Քոչարյանի գործով պայթյուն է սպասվում
ՀՀ ԱԳՆ պաշտոնական կայքից տեղեկանում ենք, որ հեռախոսազրույց է տեղի ունեցել ՀՀ արտգործնախարար Մնացականյանի ու նրա ռուս գործընկեր Լավրովի միջև։ Ըստ հաղորդագրության՝ կողմերը քննարկել են երկկողմ օրակարգին, ինչպես նաև տարածաշրջանային կառույցների՝ ԱՊՀ, ԵԱՏՄ և ՀԱՊԿ շրջանակներում փոխգործակցությանն առնչվող հարցեր:
Լրատվամիջոցներում տեղեկություն է հայտնվել, որ իրականում արտգործնախարարների զրույցը եղել է ՀՀ երկրորդ նախագահ Ռոբերտ Քոչարյանի հարցով:
Ռուսական կողմն ուղիղ տեքստով նշել է, որ հայ–ռուսական պաշտոնական հարաբերությունները և պետության առաջին դեմքերի միջև շփումները չեն կարգավորվի, քանի դեռ հայ–ռուսական ռազմավարական հարաբերությունների զարգացման ճարտարապետներից հանդիսացող Ռ․ Քոչարյանը քաղաքական հետապնդման է ենթարկվում։ Դա պաշտոնական Երևանի կողմից որպես թշնամական մեսիջ է ընկալվում Մոսկվայում՝ այդտեղից բխող բոլոր հետևանքներով։ Չնայած ԱԳՆ-ից հերքել են այս լուրը, սակայն ըստ մեր տեղեկությունների, այն լիովին համապատասխանում է իրականությանը եւ այս մասին է վկայում նաեւ փաստը, որ հեռախոսազրույցը հաջորդեց «Մարտի 1»–ի գործով խափանման միջոցը չփոխելու դատական որոշմանը, որոշումից մեկ օր անց տեղի ունեցավ այդ հեռախոսազրույցը:
Թեեւ որոշ շրջանակներ փորձում են արտահոսքեր կազմակերպել, որ զրույցը ծավալվել է
ղազարաբղյան հարցի կարգավորման եւ մասնավորապես Լավրովի հայտնի հայտարարության շուրջ, բայց նկատենք, որ այդ հայտարարությունը եղել է մոտ մեկ ամիս առաջ եւ բացի դրանից, կողմերը այդ հայտարարությունից հետո հեռախոսազրույց ունեցել են:
Ռուսական կողմից շատ կոնկրետ հասկացրել են, որ եթե խափանման միջոցի հարցում վերանայում չլինի, այն պարագայում, երբ երկրորդ նախագահի առողջական վիճակը ներկայում խիստ մտահոգիչ է, չորս վիրահատություն է տարել վերջին ժամանակներում, ապա ապագայում պայթունավտանգ զարգացումներ են սպասվում:
Անի Սահակյան