Զվարթնոց օդանակավայանում մի համակարգիչ չկա՞
Ինչպես հայտնի է` ՀՀ քաղաքացի հանդիսացող, բայց միեւնույն ժամանակ այլ երկրի քաղաքացի հանդիսացող երկքաղաքացիներին օրենքն արգելում է ռազմական դրության ժամանակ լքել Հայաստանը։ Սա միակ աբսուրդը չէ, որ օրենքով սահմանել են այս մարդկանց համար։
Օրինակ ինչպես կարելի է պատերազմի համար օգնություն բերած երկքաղաքացուն արգելել հետ վերադառնալ այնտեղ, որտեղից եկել է, կամ եթե մտածում են, որ նրանց էլ պետք է ուղարկեն առաջնագիծ, ապա ինչ հաշվարկով։ Ինչ կարող է անել ստիպողաբար առաջնագիծ մեկնած մարդը, անշուշտ, հաստատ դրանից օգուտ չենք ստանալու։ Բայց մյուս աբսուրդն էլ այն է, որ Հայաստանից մեկնել պատրաստվող երկքաղաքացիներին օդանավակայանում անհիմն քաշքշուկների մեջ են գցում։
Մեզ դիմած քաղաքացին դժգոհեց, որ օգանավակայանում ստիպված է եղել սենյակից սենյակ մտնել, որպեսզի անձնագրայինից իրեն փաստաթուղթ տրամադրեն, որը կհավաստի երկքաղաքացի է, թե ոչ։ Մինչդեռ այդ ամենը կարող էին կազմակերպել մեկ պատուհանով եւ դրա համար ընդամենը մի համակարգիչ է հարկավոր։