Պահանջագիր-վերջնագիր՝ Փաշինյան Նիկոլին

«Հայոց Արծիվներ. Միասնական Հայաստան»
կուսակցության հայտարարությունը

(տեսանյութը հասանելի կլինի վաղը՝ ժամը 12:00-ից Խաչիկ Ասրյան/Хачик Асрян/Khachik Asryan ֆեյսբուքյան էջում)

20.02.2020 թվական
Երևան քաղաք

Ազնվասի՛րտ Հայեր
Նորանկախ Հայաստանի պետականաշինության գործում լրջագույն ներդրում ունեցած և 15 տարիների ընթացքում շուրջ 1.500 հայրենասիրական և ռազմահայրենասիրական բնույթի միջոցառումներ կազմակերպած «Սյունյաց և Հայոց Արծիվներ» հայրենասիրական կազմակերպությունների (www.hayocartsivner.am) ավելի քան 300 մասնաճյուղերի ամուր հիմքի վրա ձևավորված «Հայոց Արծիվներ. Միասնական Հայաստան» ազգային քրիստոնյա կուսակցությունը Հայաստանի Հանրապետության վարչապետի պաշտոնը զբաղեցնող Փաշինյան Նիկոլին և Հայաստանի Հանրապետության գործող կառավարությանը ներկայացնում է կարևորագույն տասը պահանջներ`ըստ հստակ ժամանակացույցի:

Պահանջ 1-ին. Անհապաղ հրաժարվե՛լ «Իմ քայլ»-ը խմբակցության՝ սույն թվականի փետրվարի 6-ին Ազգային Ժողովում ընդունած «ՀՀ Սահմանադրության փոփոխությունների նախագիծը հանրաքվեի դնելու մասին» հակասահմանադրական և Հայոց պետականության դեմ ուղղված որոշումից, որի քաղաքական միակ նպատակն է ունենալ այսօրվա Հայաստանակործան և ապազգային իշխանության կամակատար Սահմանադրական դատարան, որպեսզի Հայոց պետականության, Արցախյան հարցի, Հայ Առաքելական Սուրբ Եկեղեցու, հայկական ավանդական ընտանիքի դեմ ուղղված հակազգային բոլոր ծրագրերն անխափան իրականացվեն։
«Հայոց Արծիվներ. Միասնական Հայաստան» կուսակցությունը պահանջում է Հայաստանի Հանրապետության (այսուհետ՝ ՀՀ) կառավարությունից՝ դադարեցնե՛լ Արցախի Հանրապետության դեմ ուղղված դավաճանական դիրքորոշում ունեցող բանակցությունները (Հայաստանի վարչապետի պաշտոնը զբաղեցնող Փաշինյան Նիկոլը և ոչ ոք չի կարող նույնիսկ քննարկել կամ շահարկել Սուրբ Արցախի տարածքային ամբողջականության հարցը՝ ազատագրված յոթ շրջաններով հանդերձ), դադարեցնե՛լ Ստամբուլյան կոնվենցիայի այլասերված բարքերի հաստատման գործընթացը Հայաստանում և Արցախում, դադարեցնե՛լ Հայ Առաքելական Սուրբ Եկեղեցու և հայկական ավանդական ընտանիքի դեմ ուղղված հայակործան բոլոր ծրագրերի իրականացումը, դադարեցնե՛լ հայ-թուրքական սահմանն ու Հայաստանի անվտանգությունը Թուրքիայից պաշտպանող, Հայաստանի ռազմավարական դաշնակից, Հայ Ժողովրդի դարավոր բարեկամ Ռուսաստանի Դաշնության Սահմանապահ զորքերը Հայաստանից դուրս բերելու հայակործան՝ նպատակ դարձած քարոզչությունը, քանզի փաստ է, որ հենց այս ամենի իրավական ամրապնդմանն էլ ուղղված է Սահմանադրական փոփոխությունների սույն հանրաքվեն:
ՀՀ իշխանություններից պահանջո՛ւմ ենք՝ անխախտ պահել ՀՀ Սահմանադրությունը և ՀՀ իշխանությունների՝ օրենսդիր, գործադիր, դատական մարմինների անկախ գործելու իրավունքը:

Պահանջ 2-րդ. 2020 թվականի մայիսի 10-ից մինչև դեկտեմբերի 10-ը Հայաստանի Հանրապետության սեփականությունը հանդիսացող ամբողջ ընդերքն ազգայնացնել, այսինքն՝ ընդերքի ամբողջ շահույթը բացառապես ուղղել դեպի Հայաստանի Հանրապետության պետական բյուջե, որի արդյունքում էլ՝ 4-րդ ամսից սկսած՝ 1 անգամ, 3-րդ տարվա մեջ՝ 2 անգամ, 5-րդ տարվա մեջ՝ 3 անգամ պարտադիր պետք է բարձրացնել առաջին հերթին հետևյալ ոլորտներում աշխատող, ծառայող քաղաքացիների աշխատավարձերը.
ա) Հայաստանի հանքարդյունաբերության ոլորտում աշխատող բոլոր բանվորներինը,
բ) Հայաստանի և Արցախի սահմանագիծը պահող բոլոր զորամասերի հրամանատարներինը, սպաներինը, պայմանագրային զինծառայողներինը՝ անընդհատ բարելավելով զինվորականի սոցիալական վիճակը,
գ) Պաշտպանության, Ոստիկանության, Ազգային անվտանգության, Արտակարգ իրավիճակների, Արդարադատության, իրավական և դատական համակարգերի բոլոր ծառայողներինը և աշխատակիցներինը,
դ) թոշակառուներինը,
ե) մանկավարժներինը,
զ) բժիշկներինը,
է) կրթության և գիտության, մշակույթի, արվեստի, գրականության և սպորտի ոլորտի բոլոր աշխատողներինը:
Կրկնում եմ, խոսքը վերաբերում է աշխատավարձերի և թոշակների բարձրացմանը:

Պահանջ 3-րդ. 2020 թվականի մայիսի 10-ից մինչև 2021 թվականի դեկտեմբերի 10-ը միանվագ ֆինանսական աջակցություն ցուցաբերել 20-րդ դարավերջի արցախյան ազատագրական հերոսամարտի սկզբից մինչև այսօր ՀՀ և Արցախի Հանրապետության սահմանները պաշտպանած և նահատակված բոլոր հայորդիների ընտանիքներին՝ յուրաքանչյուրին հատկացնելով 35 միլիոն դրամ, իսկ նահատակված և 20-րդ դարավերջի արցախյան ազատագրական հերոսամարտի սկզբից մինչև այսօր ՀՀ և Արցախի Հանրապետության սահմանները պաշտպանած և հաշմանդամ դարձած բոլոր հայորդիների՝ Հայաստանի Հանրապետության կառավարության կողմից յուրաքանչյուր ամիս տրվող թոշակը կրկնապատկել՝ սկսած սույն թվականի մայիսի 10-ից։

Պահանջ 4-րդ. 2020 թվականի սեպտեմբերի 1-ից Հայաստանի բոլոր դպրոցների բոլոր ուսուցիչների աշխատավարձը կրկնապատկել:

Պահանջ 5-րդ. 2020 թվականի սեպտեմբերի 1-ից սկսած՝ Հայաստանի Հանրապետությունում կրթությունն ամբողջությամբ՝ նախադպրոցականից մինչև բարձրագույն, դարձնել միայն ու միայն պետության հոգածության ներքո, այսինքն՝ բացառապես անվճար (ծնողն այսուհետ էլ չպետք է վաճառի իր կամ իր պապական տունը, որպեսզի այդ գումարով իր երեխային կամ երեխաներին կրթի Հայաստանում):
Հայ սերնդին կրթելը պետք է լինի միա՛յն ազգային-պետական մակարդակով, անվճար և վե՛րջ:

Պահանջ 6-րդ. Մինչև 2020 թվականի դեկտեմբերի 10-ը Հայաստանի գյուղական բոլոր համայնքների ընտանիքների գյուղատնտեսական բոլոր վարկերը զրոյացնել: Գյուղատնտեսական բոլոր տեսակի վարկերի վճարումը Հայաստանում գործող բանկերին պարտավոր է կատարել Հայաստանի Հանրապետության կառավարությունը:

Պահանջ 7-րդ. Մինչև 2020 թվականի մայիսի 10-ը Հայաստանում վերջին երկու տարվա ընթացքում փակված բոլոր ծննդատներն ու հիվանդանոցները վերաբացել: Հայաստանի՝ հատկապես գյուղական համայնքների բոլոր հիվանդանոցները, մինչև 2021 թվականի դեկտեմբերի 10-ը, վերազինել ժամանակակից բժշկական սարքավորումներով:

Պահանջ 8-րդ. Սույն թվականի մայիսի 10-ից՝ Հայաստանի Հանրապետության կառավարությունը պետք է լրջագույնս խթանի ծնելիության աճի մակարդակը, այսինքն՝ Հայաստանի կառավարությունը պետք է ցուցաբերի աննախադեպ աջակցություն՝ Հայաստանում ծնելիության մակարդակի աճը կտրուկ բարձրացնելուն: Հետևաբար, Հայաստանի Հանրապետության կառավարությունը Հայաստանում բնակվող իր յուրաքանչյուր քաղաքացու ընտանիքում ծնված 1-ին երեխային միանվագ պետք է հատկացնի 1 միլիոն դրամ, իսկ մինչև 16 տարեկանը՝ ամսական 50.000 դրամ: Նույն ընտանիքում ծնված 2-րդ երեխային միանվագ՝ 1.5 միլիոն դրամ, իսկ մինչև 16 տարեկանը՝ ամսական 50.000 դրամ: Նույն ընտանիքում ծնված 3-րդ երեխայից սկսած՝ յուրաքանչյուրին միանվագ՝ 2,5 միլիոն դրամ, իսկ մինչև 16 տարեկանը՝ յուրաքանչյուրին ամսական 50.000 դրամ:

Պահանջ 9-րդ. Անմիջապես չեղարկել, վերացնել վարորդների երթևեկության համար չարիք դարձած բալային համակարգը՝ պատրաստելով նոր համակարգ՝ բնակչության անվտանգության և վարորդների երթևեկության շահերից ելնելով:

Պահանջ 10-րդ. 2020 թվականի սեպտեմբերի 1-ից սկսած՝ Հայաստանում գործող մանր և միջին բիզնեսը երեք տարով պետք է ազատել բոլոր տեսակի հարկերից (միաժամանակ պարտավորեցնել մանր և միջին բիզնեսով զբաղվող ձեռներեցին՝ իր յուրաքանչյուր աշխատողի աշխատավարձը դարձնել նվազագույնը 200.000 դրամ). սոցիալական այս ծանր ժամանակաշրջանում, մանր և միջին բիզնեսով զբաղվող ընտանիքը երեք տարվա ընթացքում կկարողանա կարգավորել իր ընտանիքի բյուջեն և ոտքի կանգնել ու ապահովել իր բարեկեցությունը: 4-րդ տարվա սկզբից՝ Հայաստանում գործող մանր և միջին բիզնեսը կսկսի վճարել հարկեր:

Այսօրվանից սկսած՝ 50 օրվա ընթացքում, այսինքն՝ մինչև ապրիլի 7-ը ներառյալ, ՀՀ գործող կառավարությունն՝ ի դեմս Հայաստանի Հանրապետության վարչապետի պաշտոնը զբաղեցնող Փաշինյան Նիկոլի, պետք է հայտարարի, որ ընդունում և ամբողջությամբ իրականացնելու է «Հայոց Արծիվներ. Միասնական Հայաստան» կուսակցության կողմից իրենց առաջադրված կարևորագույն տասը պահանջները: Մինչև 2020 թվականի ապրիլի 7-ը ներառյալ, վերոնշյալ բոլոր տասը պահանջների վերաբերյալ Հայաստանի վարչապետի պաշտոնը զբաղեցնող Փաշինյան Նիկոլի և գործող կառավարության կողմից դրական պատասխան չլինելու կամ, առհասարակ, պատասխան չլինելու դեպքում՝ ինքս սկսելու և ղեկավարելու եմ Հայ Ժողովրդի հրապարակային բազմահազարանոց ճշմարիտ և արդար պայքարը՝ հեռացնելով Փաշինյան Նիկոլին Հայաստանի վարչապետի պաշտոնից:

«ԱՍՏՎԱ՛Ծ, ՀԱ՛Յ ԱԶԳ, ՀԱՅԱՍՏԱ՛Ն»

«Հայոց Արծիվներ. Միասնական Հայաստան»
կուսակցության նախագահ՝ Խաչիկ Ասրյան

դիտվել է 1187 անգամ
Լրահոս
ՏՄՊՊՀ-ն պատասխանատվության միջոցներ է կիրառել «Ալեքս էնդ հոլդինգ» և «Սիթի» ՍՊԸ-ների նկատմամբ Պայթյուն՝ ոստիկանության Բերդի բաժնի վարչական շենքի մոտ «А теперь я Наташа!» Քծնանք, անվստահություն, ներքին վախեր․ իշխանության որակները․ Մարինե Սուքիասյան «Ադրբեջանում ջրի խնդիրն այնքան տեսանելի է, որ երևում է զորավարժությունների կադրերում». Կարեն Հովհաննիսյան «Այսպես չի կարող շարունակվել»․ Ռուբեն Շուխյան Սպառված պետականության վերջին կայարանը «Այս «օպերացիայի» հետևում կանգնած են Ադրբեջանի ՊՆ տակ գործող ռեսուրսները». Ալեն Ղուլյան Զինվորական համազգեստով փնթի կեցվածքով, լոլիկով ձվածեղ ուտելն իրենց հպարտությանը հո վնաս չի՞ Արամ Զ. Սարգսյանը Քոչարյանի ինտերվյուն չէր նայել... անգիր էր արել Հեղափոխական խաբեություն. ինչպես ֆռռացնել «պողոսին» և ձախողել պետական կառավարումը Զորավարժություններն ուղեկցվում են ընդգծված քարոզչական արշավներով, կեղծ և ակնհայտորեն չափազանցված տեղեկատվությամբ Աթենքի փողոցում բախվել են Kia-ն ու Toyota-ն. կա վիրավոր Արտակարգ դեպք Երևանում Խոշոր ավտովթար. 55-ամյա վարորդը «Կամազով» կողաշրջվել է Ադրբեջանական կողմը կրակել է հայկական դիրքերի ուղղությամբ Թուրքական զորքերը մտել են Նախիջևան, որտեղից Երևան 60 կմ է․Արամ Սարգսյան (video) Կորոնավիրուսի 52 նոր դեպք Ինչ է հասկացել Ռոմանոս Պետրոսյանը Տորոնտոյում միջադեպ է տեղի ունեցել հայերի եւ ադրբեջանցիների միջեւ Կառավարությունը վաճառքի է հանել Նորքի այգիները, 2 հա այգիների վաճառքի դեպքում երևանցիները ստիպված կլինեն մոռանալ թթվածնի մասին․ Վահագն Վարագյան Շուկան փակել են, որ Սամվել Ալեքսանյանի գործին չխփեն Ողջունում եմ Միքայել Մինասյանին երկու պարագայում էլ․Արամ Հարությունյան (video) Բորիս Նեմցովի 18-ամյա դուստրն ամուսնացել է հայի հետ Դուք հասկանում ե՞ք՝ Պուտինն ակնհայտ չի շփվում Նիկոլ Փաշինյանի հետ․Արամ Գ․ Սարգսյան (video)
Ամենաընթերցվածները
Շուտով
Հրավիրում ենք Ձեզ՝ ներկա գտնվելու «Թովմասյան Բարեգործական Հիմնադրամ»-ի նախաձեռնությամբ կազմակերպված բարեգործական միջոցառման ամփոփիչ մամլո ասուլիսին: Երկուշաբթի 14:00 , Dvin Music Hall Օգոստոսի 3-ին, ժամը 11:00-ին Հայելի ակումբի հյուրն է ՀՀԿ խոսնակ Էդուարդ Շարմազանովը: Թեմա` կրթական համակարգ, նախարարի գործողությունները, հայ գրականության և հայոց պատմության շուրջ ստեղծված աղմուկ, նոր չափորոշիչներ: Սահմանային լարվածություն, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Օգոստոսի 3-ին, ժամը 13:00-ին Հայելի ակումբի հյուրն է «Պարացելսուս» ՀԿ հիմնադիր Նունե Ներսիսյանը, քաղաքական գործիչ Արագած Ախոյանը և «Այլընտրանք» ՀԿ համանախագահ Նարեկ Մանթաշյանը: Թեմա` սահմանամերձ Աչաջուր համայնքի ծննդատան փակում, նախարարի քայլերը, սահմանային լարվածություն, արդյոք հանգուցալուծում ստացավ ՍԴ շուրջ ստեղծված թնջուկը, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Օգոստոսի 3-ին, ժամը 12:00-ին Հայելի ակումբի հյուրն է Ոստիկանության գնդապետ Սայաթ Շիրինյանը: Թեմա` սահմանային լարվածություն, արդյոք հանգուցալուծում ստացավ ՍԴ շուրջ ստեղծված թնջուկը, ՀՀ երկրորդ նախագահ Ռ. Քոչարյանի հարցազրույցը, կորոնավիրուսային համաճարակ: Հուլիսի 31-ին, ժամը 13:00-ին Հայելի ակումբի հյուրերն են Ռազմական, հասարակական գործիչ Գևորգ Գևորգյանը և ռազմական փորձագետ Վան Համբարձումյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 12:30-ին Հայելի ակումբի հյուրն է քաղաքական վերլուծաբան Վոլոդիա Հովհաննիսյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 12:00-ին Հայելի ակումբի հյուրն է ԱԻՄ առաջնորդ Պարույր Հայրիկյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 11:30-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին, ժամը 11:00-ին Հայելի ակումբի հյուրերն են հոգեբան Միհրդատ Մադաթյանը և «Ազգային համաձայնություն» կուսակցության նախագահ Արամ Հարությունյանը։ Թեմա` սահմանային լարվածություն, զորավարժություններ` Նախիջևանում, կորոնավիրուսային համաճարակ, ներքաղաքական իրավիճակ: Հուլիսի 31-ին` ժամը 14:00-ին, Sputnik Արմենիա մուլտիմեդիոն մամուլի կենտրոնում առցանց ասուլիսի ընթացքում հաջողության բանաձևը կբացահայտեն «Նոա» ակումբի գլխավոր մարզիչ Իգոր Պիկուշչակը և մարզական տնօրեն Հայկ Հովհակիմյանը:Մամուլի ասուլիսը կհեռարձակվի նաև Sputnik Արմենիայի ֆեյսբուքյան էջում և YouTube-ում։ Լրագրողները կարող են հարցերն ուղղել ինչպես նախնական կարգով, այդպես էլ մամուլի ասուլիսի ընթացքում [email protected] էլեկտրոնային հասցեով:
Հետևեք մեզ Facebook-ում https://www.facebook.com/hayeliclub