Հայրենապաշտական դաստիարակություն- ահա մեր փրկության խարիսխը
ՀԱՅՐԵՆԱՊԱՇՏԱԿԱՆ ԴԱՍՏԻԱՐԱԿՈւԹՅՈւՆ - ԱՀԱ ՄԵՐ ՓՐԿՈւԹՅԱՆ ԽԱՐԻՍԽԸ
Այսօր յուրաքանչյուր հայ մարդ, փորձում է դրսևորել իր հայրենասիրական հատկանիշները։ Որոշ հերոսներ, դրդված այդ հատկանիշներով, զենք են վերցնում ու գնում պաշտպանելու հայրենիքը, որոշ մայրեր, լուռ զսպելով իրենց արցունքները ճանապարհում են իրենց որդիներին, եղբայրներին և ամուսիններին հոգու խորքում հույս փայփայելով որ կրկին կտեսնեն նրանց կենդանի և հաղթած, ինչը ցավոք, ոչ միշտ է տեղի ունենում...
Բայց էականը դա չէ։ Էականը այն է, որ ուղիղ 3 ամիս առաջ, «Իմ քայլը» սեկտայի անդամ-սորոսականներ Լիլիթ Մկրտչյանը և Մարիա Կարապետյանը, համոզված եմ որ Նիկոլ Փաշինյանի գիտությամբ և ԿԳՄՍ նախարար Արայիկ Հարությունյանի աչալուրջ հսկողության տակ, հիմնովին հանելով դպրոցական ծրագրից և դասագրքերից «հայրենասիրություն» բառը, բարձր ամբիոններից, փրփուրը բերաններին խոսում էին այն մասին, որ «հայրենասիրությունը» չափելի միավոր չէ, և հենց դա է պատճառը, որ մեր երեխաները դպրոցում այդ ոգով չպետք է դաստիարակվեն։
Այս առիթով ուզում եմ մեջբերել Գարեգին Նժդեհի խոսքերը՝ «Հայրենապաշտական դաստիարակություն - ահա մեր փրկության խարիսխը։ Ահա թե ինչու հայրենասիրության, թե հայրենապաշտության - մարդկային առաքինությունների այդ աստվածային մոր համար պետք է ջահ բարձրացնել մեր հոգիների մեջ, մեր դպրոցներում, մեր ընտանեկան հարկի տակ, մեր գաղթականական վրանների տակ, ամեն տեղ, ուր կապրի, կշնչի հայ մարդը:
Ահա թե ինչու պետք է երես դարձնել այն բոլոր վարդապետություններից, որոնք հաշտ չեն հայրենասիրության հետ»։
Իսկ ի՞նչ էիք անում Դուք այդ ժամանակ, Տիկնայք և Պարոնայք։ Քարկոծում էիք իմ նմաններին երբ ասում էինք, որ այս ազգադավները պատրաստում են Հային անհայրենիք մնալու։ Անվանում էիք մեզ «թալանչի հագահեղափոխականներ»... մի խոսքով։ Անցածը հետ չես բերի իսկ Ձեզանից յուրաքանչյուրը, ով ժամանակին իմ այս ասածներին վերաբերվել է մեղմ ասած բասացաբար՝ հուսամ այժմ մտածելու լուրջ առիթ ունի։
Եկեք սրան էլ ավելացնենք Նիկոլ Փաշինյանի հայտնի լայվում հնչած համեմատությունները սփյուռքահայերի և Հայաստանի բնակիչների մասով։ Փաշինյանը ինչ-որ կերպ չափեց, իր իսկ հրահանգով, իր իսկ թիմակիցների հայտարարած անչափելին՝ հայերնասիրությունը, թասիբը... և որոշեց, որ սփյուռքի Հայերն այս պահին ավելի թասիբով են, քան իրենց որդիներին, եղբայրներին և ամուսիններին պատերազմի դաշտ ուղարկող մեր մայրերն ու քույրերը։ Ես համոզված եմ, որ մեր սփյուռքի հայրենակիցները քիչ բան չեն անում ռազմաճակատի համար։ Համոզված եմ, որ մեծ հանգանակություններ են հավաքվում... Սակայն մի՞թե որևե գումար կարող է համեմատվել հերոսի չապրած կյանքի, որդեկորույս մոր վշտի կամ ժամանակից շուտ այրիացած երիտասարդ մոր խորտակված կյանքի հետ։
Նիկոլ Փաշինյանը նույնիսկ այս օրհասական պահին հավատարիմ է մնում իր որդեգրած՝ «Բաժանի´ր, որ տիրես» սկզբունքին։ Հիմա էլ փորձելով բաժանել և կոնֆլիկտ մտցնել Հայաստանի և Սփյուռքի մեր հայրենակիցների միջև։
#ժողովրդից_թաքուն
#դըմփ_դըմփ_հոպպլա
#Արցախը_թուրքին_մի_տուր
#գլուխը_միայն_ուտելու_համար_չի
Գրել է հոգեբան Միհրդատ Մադաթյանը