Այս պահին կա վարույթ և ամբողջական ուսումնասիրվում է շուկան. Կարեն Սեդրակյանը` ԱԺ-ում
Հուլիսի 8-ին ՀՀ Ազգային ժողովի արտահերթ նիստին քննարկվում է Տնտեսական մրցակցության պաշտպանության պետական հանձնաժողովի անդամի թափուր պաշտոնում Կարեն Սեդրակյանի վերընտրվելու հարցը: Նրա թեկնածությունը կրկին առաջադրվել է Կառավարության կողմից:
«Այս ընթացքում տասնյակից ավելի վարչական գործեր են հարուցվել, որոնք կապված են հակամրցակցային համաձայնագրերի կնքման եւ գերիշխող դիրքի չարաշահման հետ, որոնց մի մասն արդեն որպես չարաշահման դեպքեր են գրանցվել: Դրանց մեծ մասը հետաքննության փուլում է: Հանձնաժողովի ուշադրության կենտրոնում է նաեւ պետական եւ տեղական ինքնակառավարման մարմինների գործունեության կենտրոնացումը»,- իր խոսքում ասաց Սեդրակյանը:
«Իմ քայլը» խմբակցության պատգամավոր Նազելի Բաղդասարյանը ձվի շուկայի խնդիրներին անդրադարձավ և դիմելով նրան` նշեց, որ դեռևս փետրվար ամսին ձվի շուկայում խնդիր կար և ՏՄՊՊՀ-ն վարույթ իրականացրեց:
«Շարունակաբար բողոքներ ստանում ենք և վերջերս կրկին Շիրակ մարզի թռչնաֆաբրիկաներից բողոք ունեմ, որ խնդիրը ընկերությունների գերիշխող դիրքերի հետ է կապված և անգամ նշվում է, որ հակամրցակցային որոշակի համաձայնության խնդիր կա»,-ասաց նա:
Կարեն Սեդրակյանն ասաց, որ այս պահին կա վարույթ և ամբողջական ուսումնասիրվում է շուկան:
Հետևեք մեզ Viber-ում
