Եթե 10 հոգով խփեն, կարո՞ղ է քրգործ չհարուցեն․Մարուքյան

 «Ամենաբարձր մակարդակով բռնությունը արդարացվել է: Հայտարարություն էինք արել այն մասին, որ մենք կսպասենք իշխանությունների իրավական և քաղաքական գնահատականներին, որից հետո մենք մեր անելիքները կորոշենք և կհայտարարենք դրա մասին, և մինչ այդ պահը չենք ներկայացել ԱԺ նիստերին։ Շաբաթ օրը իրավական գնահատականը եղավ և հիմա կարող ենք ամփոփել՝ ինչ ունենք։ Առաջինը արձանագրենք, որ խորհրդարանում տեղի ունեցած բռնությունից հետո մենք քաղաքական գնահատական էինք ակնկալում, ինչը չտրվեց և ամենաբարձր մակարդակում այն արդարացվեց, այսինքն՝ ընդդիմադիր խոսքը, քննադատական խոսքը, այլընտրանքային մոտեցումների ներկայացումը գնահատվեց որպես սադրանք, որից հետո տարբեր հարթակներում քննադատական խոսքին ասում են սադրանք, դա արդեն պիտակավորված է։ Հետո արդեն լեգիտիմացվեց, որ եթե կա «սադրանք», ուրեմն կարելի է բռնության ենթարկել, և քաղաքական մասով կարող ենք արձանագրել, որ գործող իշխանությունը շեղված է հեղափոխության արժեքներից՝ ժողովրդավարություն, մարդու իրավունքներ, խոսքի ազատություն, քաղաքական ուժերի ազատ գործունեություն, ընդդիմախոսության հարգանք ․․․ այս արժեքներից շեղված վիճակ ունենք, և սա արդեն իրողություն է»,- ԱԺ ԼՀԿ խբակցության ղեկավար Էդմոն Մարուքյանը իր ասուլիսում անդրադարձավ ԱԺ-ում տեղի ունեցած ծեծկռտուքի քաղաքական և իրավական գնահատականներին։

«Եթե ծեծի հանցակազմ չկար, ապա կարող էր խուլիգանության հանկանիշներով գործ հարուցվել, ապա մեջբերեց մի հումոր, ըստ որի՝ եթե մեկին 10 հոգին մեկական անգամ հարվածում են, ապա քրեական գործ հարուցելու կարիք չկա :Շաբաթ օրը ՀՔԾ-ն մամուլի հաղորդագրություն տարածեց, որ քրեական գործի հարուցումը մերժվել է նյութերով։ Մենք բողոք չէինք ներկայացրել, դեպքը քննարկման առարկա էր դարձել մամուլի նյութերով և քննարկվել էր որպես հանրային տիրույթի ենթադրյալ հանցագործություն, այսինքն՝ մասնավոր գանգատի տարածք չէ, այլ հանրային»,- ասաց Մարուքյանը։