Մենք այսօր կանգնած ենք ոչ թե մտահոգություններ լսելու, այլ որոշակի գործառույթներ իրականացնող մարմիններին պահանջ ներկայացնելու. ակցիա ԵՄ դեսպանատան առջև

Այսօր մի խումբ քաղաքացիներ բողոքի ակցիա իրականացրին ՀՀ-ում ԵՄ դեսպանատան առջև՝ պահանջելով ճանաչել Արցախի անկախությունը:

«Եթե երեկ ԱՄՆ դեսպանատան մոտ իրենց ընդունելությունը մեզ ոչ մի ձև չգոհացրեց, այսօր ԵՄ դեսպանի ընդունելությունը բավականին բարձր մակարդակի էր, պատասխանները հստակ էին, չնայած որոշ բախումներ եղան՝ կապված ոչ ճիշտ ձևակերպումների հետ։ Մենք խոսեցինք այն մասին, որ եվրոպական բոլոր կառույցներն այսօր նույն լռության քաղաքականությունն են վարում, ինչ որ 2016-ի Ապրիլյան պատերազմի ժամանակ։ Դեսպանին տեսանյութեր, նկար ցույց տվեցինք, ասաց, որ իրենք տեսել են, ծանոթ են ամեն ինչին, բոլորը ներկայացված է ՄԻԵԴ, և հույս հայտնեց, որ կհնչի գնահատական»,- լրագրողների հետ զրույցում ԵՄ դեսպանի հետ հանդիպումից մանրամասներ ներկայացրեց Արմինե Մելքոնյանը։

Ակցիայի մեկ այլ մասնակից ընդգծեց՝ միջազգային կառույցները թող այլևս չհորդորեն ու մտահոգություն չհայտնեն Արցախում ստեղծված իրավիճակի համար, քանի որ հստակ գործողություններ են պետք:

«Մենք այսօր կանգնած ենք ոչ թե մտահոգություններ լսելու, այլ որոշակի գործառույթներ իրականացնող մարմիններին պահանջ ներկայացնելու, թե ինչ է կատարվում, և ինչ են նրանք պարտավոր անել: Եթե ՀՀ-ում գտնվող միջազգային կառույցները սահմանափակվում են միայն երկու կողմերին ուղղված կոչերով կամ մտահոգություններ հայտնելով, թող գնան, այլ երկրում մտահոգվեն: Այլևս չենք հանդուրժում նման վարքագիծը և պահանջում ենք պարզ գործողությունների շարք, որ բխում է այդ կառույցների պարտականություններից: Վերջացրեք ձեր կոչերը, անցեք հաջորդ փուլին, կատարեք վերլուծություններ, կոչեք իրերն իրենց անուններով և կատարեք կոնկրետ գործողություններ»,-ասաց