Ալիևն արդեն Պուտինից բողոքեք․ ինչով է վտանգավոր այս փուլը

Ադրբեջանի նախագահ Իլհամ Ալիևը կրկին դժգոհում է ղարաբաղյան հակամարտության կարգավորման միջնորդ հանդիսացող ԵԱՀԿ Մինսկի խմբի համանախագահ երկրներից, այդ թվում` Ռուսաստանից «ապարդյուն գործունեության» համար:

Հեռավար ելույթ ունենալով Նյու Յորքում մեկնարկած ՄԱԿ-ի 75-րդ նստաշրջանում` Ադրբեջանի ղեկավարը նորից պնդել է. - «Բանակցությունները չպետք է անցկացվեն միայն հանուն բանակցությունների, դրանք պետք է լինեն նպատակային և բովանդակային: ԵԱՀԿ Մինսկի խմբի համանախագահ երկրների՝ Ֆրանսիայի, Ռուսաստանի և Միացյալ Նահանգների նախագահները իրենց հայտարարություններում շեշտել են, որ ստատուս քվոն անընդունելի է, մենք ողջունում ենք այդ հայտարարությունները, բայց դրանք բավարար չեն, մեզ պետք են գործողություններ»:

Իլհամ Ալիևը սրտնեղել է նաև, թե Հայաստանը այս տարվա հուլիսից մինչև սեպտեմբեր ավելի քան մեկ տոննա ռազմամթերք է ստացել։ «Հաշվի առնելով, որ Հայաստանը հանդիսանում է աշխարհի ամենաաղքատ երկրներից մեկը, չունի միլիարդավոր դոլարներ սարքավորումներ ձեռք բերելու համար, մենք ենթադրում ենք, որ Հայաստանն այդ բեռներն անվճար է ստացել։ Մենք կոչ ենք անում բոլոր երկրներին ձեռնպահ մնալ Հայաստանին զենք մատակարարելուց»,- առանց փաստարկներ բերելու և առանց անուններ նշելու հայտարարել է Ադրբեջանի նախագահը, ով ինքն է մշտապես պարծենում Բաքվի կողմից ձեռք բերվող թանկարժեք սպառազինությամբ՝ ներկայացնելով այն որպես հաղթական ձեռքբերում։

Ղարաբաղյան հակամարտության մասին խոսելիս Ալիևը նաև կոչ է արել ՄԱԿ-ին «նոր օրակարգ նախապատրաստել Հայաստանի զինված ուժերը Ադրբեջանի օկուպացված տարածքներից դուրս բերելու համար»: «Ադրբեջանի տարածքային ամբողջականությունը չի եղել և չի լինի բանակցությունների առարկա։ Լեռնային Ղարաբաղը Ադրբեջանի պատմական տարածքն է, Լեռնային Ղարաբաղը Ադրբեջան է»,- ասել է նա:
ՄԱԿ-ին ուղղված իր ծավալուն ելույթի առյուծի բաժինը առաջին խոսքերից սկսած նախագահ Ալիևը նվիրել է Հայաստանին՝ հնչեցնելով կոշտ քննադատություն և մեղադրանքների տարափ ինչպես Հայաստանի Հանրապետության, այնպես էլ Հայաստանի իշխանությունների հասցեին։

Իլհամ Ալիևը, ով հերոսի կոչում է շնորհել Հունգարիայում հայազգի սպա կացնահարած Ռամիլ Սաֆարովին, պնդել է, թե Հայաստանը հերոսացնում է ահաբեկիչների, առանց ապացույցներ վկայակոչելու խոսել է Հայաստանի իշխանությունների կողմից միջազգային մակարդակով փողերի լվացման մասին` երբեք որևէ կերպ չանդրադառնալով կամ չպարզաբանելով իր ու ընտանիքին վերագրվող միլիարդավոր դոլարների լվացման փաստերը, որոնք տարիներ շարունակ հետաքննության առարկա են միջազգային հեղինակավոր լրատվամիջոցների կողմից։

Հորից իշխանությունը ժառանգած նախագահ Ալիևը, ով մի քանի անգամ խմբագրել է երկրի մայր օրենքը, փորձագետների պնդմամբ՝ սեփական իշխանությունը երկարաձգելու և կնոջը փոխնախագահ դարձնելու նպատակով օգտագործելով աշխարհի ամենահեղինակավոր այդ ամբիոնը, անհանգստություն է հայտնել հայաստանյան ներքաղաքական իրավիճակի կապակցությամբ, ահազանգել «ճգնաժամի» մասին, հայտում է Ազատությունը։

Ոչ ավել, ոչ պակաս, Ալիևը չի թաքցրել մտահոգությունը հարևան Հայաստանի նախկին երկու նախագահների դեմ հարուցված քրեական գործերի կապակցությամբ, քննադատել է Փաշինյանի կառավարությանը «Հայաստանում մարդու իրավունքների համատարած ոտնահարումների» համար, այդ ենթատեքստում հիշատակել իր ընդդիմախոսներին բռնաճնշումների ենթարկելու համար ամենօրյա ռեժիմով իրեն քննադատող միջազգային իրավապաշտպան կառույցներին` Human Rights Watch-ին, Amnesty İnternational-ին, Freedom House-ին, որոնք ըստ Ադրբեջանի ղեկավարի` աչք են փակում հայաստանյան իշխանությունների արարքների վրա:

Փոխարենը Իլհամ Ալիևը տասնամյակներ շարունակ նախ հոր, ապա իր և կնոջ կողմից ղեկավարվող Ադրբեջանը ներկայացրել է որպես գերզարգացած, բարգավաճող, ժողովրդավար, մարդու իրավունքները հարգող երկիր, որն արդեն նաև Տիեզերական միջազգային ակումբի անդամ է։

Այսպես, Ալիևը օգտագործել է ՄԱԿ-ի ամենահեղինակավոր ամբիոնը՝ նաև Ռուսաստանին անուղղակի մեղադրելու համար։ Սա նշանակում է, որ առաջիկայում, եթե Ադրբեջանը որոշի պատերազմ սկսել՝ նա հաշվի չի նստելու Պուտինի կարծիքի հետ։
Բացի այդ Ալիևի կեցվածքը վկայում է այն մասին, որ նա ընդդեմ Փաշինյանի սուր և կոշտ քաղաքականություն է տանում։ Սրա պատճառները տարբեր են․ առաջինը՝ Ալիևը հասկացել է, որ Փաշինյանը չի գնալու ցանկալի զիջումների։ Երկրորդ՝ Ալիևը գիտակցել է, որ Փաշինյանը չի գնալու այն զիջումներին, որն անկալել է Ալիևը, այսինքն ըստ Ալիևի ընկալման՝ Փաշինյանը խախտել է երբեմնի խոստումներ։

Այս իրավիճակը հղի է իսկապես վտանգավոր հետևանքներով։ Անզեն աչքով տեսանելի է, որ Ալիևը նախապատրաստում է ընդդեմ Հայաստանի ագրեսիայի հիմքեր՝ բոլոր հնարավոր ձևերով։

Իրավիճակն իսկապես վտանգավոր է նրանով, որ Ալիևը հայտնվել է <<մուննաթ>> եկողի, պահանջատերի կարգավիճակում։ Այնպիսի տպավորություն է, որ կարծես 2016 ապրիլին ու հուլիսյան գործողություններում Ադրբեջանը չի եղել ագրեսորը։ Ալիևը հստակ քարոզչություն է իրականացնում, որպեսզի շեղի իր վրայից մեղքը՝ Հայաստանին ներկայացնելով որպես բանակցային գործընթացը տապալող կողմ։

Մետաքսյա Շալունց

դիտվել է 3512 անգամ
Լրահոս
«Թյուրքական բանակ». Էրդողանի կայսերական ֆանատիզմը Իրանը փաթեթ է բերել. Լուծում՝ առանց ԱՄՆ-ի ու Ֆրանսիայի՞ Ռուսաստանն ու Թուրքիան կարող են ներքաշվել պատերազմի մեջ. Միջազգային մամուլի անդրադարձը Եթե երեկ կեսգիշերին Ֆեյսբուքում Կուբաթլուն չգրավեիք, այսօր Շուշիի մասին լուրը լսելուց հետո կեսգիշերին ֆեյսբուքում չէիք ընկճվի Մարդ եղեք Փաշինյանի հրաժարականի հանրային պահանջ է ձեւավորվում Պուտինն Ալիևին ու Էրդողանին ճնշելու այլ լծակներ է գործի դրել Ստեփանակերտի ռմբակոծումը եղել է Էրդողանի հրամանով, որպես պատասխան Իդլիբի. Տեսանյութ Պուտին-Էրդողան լարվածության հիմքեր նշմարվեցին Թե ինչու Էրդողանը որոշեց «մտնել Ղարաբաղ» և հակամարտության մեջ մտնել Մակրոնի հետ. Տեսանյութ Իրավիճակի տերը Էրդողանն է. Արցախում պատերազմում է Թուրքիան․ Սեմյոն Բաղդասարով . Տեսանյութ Էրդողանի «կարմիր գծերը» Ղարաբաղում հայտնի են. Տեսանյութ Ռուսաստանը չի բացառում ԼՂ-ի դեմ կռվող սիրիական վարձկանների դեպի ՌԴ «արտահոսքի» վտանգը Ուրեմն կվերադարձնեք մեր որդիներին կենդանի։ Խաղաղություն մի մուրացեք... Կարին Տոնոյան «Արգելեք բոլոր լայվերը, ու էն լակոտներին ետ բերեք Արցախից, որ հյուրանոցներից անդադար գրում են ստատուսներ, թող սահմանադրական փոփոխությունների նախագծի վրա աշխատեն» «Մի՛ փորձեք մտնել մի դաշտ, որտեղ պատերազմական այս ծանր ժամանակահատվածում կարող եք միայն խանգարել»․ Վահրամ Պողոսյան Կանանց առաջին վաշտը անցնում է պատրաստություն. Արծրուն Հովհաննիսյան Այն մարդկանց համար, ովքեր ամեն ինչում փնտրում են պառակտում. Արկադի Կարապետյան (Ագո) (video) Թաթարստանում ոստիկանները ձերբակալելիս գնդակահարել են դանակով իրենց վրա հարձակված տղամարդուն «Պատերազմը մտել է բոլորի ընտանիքներ». BBC-ի ֆիլմը ռազմաճակատի հայ զինվորի ու նրանց մայրերի մասին Խնդրում եմ ինձ բարեգործություն անելու դասեր տալուց առաջ մտածել․ Զարուհի Բաթոյան Տեսանյութ. ինչպես է դերասանուհու որդին փրկվել սարից մի քանի կիլոմետր սողալով Ալիևի առաջարկում խարդավանք կա. Լաչինի միջանցքը վերահսկելով՝ Արցախը կգցի շրջափակման մեջ Թուրքիան պիտի իմանա՝ մեր համբերությունն այստեղ արդեն վերջացել է. Բունդեսթագի պատգամավոր Միամտություն, թե «Տրոյական ձի»` Արցախի համար
Ամենաընթերցվածները
Շուտով
ՀՈԿՏԵՄԲԵՐԻ 28-ին` ժամը 12:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ ֆինանաների նախարարի տեղակալ Արման Պողոսյանի ասուլիսը: Թեմա-Հարկային օրենսգրքում վերջերս կատարված փոփոխությունները։ Մասնավորապես, բանկերին ու վարկային կազմակերպություններին պետությունը հնարավորություն է տալիս ներել մարտական գործողությունների հետևանքով զոհված, անհետ կորած կամ հաշմանդամություն ձեռք բերած անձանց վարկային պարտավորությունները, ինչպես նաև «Ռազմական դրության ժամանակահատվածում հ... Մամուլի ասուլիս «Ինչպե՞ս Հայաստանի տնտեսության վրա կանդրադառնա Թուրքիայից ապրանքների արգելքը» Հոկտեմբերի 28-ին, ժամը 12: 00-ին Sputnik Արմենիա մուլտիմեդիոն մամուլի կենտրոնում տեղի կունենա տնտեսագետ, Երևանի նախկին քաղաքապետ Վահագն Խաչատրյանի առցանց մամուլի ասուլիսը: Որքա՞ն ժամանակ կպահանջվի հարևան երկրից ներմուծվող ապրանքների ցուցակին այլընտրանք գտնելու համար: Ի՞նչ պետք է արվի, որպեսզի ընդհանուր առմամբ երկրի տնտեսությունը և, մասնավորապես, ձեռնարկատերերը, արտադրողները, սպառողները չտուժեն: Վահագ... Հոկտեմբերի 28-ին՝ ժամը 12:00-ին, Մեդիա կենտրոնը կազմակերպում է առցանց քննարկում «Ի՞նչ նպատակով են թիրախավորվում իրավապաշտպանները պատերազմի ժամանակ» թեմայով։ Վաղը՝ հոկտեմբերի 26-ին, ժամը 16.00 Բեկնազարյան 5/31 (Աջանյակ վարչական շրջան, Արմենիա ԲԿ-ի մոտ) հասցեում տեղի կունենա Paracelsus ՀԿ-ի մտահաղացմամբ մեկնարկած ՀԱԴՐՈՒԹԻ ՀԱՄԸ նախաձեռնության շնորհանդեսը Այս օրհասական օրերին արցախցի տղամարդիկ գտնվում են առաջնագծում, իսկ նրանց ընտանիքներն տեղահանվելով իրենց բնակավայրերից՝ առանց կացարանի, առանց ապրելու միջոցների Հայաստանում են: Եվ այդ ընտանիքներին աջակցելու նպատակով հադրութցի կանանց հետ կպատրաստենք ժինգյալով հաց, կորկոտ, փախլավա, գաթա, որոնք այսուհետ հն... Հոկտեմբերի 26–ին, ժամը 11–ին Արցախի կանայք և երեխաները բողոքի ցույցով իրենց ձայնը կբարձրացնեն ՀՀ–ում ԵՄ ներկայացուցչության դիմաց (Հասցե` Ֆրիկի 21): Ժամանակն է, որպեսզի ԵՄ սկսի իրենց անունով կոչել Արցախում տեղի ունեցող ահաբեկչությունը և պատժամիջոցներ կիրառի Ադրբեջանի և Թուրքիայի դեմ: հոկտեմբերի 25-ին,ժամը 19:00-ին Ազատության հրապարակում տեղի է ունենալու մոմավառություն` ի հիշատակ զոհված Հերոս տղաների։ Զոհված զինվորների լուսանկարների դիմաց տեղադրվելու են ծաղիկներ,որոնք օրվա վերջում տարվելու են Եռաբլուր։ Հնչելու է Կոմիտասի շարական և եկեղեցական երաժշտություն։ Քահանայի հետ համատեղ աղոթք` հերոսների հոգիների հանգստության համար։ Հարգելի գործընկերներ, հոկտեմբերի 26-ին` ժամը 12.30-ին, «Պոստ Սկրիպտում» մամուլի ակումբի հյուրն է տնտեսագետ Կարեն Սարգսյանը: Թեման՝ Պատերազմի տնտեսական ազդեցություններն ու հետևանքները: Տնտեսագետը կխոսի նաև Թուրքիայից ապրանքների ներկրման արգելքի, պատերազմում զոհված և հաշմանդամություն ձեռք բերած մարդկանց վարկային պարտավորությունների մարման մասին: Հասցե՝ Արշակունյաց 2, «Տիգրան Մեծ» հրատարակչության շենք, 3-րդ հարկ, 312 սենյակ Հոկտեմբերի 23-ին, ժամը 13.00 «Տեսակետ» մամուլի ակումբը Մամուլի շենքի 2-րդ հարկում՝ «Արծիվ մահապարտների» գրասենյակում, կազմակերպում է մամուլի ասուլիս: Բանախոսն է «Արծիվ մահապարտների միություն» ՀԿ ղեկավար, գեներալ-մայոր Աստվածատուր Պետրոսյանը: Թեման՝ «Մեր տեսլականը, հերոսական մաքառումը այս պատերազմում»: Հասցեն՝ Արշակունյաց 4, Մամուլի շենք, 2-րդ հարկ: Հարցերի դեպքում զանգահարել՝ 077 400-955: Հոկտեմբերի 21-ին, ժամը 11:15-ին, Մեդիա կենտրոնի առցանց հյուրը իրանագետ Գարիկ Միսակյանն է: Հարցազրույցի թեման՝ «Իրանի գործոնը՝ Արցախի դեմ ադրբեջանաթուրքական պատերազմում»: Հոկտեմբերի 21-ին՝ ժամը 12։00-ին, Մեդիա կենտրոնը կազմակերպում է առցանց քննարկում «Թուրքական ապրանքների ներկրման արգելք. այլընտրանքային ի՞նչ լուծումներ են առաջարկվում» թեմայով։ Բանախոսներ՝ - Արտակ Մանուկյան, ՀՀ Ազգային ժողովի «Իմ քայլը» խմբակցության պատգամավոր, տնտեսագետ, - Արուսյակ Հայրապետյան, Ֆրանսիա-Հայաստան առևտրաարդյունաբերական պալատի տնօրեն, - Ֆելիքս Փայտյան, Հայ-բելգիական, առևտրաարդյունաբերական պալատի գործադիր տնօրեն - Դիանա Սարումովա Եվրոպական առևտրաարդյունաբերական պալատի գործադիր տն...
Հետևեք մեզ Facebook-ում https://www.facebook.com/hayeliclub