5-ամյա երեխան մահացել է կորոնավիրուսի հազվագյուտ բարդացումից
ԱՄՆ Միչիգան նահանգի Դեթրոյթ քաղաքից 5-ամյա Սքայլեր Հերբերթը մահացել է կորոնավիրուսի հազվագյուտ բարդացումից, հաղորդում է The Detroit News-ը:
Թերթի տեղեկություններով՝ մարտի վերջին աղջիկը բողոքել է գլխացավերից, իսկ ցավազրկող դեղամիջոցները նրան չեն օգնել: Մարտի 23-ին աղջկան տարել են բժշկի մոտ, ով անգինայի դեմ հակաբիոտիկներ է նշանակել և տուն ուղարկել երեխային:
Սակայն, նրա վիճակը չի բարելավվել և նրան կրկին հիվանդանոց են տեղափոխել: Այս անգամ աղջկա մոտ կորոնավիրուս է ախտորոշվել: Սքայլերը հեշտությամբ հաղթահարել է վարակը և շուտով դուրս գրվել հիվանդանոցից:
6 ժամ անց Սքայլերի վիճակը կրկին վատացել է. գլխացավերը կրկնվել են, իսկ ջերմությունը բարձրացել է մինչեւ 37,8 աստիճան, սկսվել է սրտխառնոց, ապա՝ էպիլեպտիկ նոպա: Այնուհետև աղջիկը մահացել է:
Հետևեք մեզ Viber-ում
