Սա դավաճանի թավշյա բռնատիրություն է․ Գեղամ Մանուկյան
«Նիկոլ Փաշինյանը քնելիս անգամ պետք է հասկանա, ականջին պետք է օղ լինի, որ ինքը ավելորդ է պետական կառավարման համակարգի բարձրագույն այդ ատյանում: Նիկոլ Փաշինյանը գողացել է հայ ժողովրդի պատիվը, արժանապատվությունը ու, ամենակարևորը, հայրենիքը։ Ինքը ամեն օր հայրենիքից մի հատված նվիրում է Ադրբեջանին, նա վայրկյան առաջ պետք է հեռանա»,-այս մասին ասաց ՀՅԴ անդամ Գեղամ Մանուկյանը դաշնակցական երիտասարդների կազմակերպած՝ Նիկոլ Փաշինյանի հեռացման պահանջով անհնազանդության ակցիայի ժամանակ։
Հիշեցնենք, որ մոտ 10 օր Գեղամ Մանուկյանը կառավարության դիմաց հացադուլ էր անում՝ պահանջելով Նիկոլ Փաշինյանի հրաժարականը:
Գեղամ Մանուկյանը նշեց, որ պայքարը ամեն օր է, բոլոր քաղաքացիները, երիտասարդները պայքարում են։
«Նիկոլ Փաշինյանը ստախոս է բոլոր առումներով․ Նիկոլ Փաշինյանի թավշյա բռնատիրությունը ունի ևս մի տարր՝ դա դավաճանի թավշյա բռնատիրություն է։ Մարդ կարող է բռնատիրություն հաստատել, բայց հիմնավորել իր երկրի տնտեսության զարգացմամբ կամ ինչ-որ հիմար մի բանով, բայց Նիկոլ Փաշինյանի բռնատիրությունը հիմնավորվում է հայրենիքը ծախողների դեմ ըմբոստացումով․ սա եզակի է, սա պատմության դասագրքերում պետք է գրել»,-ասաց Գեղամ Մանուկյանը։
Հետևեք մեզ Viber-ում
