում խափանեցին Թուրքիայի դեմ պատժամիջոցեր սահմանելու ջանքերը ու պնդել, որ գարնանը, մարտ ամսին կայանալիք ԵՄ հաջորդ գագաթաժողովում ևս Անկարային վնասող որոշումներ չեն ընդունվի։ Իշխող «Արդարություն և զարգացում» կուսակցության պաշտոնյաների հետ հեռավար հանդիպմանը Էրդողանը ելույթ է ունեցել ու ԱՄՆ-ի և Եվրամիության կառավարություններին կոչ արել դուրս գալ «հակաթուրքական լոբբիստների ազդեցությունից»։ Նրա խոսքերով՝ երկխոսության և համագործակցության միջոցով չլուծվող խնդիրներ չկան։

Նկատենք, որ անցած հինգշաբթի Եվրամիության առաջնորդները համաձայնության եկան Թուրքիայի որոշ քաղաքացիների հանդեպ պատժամիջոցներ սահմանելու հարցում՝ ավելի կոշտ քայլերը հետաձգելով մինչև մարտ ամիսը։ Դա բացատրվեց նաև Բրյուսելի քայլերը ԱՄՆ-ի նոր վարչակազմի հետ համակարգելու առումով։ ԱՄՆ-ի նորընտիր նախագահ Ջոզեֆ Բայդենը պաշտոնը ստանձնելու է հունվարի 20-ին։

Թուրքիայի դեմ պատժամիջոցներ սահմանելու պահանջ են դնում ԵՄ անդամներ Հունաստանը և Կիպրոսը, պնդելով, որ Միջերկրականի արևելքում էներգակիրներով հարուստ շրջանում Թուրքիան հետազոտական աշխատանքներ է կատարում Հունաստանի տնտեսական գոտում։ Ֆրանսիան պաշտպանում է Հունաստանի ու Կիպրոսի պահանջները։

Միևնույն ժամանակ Թուրքիայի հիմնական ընդդիմադիր Ժողովրդա-հանրապետական կուսակցությունը (ԺՀԿ) երկրի իշխանություններին կոչ Է անում հնարավորինս շուտ ակտիվացնել C-400 զենիթա-հրթիռային համալիրները (ԶՀՀ), որոնց ձեռքբերման պատճառով Վաշինգտոնը պատժամիջոցներ Է սահմանել Անկարայի դեմ: Ըստ «Արմենպրես»-ի՝ «C-400-ների ձեռքբերումը, որոնք դարձան ԱՄՆ-ի պատժամիջոցների պատճառ, Թուրքիայի սուվերեն որոշումն Է, այդ պատճառով մենք չենք ընդունում այդ քայլը,- դեկտեմբերի 15-ին Twitter-ի իր Էջում գրել Է ԺՀԿ-ի պատգամավոր Ունալ Չևիքյոզը: «Այն, ինչ որ պետք Է այժմ անել, հնարավորինս արագ այդ համակարգերն օգտագործելն Է, որոնցում 2,5 միլիարդ դոլար Է ներդրվել»:

ԱՄՆ-ի իշխանությունները դեկտեմբերի 14-ին հայտարարել են սահմանափակումներ մտցնելու մասին Թուրքիայի Պաշտպանական արդյունաբերության վարչության, դրա ղեկավարի և հանրապետության ևս երեք քաղաքացիների՝ Մուստաֆա Ալփեր Դենիզի, Սերհաթ Գենչօղլուի և Ֆարքութ Յիգիթի նկատմամբ՝ «Պատժամիջոցներով Ամերիկայի հակառակորդների հակազդման մասին» (CAATSA) օրենքի շրջանակում: Պետքարտուղար Մայք Պոմպեոյի հայտարարության համաձայն՝ սահմանափակումները «հստակ նախազգուշացում» են այն մասին, որ ԱՄՆ-ը «լրիվ չափով կկիրառի CAATSA-ն» և «չի հանդուրժի զգալի գործարքները Ռուսաստանի պաշտպանական և հետախուզական հատվածների հետ»:

Թուրքիայի ԱԳՆ-ն հանդես է եկել ամերիկյան պատժամիջոցների դատապարտմամբ և խոստացել ձեռնարկել պատասխան միջոցներ: Արտաքին քաղաքական գերատեսչությունում նաև ընդգծել են, որ Անկարան «ձեռնպահ չի մնա այն միջոցների ձեռնարկումից, որոնք անհրաժեշտ կհամարի իր ազգային անվտանգության ապահովման համար»: Ավելի վաղ Թուրքիայի նախագահ Թայիփ Էրդողանն ընդգծել Է, որ Անկարայի դեմ պատժամիջոցներ սահմանելու՝Վաշինգտոնի մտադրությունները ռուսական C-400-ների ձեռքբերման պատճառով հարգանքի բացակայության դրսևորում Է ՆԱՏՕ-ի գծով կարևոր գործընկերոջ նկատմամբ:

Թուրքիան, Արցախում պատերազմում «եղբայրական Ադրբեջանին» օգնելուց հետո ակնհայտորեն իր ռազմական հզորությունն է ցուցադրում: Անօդաչուների վաճառքի նոր հորիզոններ են բացվում: Ուկրաինան և Թուրքիան տեխնոլոգիաների փոխանցման և գրոհային անօդաչու թռչող սարքերի ու արտադրության մասին համաձայնագիր են կնքել։ Ուկրաինայի ՊՆ մամուլի ծառայության փոխանցմամբ՝ թուրքական ընկերությունների հետ համաձայնագիրը ստորագրել է Ուկրաինայի պաշտպանության նախարար Անդրեյ Տարանը: Ստորագրումը տեղի է ունեցել Թուրքիայի պաշտպանական արդյունաբերության տնօրինության նախագահ Իսմայիլ Դեմիրի գլխավորած թուրքական պատվիրակության այցի շրջանակներում:

Տարանի խոսքով՝ առաջին հերթին խոսքն այն նախագծերի մասին է, որոնք կոչված են արմատապես ուժեղացնել Սևծովյան-Ազովյան տարածաշրջանում անվտանգության բարելավման նպատակով Ուկրաինայի ռազմածովային ուժերի մարտական կարողությունները:

Մետաքսյա Շալունց

դիտվել է 4354 անգամ
Լրահոս
«Դա դեռ կտեսնի գլխին գալիքը». ինչո՞ւ են վիճաբանել Սուրեն Պապիկյանը ու Սիփան Փաշինյանը ՀՀ-ն ընդդեմ Ադրբեջանի գանգատ կներկայացնի ՄԻԵԴ Հազար տարի անց մենք իշխանության բերեցինք մի նոր Վեստ Սարգսի և Պետրոս Գետադարձի` ի դեմս մեկ անձի. քաղաքագետ Հացի գյուղի բնակիչ Արա Գասպարյանը գերեվարվել էր ադրբեջանցի զինվորականների կողմից. տեսանյութ «Այս խայտառակությունից հետո մի բան փաստենք. Արփինե Հովհաննիսյան Կարին Տոնոյանը պատասխանել է «լենազգիներին» Երևանում մի քանի անգամ ինքնասպանության փորձ կատարածը կրկին փորձել է նետվել Կիևյան կամրջից Միքայել Մինասյանի սկանդալային բացահայտումից հետո հասկացա 3 բան. Արմեն Աշոտյան Այդ ամենը թողած ամբողջ դաշտը քննարկում է անհեթեթ թեմաներ. տեսանյութ Արցախը բեռ ասողներին պետք է ուղարկել Կապան այս ճանապարհով... ընտանիքով... և գիշերով Լենա Նազարյանը պարզապես կատարյալ հիմար է․ Արամ Գաբրելյանով Ա. Միրզոյանը Թուրքիայի հատուկ ծառայությունների գործակալ է և տարիներ շարունակ Թուրքիային վաճառել է Հայաստանի գաղտնիքները. Մ. Մինասյանը փաստաթուղթ է հրապարակել. Տեսանյութ Օղակը սեղմվում է, մեծ խաղ է ընթանում Այս երկուսն ունեն շատ ավելի շատ ընդհանրություններ. Ինչով են նման ՀՀ և Ադրբեջանի դատախազները Ինչպե՞ս է ստացվել, որ զինապարտության տարիքի Աշոտ Փաշինյանը ռազմական դրության պայմաններում հատել է պետական սահմանը Վաղարշակ Հարությունյանը այս պահին Ստեփան Դեմիրճյանի տանն է, փորձում է համոզել, որ հանդիպի Նիկոլ Փաշինյանի հետ. Տեսանյութ Բոլոր ծակուծուկերից ինչքան Լեն ու Լախանկա կան, դուրս են եկել Մասիվի թաղապետը սպառնում է աշխատանքից հեռացնել Facebook-ում հակաիշխանական գրառումներ անող աշխատակիցներին Աննան ու Լեյլան իրար հետ թեյ են խմելու Դուբայում Պարզվեց՝ այդ թատրոնում ընտիր բուֆետ կա՝ իկրայով Ալիևը կրկին հակահայկական հայտարարություն է արել. Թող նրանք պատասխանեն իրենց ժողովրդի առաջ, ոչ թե ինձ Գորիս-Կապան ճանապարհին ադրբեջանցիները ծաղրում են մեր հայրենակիցներին` ձեռքի ժեստով հասկացնելով, թե «ձեր վիզը կկտրենք» Թուրքիայում հայկական եկեղեցի են վաճառքի հանել Հայաստանում իր գործունեությունը դադարեցրել է 22154 կազմակերպություն «Հարսանքար» ռեստորանի մոտ բախվել են BMW-ն ու Subaru-ն
Ամենաընթերցվածները
Շուտով
Հունվարի 18-ին՝ ժամը 12:00-ին, «Հենարան» մամուլի ակումբում կհյուրընկալվի իրավաբան Ռոբերտ Հայրապետյանը: ԹԵՄԱ՝ մամուլի ազատության դեմ ճնշումները . ՀՌՀ անդամների կողմից հ/ը լիցենզավորման մասով կայացված վարչական ակտերի և որոշ հ/ը հանրապետական և մայրաքաղաքային սփռման սլոթերիզ զրկելը: ՀՈՒՆՎԱՐԻ 18-ին` ժամը 12:00-ին, «Արմենպրես» պետական լրատվական գործակալության մամուլի սրահում տեղի կունենա Արցախի Հանրապետության նախագահի գլխավոր խորհրդական, ՀՀ-ում Արցախի կառավարության օպերատիվ շտաբի աշխատանքները համակարգող Միքայել Վիրաբյանի ասուլիսը: Թեմա- Արցախի կառավարության օպերատիվ շտաբի աշխատանքների ամփոփում, առաջիկա ծրագրեր: Հունվարի 15-ին, ժամը 13:00-ին Հայելի ակումբի հյուրերն են ԱԱԾ պահեստազորի սպաներ, «Հայրենիք» կուսակցության ջոկատում 39 օր Արցախի պատերազմին մասնակցած փոխգնդապետներ Հրահատ Մխեյանը և Զոհրապ Ավետիսյանը, կապիտան Էդգար Ավանեսովը: Թեմա՝ պատերազմի մասնակիցները կանդրադառնան վերջին շրջանում «Հայրենիք» կուսակցության ջոկատի հետ կապված որոշ տարաբնույթ խոսակցություններին, մասնավորապես ԱԱԾ նախկին տնօրեն Արգիշտի Քյարամյանի հայտարարությանը: Այսօր՝ ժամը 19:00-ին, տեղի կունենա Կովկասի ինստիտուտի հիմնադիր տնօրեն Ալեքսանդր Իսկանդարյանի հարցազրույցը Futures Studio-ի և լրագրող, հեղինակ Մարկ Գրիգորյանի համատեղ նախաձեռնած «Խոսենք ապագայից» շարքի շրջանակում: Կքննարկվեն Հայաստանի, Արցախի և աշխարհի հայերի ապագային և զարգացման հեռանկարին վերաբերող հարցեր: Հունվարի 15-ին՝ ժամը 12:00-ին, «Հենարան» մամուլի ակումբում կհյուրընկալվի ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը: ԹԵՄԱ՝ ապաշրջափակումից հետո երկաթգծի հնարավոր բացումը. հայ-ադրբեջանական տնտեսական հնարավոր հարաբերությունները. տնտեսական վարկանիշն ու միտումները: Հունվարի 15-ին՝ ժամը 11:00-ին, «Հենարան» մամուլի ակումբում կհյուրընկալվի Հայոց ցեղասպանության թանգարան-ինստիտուտի նախկին տնօրեն Հայկ Դեմոյանը: ԹԵՄԱ՝ արցախյան պատերազմից հետո Հայաստանի սահմանների անվտանգությունը. Մոսկվայում կայացած Փաշինյան- Ալիև հանդիպումը: Հունվարի 14-ին՝ ժամը 15:00-ին, ՀՀ ԱԺ 414 սենյակում ԱԺ արտաքին հարաբերությունների մշտական հանձնաժողովի անդամներն աշխատանքային հանդիպման ձեւաչափով կհյուրընկալեն ՀՀ արտաքին գործերի նախարար Արա Այվազյանին: Խորհրդարանում հավատարմագրված լրատվամիջոցների ներկայացուցիչները կարող են լուսաբանել հանդիպման միայն առաջին 10 րոպեն: -- ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԵՎ ՀԱՂՈՐԴԱԿՑՈՒԹՅԱՆ ՎԱՐՉՈՒԹՅՈՒՆ Հունվարի 14-ին ժամը 12:00 Փաստարկ մամուլի ակումբի հյուրն է Սպառողների խորհրդատվության կենտրոն ՀԿ նախագահ Կարեն Չիլինգարյանը: ԹԵՄԱ՝ գնաճի միտումները սպառողական շուկայում: Հունվարի 14-ին՝ ժամը 13:00-ին, Մեդիա կենտրոնը կազմակերպում է առցանց քննարկում «Գերիների վերադարձի արհեստական ձգձգում. ո՞րն է լինելու Հայաստանի հետագա քայլը» թեմայով։ Հունվարի 14-ին՝ ժամը 12:00-ին, «Հենարան» մամուլի ակումբում կհյուրընկալվի Մարդու իրավունքների առաջին պաշտպան Լարիսա Ալավերդյանը: ԹԵՄԱ՝ արցախյան պատերազմից հետո հայ գերիների վերադարձի խնդիրը. հայ գերիների նկատմամբ խոշտանգումներն ու իրավունքների ոտնահարումը. Փաշինյան- Ալիև հանդիպումը Մոսկվայում
Հետևեք մեզ Facebook-ում https://www.facebook.com/hayeliclub