Իշխանությունը, որը ժողովրդին ժուժկալության կոչ է անում, պետք է ինքը ամենաժուժկալը լինի. Մարուքյան
ԱԺ-ում լրագրողների հետ զրույցում «Լուսավոր Հայաստան» խմբակցության ղեկավար Էդմոն Մարուքյանը, անդրադառնալով , որ վարչապետի օդանավը ներկելուն, նշել է, որ այդ գումարը պետական գաղտնիք չի կարող լինել. «Ասում են 250 հազար դոլար չի, դե թող ասեն ինչքան է: Իշխանությունը, որը ժողովրդին ժուժկալության կոչ է անում, պետք է ինքը ամենաժուժկալը լինի: Հեղափոխական իշխանությունն ընդհանրապես պետք է ճգնավորի պես աշխատի ու ապրի, բայց մենք դա չենք տեսնում»:
Այնուհետև նա համոզմունք հայտնեց, որ իշխանությունն իր սխալները չի ընդունում:
«Սա լեգիտիմ ընտրված միակ իշխանությունն է, որն իր սխալները չի ընդունում: Ասում է՝ արել ենք սխալներ, բայց կոնկրետ չի նշում՝ որն է սխալ: Օրինակ՝ որ Երվանդ Խունդկարյանն այստեղ երդվեց, կարո՞ղ է դա նկատի ունի որպես սխալ: Հազար բան կարող են կասկածել, չէ՞: Իշխանությունը շարունակում է մնալ այն գծի մեջ, որ որեւէ հարցում, անգամ եթե սխալ է անում, զիջելու տեղ չունի: Դա վատ բանի է տանում՝ ժողովրդավարական պրոցեսները դեպի ամբողջատիրականի: Անգամ ինձ վրա հարձակվելը չեն ընդունում, որ սխալ են անել: Ինչ արվել է, ժողովրդավարական իշխանությանը հարիր չէ: Իշխանությունն ընթացքում կարող է դառնալ ոչ լեգիտիմ»,-ասաց Մարուքյանը: