Իտալիայում կարանտինային ռեժիմը երկարաձգել են մինչև ապրիլի 13-ը․ «ՌԻԱ Նովոստի»
Իտալիայի կառավարությունը որոշել է մինչև ապրիլի 13-ը երկարաձգել կորոնավիրուսի տարածման դեմ պայքարի համար գործող սահմանափակումները, հայտնում է «ՌԻԱ Նովոստի» գործակալությունը:
Երկրի առողջապահության նախարար Ռոբերտո Սպերանցայի տարածած հայտարարության մեջ նշվում է, որ մինչև ապրիլի 13-ը տնտեսական գործունեության և մարդկանց տեղաշարժի սահմանափակման մասին կառավարության որոշումը բխում է Գիտատեխնիկական հանձնաժողովի ցուցումներից:
«Եթե ժամանակային սխալ թույլ տանք և շտապենք որոշ քայլեր իրականացնել, ապա ռիսկի տակ կդնենք ամենադժվար շաբաթների ընթացքում մեր գործադրած ջանքերը։ Սա մեր տնտեսության շարժիչը կրկին միացնելու, մեր կյանքի սոցիալական հարթությունը վերականգնելու և մեզնից անբաժան ազատությունը կրկին նվաճելու միակ գործող եղանակն է»,- նշել է նա երկրի խորհրդարանում ունեցած ելույթի ժամանակ։