Ինչ են խոսել Պուտինն ու Ասադը
РИА Новости գործակալությունը` հղում անելով Կրեմլի մամուլի ծառայությանը հայտնում է, որ մարտի 6-ին ՌԴ նախագահ Վլադիմիր Պուտինի և Սիրիայի նախագահ Բաշար Ասադի միջև տեղի է ունեցել հեռախոսազրույց: Պուտինը տեղեկացրել է Սիրիայի նախագահին երեկ Մոսկվայում տեղի ունեցած բանակցությունների արդյունքում Իդլիբի հարցով Թուրքիայի նախագահ Ռեջեփ Թայիփ Էրդողանի հետ ձեռքբերված պայմանավորվածությունների մասին: Պուտինը նշել է, որ այդ պայմանավորվածությունների կատարումը թույլ կտա կայունացնել իրավիճակը շրջանում:
Ասադը բարձր է գնահատել Ռուսաստանի և Թուրքիայի նախագահների միջև անցկացված բանակցությունների արդյունքը և երախտագիտություն է հայտնել Պուտինին ահաբեկչության դեմ պայքարում ցուցաբերած աջակցության և Սիրիայի ինքնիշխանությունն ու տարածքային ամբողջականությունը ապահովելու համար: