Կառավարությունը նվազագույն աշխատավարձի չափով աջակցություն կտրամադրի մարտի 13-30-ն աշխատանքից ազատված քաղաքացիներին

Կառավարությունը նվազագույն ամսական աշխատավարձի չափով աջակցություն կտրամադրի 2020 թ. մարտի 13–ից մինչև մարտի 30-ն ընկած ժամանակահատվածում աշխատանքից ազատված քաղաքացիներին։ Այս մասին Կառավարության արտահերթ նիստին ասաց աշխատանքի և սոցիալական հարցերի նախարար Զարուհի Բաթոյանը։

Զարոուհի Բաթոյանի խոսքով՝ աջակցությունը տրամադրվում է միանվագ՝ նվազագույն ամսական աշխատավարձի չափով:

Նշենք, թե աջակցությունից ովքեր չեն կարող օգտվել՝

1 - Ում աշխատանքից ազատվելուն նախորդող 2 ամիսների միջին ամսական աշխատավարձի չափը գերազանցել է 500 000 ՀՀ դրամը

2 - Ով 2020 թվականի մարտի 30-ի (ներառյալ) դրությամբ աշխատանքային հարաբերությունների մեջ է գտնվել նաև այլ գործատուի հետ կամ նույն գործատուի հետ՝ այլ աշխատանքային պայմանագրի հիման վրա

3 - 2020 թվականի մարտի 30-ի (ներառյալ) դրությամբ հանդիսացել է անհատ ձեռնարկատեր, ում գործունեությունը նույն ամսաթվի դրությամբ Հայաստանի Հանրապետության հարկային օրենսգրքով նախատեսված կարգով դադարեցված չի եղել

4 - Ով Հայաստանի Հանրապետության կառավարության 2020 թվականի մարտի 26-ի N 358-Լ որոշմամբ սահմանված միջոցառման շահառու է եղել։