Հ1, ձեր ցույց տվածը ձորակ էր ու անտառ. ախր «գեղից մարդ կար», տարբերությունը տեսավ

Գյուղատնտեսության նախկին նախարար Արթուր Խաչատրյանը ֆեյսբուքյան իր էջում գրել է՝

Քարվաճառի (Նոր Շահումյանի) շրջանի Ծար գյուղը և Հ1-ի ռեպորտաժը

«Հ1-ով Քարվաճառի ջրային ռեսուրսների նշանակության մասին ռեպորտաժ էին ցույց տալիս, խոսում էին ազգային անվտանգության տեսանկյունից «Ալ լճերի» հատվածի կարևորության մասին... Տվեցիք նոր հասկացաք: Չէ, դեռ չեք գիտակցել Քարվաճառի կարևորությունը, քանի սուր ու տանջող ցավը չզգաք, չեք պատկերացնի Քարվաճառը զիջելու հետևանքը...

Ռեպորտաժում խոսվեց Ծար գյուղի մասին (ասվեց, որ նկարահանումներն Ծարի մոտակայքում են արվել): Քարվաճառյան մասշտաբներով այն կետը, որտեղ նկարահանումներն են արվել, Ծարից բավականին հեռու էր: Ծարը բարձր սարահարթի վրա է, Ծարում են Քարվաճառի հիմնական խոտհարքերը ու վարելահողերը (ամենաշատ վարելահողը Ակնբերդում է, որն ավելի շատ հյուսիսային Մարտակերտ էր, քան Քարվաճառ): Գյուղապետը Երանոսից էր, գյուղապետարանի քարտուղարը երևանցի էր, ՌԴ-ից տեղափոխված մեր մի հայրենակից (մականունը, եթե չեմ մոռացել «ռուս Արմեն») ոչխարաբուծությամբ է զբաղվում: Ծարի ծաղիկներից հրաշալի մեղր էր ստացվում, որը տարբերվում էր Քարվաճառի մյուս բնակավայրերի անտառային մեղրից: Հ1, ձեր ցույց տվածը ձորակ էր ու անտառ: Ախր «գեղից մարդ կար», տարբերությունը տեսավ: Նկարում. Ծարի եկեղեցին, գյուղի դպրոցը, երեխաները ու բնապատկերը» :